享慢煮意 (The ONE)

营业中

休息中

上篇魚肉湯皇美食食評提到，大前日（2-3-2025 Sun）晏晝，用上次喺呢喥食完嘢（食評係2025年2月21日刊登嘅呢篇：https://www.openrice.com/zh/hongkong/review/%E7%94%A8%E5%88%80%E5%8F%89%E9%A3%9F%E7%9B%86%E8%8F%9C-e5922271），隨收據附上單點食物滿$100.00當$50.00用，滿$200.00當$100.00用，加一以正價計嘅優惠券食下午茶，我哋嚟到時唔多人，重有一張靠窗嘅二人枱，我哋就坐嗰張，坐低睇menu，其實睇返上次影嘅menu，都計好咗叫3個牛角包就夠$200.00，唔叫嘢飲就得。但老公都話要叫杯嘢飲，OK，今次我哋叫上次冇叫嘅牛角包食，有：兩個都係$88.00嘅爆醬蟹羔流心牛角包，法國鴨肝醬流心牛角包，同$38.00嘅海鹽焦糖咖啡慕絲流心牛角包，老公揀$68.00嘅開心果芝味特飲。所有嘢都好快嚟到，首先，我睇咗一篇教食流心牛角包，唔會嘥龍蝦湯嘅食評https://www.openrice.com/zh/hongkong/review/%E3%80%90-%E9%

**📍 餐廳位置與環境** 位於尖沙咀「The One」6樓的「享慢煮意」，主打創意輕食與特調飲品。餐廳裝潢走簡約文青風，開放式廚房設計增添用餐氛圍，座位間距寬敞，適合朋友小聚或獨自工作用餐。 **🍽️ 食物與飲品評價** **必試龍蝦同蟹羔牛角包** 外層酥脆夾入濃郁蟹膏醬，鹹香突出，但份量較小，性價比一般。 龍蝦有流心，好正。 3. **特調飲品** - **冰橙香咖啡（Orange Coffee, HK$55）**：橙香與咖啡意外地搭，酸甜果香中和咖啡苦味，夏日消暑推薦。 - **黑芝麻茶麥奶（Sesame Latte, HK$59）**：芝麻香濃郁，麥奶取代牛奶更健康，但略顯甜膩。 **輕食與飲品份量偏精緻，大食量者可能需加點。 **📌 總結** 「享慢煮意」適合喜歡創意混搭風味的食客，牛角包出色。

Loved their croissant but their Yoho store is closed. Today we had dinner before the Conan movie and I got to try it again in their set dinner.Despite the Crab Paste is more expensive, the lobster bisque has much more dramatic effect when its cut open.The Wellington is definitely worth the extra cost as it much larger and even the portion of the salad is large.The dessert was definitely an innovative choice. Besides being an usual affogato, the added spices to the sauce definitely gave a interes

在OpenRice訂購任食威𩆜頓牛柳加海鮮塔套餐，餐廳稱套餐不包括海鮮塔，但我確實在OpenRice購買了包含海鮮塔的套餐，到現在餐廳還未退款給我們。我不知道是OpenRice出錯還是餐廳安排不當。對此，我對餐廳十分失望！

最近與朋友到這間餐廳晚飯兼為朋友慶祝生日，食物方面中規中矩，味道尚算正常，整體屬於「正路發揮」，但服務體驗卻令我們大感失望。我們透過 OpenRice 訂枱時，在備註欄標明是「慶祝生日」，由於當時未決定是否會自攜蛋糕，所以亦沒有特別註明這一點。到達餐廳後，我們將一個6寸蛋糕交給職員放入雪櫃，職員當刻有告知要收取 $150切餅費，我們表示同意，希望餐後能在店內切蛋糕，對方亦無異議。到用餐尾聲，我們請職員協助拿出蛋糕準備切件，當時有一職員告知我們要收切餅費，而剛剛已付的帳單中未有收取，所以要另外收取切餅費連加一($150+10%)，我們亦沒有異議。同時另一位職員就在完全未清理的枱時，就捧上已點燃蠟燭的蛋糕。我們再次請求協助處理，才慢慢地有人幫忙整理枱面。最令我們不解的是，一位疑似管理層的男職員先後三次走過來「了解情況」，詢問我們有否「提早明確講明要在店內切蛋糕」，並表示「如果下次再有機會幫襯，可在 OpenRice訂座時備註自攜蛋糕」，以便餐廳早些安排雪櫃空間。雖然對方每次都口頭加一句「唔好意思」，但整體語氣與反應令我們感到餐廳似乎在暗示是我們溝通不足、配合不夠，而非他們自身應具備的靈活處

見網上平台有推出呢間嘅放題，一向想試佢嘅龍蝦湯流心牛角包，見佢有得任食幾款牛角包，仲有任食威靈頓牛扒，已經忍唔住去試！竟然仲有一次性嘅海鮮塔，直情算係bonus添啦～一坐低唔洗講，一定係order牛角包先，龍蝦湯係真係好好食！😍湯又濃又熱辣辣，牛角包嘅皮吸曬啲精華，加上半脆半浸過、吸滿湯嘅口感，好正！蟹就失色啲，比較腥，同乾、傑少少再上個海鮮塔，講真就唔吸引嘅😂唔算新鮮，叫過過口癮嗌左兩款湯，龍蝦同磨菇，有得揀包唔包酥皮，我哋一份包一份唔包咁試。唔知係咪掛住影相打卡搞到個酥皮淋左塌左，麻麻，湯就中規中矩MVP出場！😍😍😍正！外皮少少脆香，中間豐富肝醬，舊牛扒本身就好香牛味好淋！口感同味道都一流！我忍唔住都食左四五舊😂飽曬！仲有甜品，正常發揮冇特別影了

今次試咗佢哋嘅三層休閒法式下午茶餐，仲要撞正做緊38折，人均$200有找，真係抵到癲仲飽到夜晚嗰餐唔使食🙉.「龍蝦湯流心牛角包」🦞🥐超有驚喜，一刀切落落酥皮係聽得到嘅脆，入面嘅龍蝦湯爆漿湧晒出黎，呢個組合真係冇得頂！.最正係三層架嘅鹹點同埋甜點各佔一半，唔會太膩，仲有每一款都唔係得個樣，係好睇又好食👍🏻鹹點有北海道帶子、有Ham、蟹肉，甜點有白松露cheese cake、焦糖燉蛋、馬卡龍等等，真心豐富😋.環境都唔錯，最緊要坐近窗口玻璃位自然透光，打卡一流🩷 職位影相好似受過訓練咁，唔使教啲角度都好啱晒我哋兩條港女嘅心意🤣.*溫馨提示：38折優惠唔知做到幾時，要快啲Book枱！

Overall 不過不失的一間西餐廳🍴 酥皮龍蝦湯🦞賣相唔錯，龍蝦味濃郁，仲比左個鎚仔你敲爛個酥皮，幾有儀式感🤣 Main黎講比較值得一試嘅係西班牙黑毛豬腩，整得香口又有豬肉味，配埋個醬(好似係南瓜醬🎃)都幾開胃。😋反而飲品比較新奇，吸引左我地去點開心果同Tiramisu 芝士特飲😍😍S͇a͇l͇a͇d͇ 🥗1️⃣牛油果流心蛋沙律 🥑 🥗𝘼𝙫𝙤𝙘𝙖𝙙𝙤 & 𝟲𝟯𝙘 𝙀𝙜𝙜 𝙎𝙖𝙡𝙖𝙙 🥚🥑 🥗2️⃣慢煮雞胸肉高蛋白低脂健康餐 🐓𝙎𝙤𝙪𝙨-𝙫𝙞𝙙𝙚 𝙐𝙎𝘼 𝘾𝙝𝙞𝙘𝙠𝙚𝙣 𝘽𝙧𝙚𝙖𝙨𝙩M͇a͇i͇n͇ 🥘🌟3️⃣西班牙黑毛豬腩配黑毛豬頸𝙄𝙗𝙚𝙧𝙞𝙘𝙤 𝙋𝙤𝙧𝙠 𝘽𝙚𝙡𝙡𝙮 & 𝙉𝙚𝙘𝙠4️⃣紅酒和牛面頰𝙒𝙖𝙜𝙮𝙪 𝘽𝙚𝙚𝙛 𝘾𝙝𝙚𝙚𝙠 𝙞𝙣 𝙍𝙚𝙙 𝙒𝙞𝙣𝙚 𝙎𝙖𝙪𝙘𝙚S͇o͇u͇p͇ 🥣🌟5️⃣法式龍蝦湯🦞𝘾𝙡𝙖𝙨𝙨𝙞𝙘 𝙇𝙤𝙗𝙨𝙩𝙚𝙧 𝘽𝙞𝙨𝙦𝙪𝙚D͇e͇s͇s͇e͇r͇t͇ 🍰6️⃣法式焦糖燉蛋𝙎𝙤𝙪𝙨-𝙫𝙞𝙙𝙚 𝘾𝙧𝙚𝙢𝙚 𝘽𝙧û𝙡é𝙚 D͇r͇i͇n͇k͇ 🍹🌟7️⃣開心果芝味特飲 🧀𝙋𝙞𝙨𝙩𝙖𝙘𝙝𝙞𝙤 𝘾𝙝𝙚𝙚𝙨𝙮 🌟8️⃣提拉米蘇芝味特飲 🧀𝙏𝙞𝙧𝙖𝙢𝙞𝙨𝙪 𝘾𝙝𝙚𝙚𝙨𝙮

同朋友慶祝生日想食餐西餐，黎左享慢煮意，想食signature 🥐🥐。✨龍蝦汁流心牛角包🦞🥐不吃牛角包=白來！一定要趁熱吃！用刀輕輕滑破表面，酥脆嘅外皮瓦解後，龍蝦湯隨之湧出，將酥皮沾上湯食用，同酥皮龍蝦湯有異曲同工之妙😋😋😋龍蝦汁蟹肉伊面🦞🥘幾乎每一枱都有這道菜，龍蝦汁已被伊面索滿，但不油膩，如果蟹肉再多d 滿意度再+++手工威靈頓牛柳🐮🍖牛柳的份量給女生是剛剛好的，牛肉中間有小小騷，牛柳上的醬汁比較淡，記憶點較低忘了拍甜品法式燉蛋，十分普通，我入座提了職員2次甜品寫字，可能店員忙碌，最後都忘記了，有點可惜🫣📍尖沙咀彌敦道100號The ONE 6樓L608號舖

法式點心放題早午餐以牛角包為主打，有鹹點龍蝦湯牛角包，也有甜點軟雪糕牛角包，此外還有沙律和甜點，如果想吃豐富一點，可以加購意粉和肉類等。名為「點心」放題就知道每款菜式都不會很大份量，除了牛角包是正常尺寸，其他全都是十分之小巧，優點是可以試多幾個菜式。我最喜歡特濃咖啡加軟雪糕，吃了兩次🤭餐廳的服務員工作態度很好，值得一讚。

有朋友難得返香港一齊慶祝，見到呢間可以任食威靈頓牛排幾特別之後試下，點知途中叉開d菜的時候見到蟲蟲特工隊係碟到爬黎爬去，指住比店家睇沒任何表示只係收左盤碟最後一樣每位收423$，對店家有d失望。有拍蟲爬的片可惜openrice食評唔比上載片。可惜了其實店員本來的服務幾好賣相其實幾好 味道ok但菜有蟲係到爬..

餐廳提供三種餐飲方案，午餐任食，Brunch 早午餐任食(不包飲品)及下午茶Tea Set(包飲品)。輕食Brunch任食, 主要提供前菜及甜品任食。如要主菜(牛扒，意粉等)可加錢或直接購買午餐任食方案。環境方面 ： 法左Cafe 設計風，日照適合打卡食物方面 ：必吃龍蝦湯牛角包，即叫即加熱，美味推介。喜歡甜的，可以選擇玉桂蘋果牛角包，同樣醬汁滿滿。服務方面：店員有禮親切，但任食order 令員工比較吃力送餐。💡價錢小提示：網上平台訂單付款外，需於在場另加服務費。另外，點單App 提供另加小食，亦需另加服務費用。

首先我沒有收過任何利益，自己全費吃完寫個食評，真心灰。平日在地盤工作無餐好飯食，吃到喜歡的寫食評就檢報，真心灰。我沒有推介威靈頓扒，也放了一張真實肉質不吸引的照片。星期六1145am 入坐，預訂了158放題，早d入坐得舒服。這個放題品種一半都圍繞牛角包及酥皮食品，各款食物都叫了，上菜節奏正常也齊單。其中牛角龍蝦湯必叫亦有d算驚喜，又夠熱，牛角包鬆化但不油，龍蝦湯夠濃，這個做法好吃過一般酥皮湯，因為d酥皮好大層油而d油質量唔洗諗。主菜加上了威靈頓扒及豬，威扒一般無牛肉味，反而豬什煎香好味道。牛角包的變法帶到甜品，蘋果牛角包再配埋雪糕，另一種法式的演譯。cream Brulee 都好味，不見vanilla 籽，但有多層淡淡瑰玫味。提下，主菜到前要叫定蘋果牛角包及cream brulee, 咁就唔洗等很久。

4-2-2025（Tue）無意中見到呢喥有做優惠嘅特別嘅法式龍蝦鮑龍萬有酥皮盆菜，覺得好吸引，同老公商量好唔好預訂嚟食，佢答好，於是我就以$458.00預訂原價$528.00嘅細盆菜，喺8-2-2025( Sat)初十一食，我都book好位，要求窗口位。我哋準時嚟到，係留咗窗口位俾我哋，坐低後，女侍應拎menu俾我哋，話個盆菜要等15分鐘，睇吓有冇咩想叫先。我知呢喥出名牛角包，但由於唔知做咩，我好頂肚，未必食到咁多嘢，而老公睇到嘢食同飲品都唔平，梗係，尖沙咗噃，佢都暫時唔嗌住。之後侍應嚟問我哋叫唔叫嘢食？我答遲啲，然後問我哋係咪可以𠵱o家上盆菜？我答係。咁我哋等，等呀等，等呀等，點解咁耐都未到？老公肚餓喇，原來都已經半個鐘。我就問問侍應，未開聲佢都知我問乜，即答話幫我跟。然後由廚房出嚟，話等多3分鐘。終於我見到佢哋將冇酥皮嘅盆菜拎咗出出菜位，睇見佢哋將半球形嘅酥皮放上盆菜喥，然後拎嚟，放喺個小爐上。我哋拎起酥皮，當我哋努力舀啲湯嚟蘸酥皮食時，侍應就拎一小壺龍蝦湯俾我哋。我先食酥皮，牛油味好夠，但唔好食，應該因為已經唔新鮮，失望。然後食其他嘢喇，海蝦都已經熟到個殼都變白，要快食；見到龍蝦

咕吱嘅新年假期終於放完✌🏻，開學前同佢去間高級餐廳，食返餐好，為佢打打氣😚（實情係 慶祝媽媽me time重臨🤪）「法式點心放題早午餐」優惠價$1️⃣5️⃣8️⃣一位，已經可以任點任食22款鹹點同甜點，加少少錢仲可以享用 #威靈頓牛 同各款意粉；加上餐廳樓底高，窗外遠眺尖沙咀城景同九龍公園，相當開揚，坐得舒服，性價比高😙餐牌上面嘅食物大部份都至少order咗一次，事關Zaza同咕吱都勁開胃🤤咕吱短短幾分鐘就K.O.咗一個巨型牛角包同意大利陳醋車厘茄沙律🥗；之後再單人匹馬食晒兩碟黑松露流心蛋扁意粉🍝 咕吱話：牛角包夠熱，好鬆軟，滿滿牛油香；沙律菜爽口，陳醋酸酸甜甜，好開胃；意粉掛汁，蛋味濃Zaza就最欣賞招牌龍蝦湯流心牛角包🥐同手工威靈頓牛柳🐂前者滿滿龍蝦湯汁從牛角包噴出，但牛角包外層仍然鬆脆🥰 後者由酥香外皮包裹住肉質鮮嫩又多汁嘅牛柳，層次感豐富Creamy嘅 #法國鴨肝醬 塗抹喺脆香嘅多士上面，兩種口感同時出現😚；飛魚子蟹膏千層酥好香口，配搭冰凍新鮮嘅飛魚籽和蟹膏，都係Zaza嘅推介💁🏻‍♀️白汁忌廉空運藍青口同鳳尾蝦橄欖椒絲蒜片扁意粉都值得一試～食咗咁多鹹點，係時候食甜點啦‼️ 特濃牛奶軟雪糕牛角