亞里斯餐廳 (已結業)

新店開時試了一次下午茶 覺得幾OK 裝修清雅米杏色既卡座梳化 加上大窗檯玻璃 好坐另外值得讃既係 有部昇降機 方便坐輪椅及BB車人士使用 GOOD友人都試了午飯 都話野食OK 但飲品差 個餐湯好水 無味兼好少料當日點了魚柳焗意同豬扒焗飯 雖則細份量 但味道都唔錯:)飲品紅豆冰 好淡口 用奶水沖 紅豆尚算大大粒有咬感..熱奶茶 無茶記係絲襪拉水準 疑似茶包沖既貨仔今次捲土重來似乎食物水準仍停留於一般之中所點既咖哩蛋雞扒飯 個汁有椰香偏甜 雞扒有雪氣味:(茄汁豬扒飯 個汁調得酸甜但無番茄出現 豬扒厚肉鬆軟都可以..干炒牛河 炒唔夠鑊氣 河粉好碎:( 古不到味道同牛肉又可以:)凍奶茶 味道死甜 又燶茶味 總之係"怪"味熱華田 反而幾濃 夠華田味:)紅豆冰 依舊淡口 差唔夠侍應 當然不用要求比服務 BUY佢"抵食同好坐" ~後會有期~…查看更多

今次和爸爸來了這個西餐廳，環境很亮，位置非常的寬敞，兩個人都可以坐一些四人的坐位。早上也不是很多人，整體環境也不錯啦。說回早餐。早餐有中西式不同選擇。我跟爸爸的選了E餐。就是一個湯面再加了蛋／腸／火腿／餐肉＋吐司。我點的是黑椒雞排通粉+火腿.餐肉+熱奶茶火腿.餐肉也是一般的貨色，不太燙。好像是先煎好然後等我來嗎？通粉差，湯很普通，雞肉沒有黑椒，我一顆也看不到，味道不太能接受。雞肉也有點酸酸的。吐司不熱，牛油就躺在上面跟我招手，不知道他們用什麼牛油，不太好吃。爸爸點的是，香茅豬扒米線＋蛋．火腿＋熱奶茶。同樣的豬扒沒有香茅味，就是普通的米線。蛋也是先煎的樣子。奶茶。茶味足帶澀，沒有奶香。連我爸爸不好甜的也下了三包糖服務也不錯，就是有個年輕人啪一聲把東西掉下來，又不問一下就收我們的盤子，這不太好呀。不過這裡是全日免加一和冷飲不用另外收費。這樣也不錯。要是吃環境還不錯，但食物就要提高一點點啦。…查看更多

中午兩點同個同事來到這裡兩個人坐張好大卡位這裡大部份都係卡位、裝潢都幾光猛好似翠華茶餐廳的裝潢叫了兩個下午茶餐！乾炒牛可同星洲炒米、每人一杯凍奶荼首先講果碟牛肉可，份量一般味道普通好在一D都吾會太油星洲炒米粉亦吾太油、味道就厭佢太淡其實呢處D炒嘢味道都係次次遍淡但都吾算係難食、至於飲品、亦沒有甚麼特別但係每個下午茶餐大約二十五至三十蚊凍飲亦吾駛加錢、亦無加一服務費等等兩個人五十蚊坐左一個鐘頭都算超值囉…查看更多

今日同老公在佐敦周圍搵食, 途經上海街見呢間餐廳裝修唔錯, 價錢又經濟又免加一諗住去食啦, 點了二人小菜套餐, 好快就有兩碗中湯送來, 今日係木瓜雪耳湯, 喝第一啖就FEEL到好鹹味精好重, 但個心都希望我們點的小菜唔好咁鹹, 但往往都事與願遺......先來一道紅燒豆腐班腩煲, 其實佢地D料係足的, D魚炸過都食唔到腥味, 但真係好鹹, 我唔明點解要咁重手, 浪費了大好的一碟餸....到第二道菜上桌, 是蝦醬通菜炒鮮魷, 菜嫩魷魚鮮都算大碟, 點知一食還比先前的一道菜更鹹, 真係食唔落要倒了些汁, 再沖兩次水才可以入口, 我老公都算食得鹹的人都話頂唔順, 可想而知他們對調味係幾重手, 我寫呢篇食物唔係想唱衰呢間餐館, 只係希望管理層看到能夠改善一下, 因為我都見到佢老細有在場都好緊張地打點一切, 經營餐館實在不易, 看得出佢地在食材與餐具甚至裝修都有心思, 如果因為廚房時常太重手弄得D菜太鹹而做壞招牌就唔抵啦...............如果唔係太鹹都值得再幫襯..........希望真係會改善啦........…查看更多

餐廳好乾淨，好大，啲梳化好舒服。點左兩個鐵板餐，一個紐西蘭肉眼，一個豬扒同雞扒。再加八蚊加一個蒜茸包同薯仔沙律。其實見到個價錢，都唔expect會好好味。點知，結果完全出乎我地意料之外！啲扒好林好入味，唔係淨係牛扒，連豬扒雞扒都好正！食到我地不知幾開心，又超大塊，仲要唔洗加一，六十蚊，就可以坐成個幾鐘，好滿足咁捧住個肚離開！今晚無論係餐湯，正餐，甚至係薯仔沙律，都有物超所值既感覺!!大佬，真係係邊度搵呀??!!Keep 住個水準呀!!我已經心裡暗暗指定左呢個係我地既飯堂之一!!強烈推介!!…查看更多

摯愛無特別話要同我去邊度食飯慶祝，最緊要食得飽；坐得舒服；又平又開心就夠之前已經留意到呢間餐廳，今次特登嚟呢度食，貪呢度無乜人餐廳係樓上鋪，我哋喺留吓望望有咩食，其實都象徵式做個樣望望餐牌，見到二人餐都幾抵食$84，我哋就手牽手入去食上到去唔算多人，冷氣好夠凍，起碼有四五部電視安裝喺唔同位置讓食客邊食邊睇電視，左揭右睇最抵都係二人餐包兩個碗湯、兩個小菜、兩碗白飯、兩杯飲品(注意：凍飲係唔駛加錢，試問依家邊間餐廳凍飲係唔駛加錢呀？係咪值得嚟先:))摯愛揀咗中湯，佢估計係紅蘿蔔豬骨湯，應該係日日唔同o架，而我就揀咗西湯羅宋湯，個湯好稠(所謂o既"杰")唔會好稀，夠味又多渣！白飯其實無乜必要影，但真係又實又大碗，我就食唔晒lu單叫小菜係$43，估唔到啲豬頸肉同四季豆o既比例係一半一半，好多肉呀，又唔係肥肉，不過就多油咗少少，請廚房師父下次比少啲油呀，唔該:)名符其實係有枝竹、火腩、豆腐，全部比例都係一樣，唔會有一款搶晒風頭，枝竹索晒啲汁o既味道，火腩又唔會太肥，正我哋加咗$8點咗個菜，絕對唔係平時去食麵加幾蚊白灼菜o既份量，係酒樓炒出嚟嗰隻o既份量呀，真係抵到爛啦我唔記得影我哋兩杯飲品呀，因為最後先上枱，摯愛係飲紅豆冰，凍飲唔駛加錢之餘呢款都算係特飲呀，都唔駛加錢，餐廳所謂叫套餐轉特飲都係加$8，而我本來係叫熱朱古力，但嚟咗凍朱古力，我見唔駛加錢就算啦，個杯好大應該有500ml(即大約兩包250ml紙包飲品)我唔知應該點sale呢間餐廳好，喺我同摯愛o既角度真係覺得超抵，平時我哋去廳餐、食米線、叫小菜......都唔止呢個價錢，呢度環境唔差o架，位又多，重有VIP Room，咁平點解都無乜人嚟幫襯呢？定係咁啱我哋呢日嚟&呢個時間(大約20:00)係無乜人呢？and then，呢度重有得睇足球直播o架，最低消息都係每位$60，落bar都唔得啦，呢度又坐得舒服。最貼心係佢會為行動不便人士著想，有專用o既lift，老闆好細心喔一定要嚟試吓呀，長沙灣都有分店o架~…查看更多

是日8:45am鋪頭有貨到, 基本上我係唔需要在場, 以前都係叫個PA跟一跟就OK......不過PA阿Suet尚算新人, 擔心佢未跟得足或者店內老臣子蝦佢新人。 做老闆嘅我都要現一現身帶下佢, 等人地見一見佢咁以後就好做事。 不過做嘢前就要食嘢先, PA 阿Suet實在太slim, 唔迫佢食多d嘢都唔得呀！PA 阿Suet就叫個雞扒公仔麵加$7再跟杯黑松露朱古力PA 阿Suet話不如大家share嚟食開心d, 咁我就飲啖聽落好似好名貴的「黑松露朱古力」.... 就係朱古力味囉~ 牛扒‧奄列.拼 薯角.多士... 我嘅選擇睇起來好大份, 薯角炸到脆又硬, 牛扒不過不失而且同一般茶記無分別。凍奶茶 好飲!! Share食嘢嘅感覺真好, 但係點解會有一種好迷嘅感覺, 就係...唔可以俾太太知嘅感覺??…查看更多

第一次寫食評~琴日,同朋友行行下街,去到佐敦,搵極都搵唔到一間似樣d(坐得舒服),直至到呢間餐廳,見到都幾冠冕,幾寬敞~就上去試下..呢度有多種選擇,適合三心兩意,咩都想食野朋友,我叫了一客褔建炒飯,凍OT,我朋友了叫了一個吉列豬扒烏冬,凍0水,炸雞翼~味道OK,分量比我想像中多~埋單唔洗一舊水~仲唔洗加一TIM~下次會再去,試多幾次~仲有下次要記得影埋相,因為個場都值得拍照比大家睇下~(正，開飯之選)…查看更多

每次晚上駕車經過上海街總是在這燈位前停一停,抬頭望上來看見客人也不少.這天經過便决定上來看看究竟有什麼吸引!坐下望著餐牌不禁一呆!腦內出現了"聯合國"三個字.餐牌上的選擇絕對可稱得上七國咁亂!上至火鍋下至扒餐乜都有.厨師推介孖寶....鴛鴦炒飯----有"芡汁恐懼症"者看見必暈倒,比例大概是飯佔四汁佔六.白色那邊的蝦尚幸雪藏味不重,只是汁的味道奶味甚濃感覺很"漏".紅色那邊的茄汁味道甚酸,雞肉頗嚡口.炒底飯炒成如何已不重要,因為是不會吃到一匙羮飯是沒有汁的.豉椒炒蜆----蜆細少但無沙,尚有一點本身的鮮味.豉汁味道略淡及辣味欠奉.出品質素一般,但對喜歡吃著焗豬扒飯兼打邊爐淥粒牛丸吃的人來說,這可能就是賣點.…查看更多

平時食完都唔點打推介, 不過呢間茶記想推介下今日放假好多野要做, 在我去完九龍站圓方出返油麻地之際,因為開始肚仔餓, 但又唔想食太飽要返屋企食飯,行經廟街附近, 比我發現呢度有間咁靚既茶記, 個waiter仲派左張傳單話仲有tea set,自己又開始攰唔點諗就上左去, 剛好沒有太多人, 可以坐番個埋窗位欣賞下外面既景色睇左餐牌, 叫左個芝士吞拿魚意粉, 配什果冰(想飲紅豆冰但賣晒wo..)等左一陣就食得了~ 個肚緊係唔客氣啦芝士味都算夠, 吞拿魚肉亦算多!! 但衰在意粉少左d, maybe係tea set既開係而什果冰我就好少飲, 呢個野飲都ok的, 不過不失!下次經過我會試下其他小炒, 睇到呢個鴛鴦飯好似幾正唯一有樣野想讚, 就係竟然會有升降機!! 呢個老細真係幾體貼呢個區既老人家!! 誠意都100分啦=]仲有d waiter都幾親切, 有笑容, 見到d上落有困難既公公婆婆好主動問要唔要搭Lift呀? 小心慢慢行:)…查看更多

張單印”阿里斯”, 但網上寫”亞里斯”, 唔怪之搵唔到! 早餐, 沙嗲牛肉麵 + 腸仔煎蛋 + 凍啡, 只有半塊多士: 硬! 放耐了, 腸仔: 硬! 質素問題, 太平價! 煎蛋: 凍和實! 煎得太熟, 放得太耐, 沙嗲牛肉麵: 略咸! 唯肉質不錯, 有咬口, 麵質也尚好, 有彈牙, 不太淋, 凍啡少甜, 有聽話, 果真不太甜, $22, 價錢合理!…查看更多

這餐廳睇著它裝修了一段時間 , 今晚終於有機會一試 , 都算幾落本裝修 , 地下約半個舖位, 竟然擺得似在中環的店子般 , 也有傷殘人士設施 , 竟然有埋升降梯 .幾乎全是卡位 , 最明白港燦需要 48.00 一個鐵板餐 , 這價錢都可算是時光倒流好多年...... 包湯 , 又包餐飲 , 仲免加一.... 上台時絕對楂楂聲 , 賣相和味道絕不比那些 "金x" "飛x" "哥x堡" 遜色 ..... 38.00 醬爆茄子斑腩煲 .... 亦無取巧 , 熱燙燙的.... 凍飲都唔駛加 2蚊 ....好多茶餐廳都做唔到啦.... 雖然今次朋友無吃牛扒 , 但我望到隔離台個份 A 餐 , 真係好吸引 , 扒面加上 cheese 碎 , 再淋上黑椒汁 , 那份香味吹埋黎 ..... 連我唔吃牛既都想試下 呢個價錢 , 呢d 質素 , 絕對係抵 , 希望繼續保持啦.....早上原來有早餐架 , 最平個款 14.00 腸仔煎蛋通粉連飲品....... 出面真係買舊"chi"飯都 10蚊啦.... 好鬼抵食....…查看更多

和同事見完客在佐敦附近覓食, 無意中在上海街見到這間西餐廳, 從街外望入去兩邊玻璃窗, 好似幾大, 再望下樓下易拉架的 menu, 當時下午五點幾還是下午茶時段, 茶餐一般是廿零蚊, 都幾抵吖, 於是毫不猶豫就上去幫襯啦喇 ~上到去餐廳, 大約有六成顧客, 我地選了卡位坐, 卡位好大可足夠六人坐的, 見到餐牌上面寫著 : 全日免加一, 符合經濟原則喎 ~終於我地 order 了一個 二人套餐, 看價錢以為超值, 點知一上菜 是超迷你版啊 ! 不過食落口又比想像中好味喎 ! 我見隔離枱叫其他下午茶套餐都沒有像這個迷你的, 當然也不是很大size, 包飲野冇加一, 餐廳四周仲有多部電視, 環境不錯的, 不過就不要對食物要求太高的金話, 實在是不錯的選擇 :) 最後食完個餐都覺得唔會仲肚餓喎 ~…查看更多

今天看見家附近開了一間新的餐廳心血來潮就跟家人進去了點了兩份下午茶餐一份是茄子肉絲炒麵而另一份是古法三絲炒瀨粉味道略淡…可是還是能入口的程度另外飲品也能做到基本要求…此外環境也算不錯可是我當天到那邊試食時餐具的整潔度欠佳令印象分大打折扣要一隻碗要換三次…下午茶餐每人約消費25hkd特飲需加5hkd…查看更多