亞蘇爾 (形點) (已結業)

今日星期六訓到好晏，無特別野做所以搵埋朋友一齊去元朗行街，去到yoho mall已經差唔多2點，早餐都未食好肚餓，見到亞蘇爾餐廳，由於過曬午市時間，唔駛排隊，但都有4成滿，味道應該都唔差，咁就入左去食我既早午餐。入到餐廳，對住落地玻璃窗，出面仲有露天坐位，覺得好似去左海南島啲酒店餐廳食飯咁。我同朋友叫左3個葡撻，勁鍾意食葡撻既朋食左2個，而我就無特別鍾意葡撻，覺得同KFC差唔多味道，但KFC偶然會食到啲焗過龍既葡撻，呢度既係完全無燶味。好味。另外，叫左一個小食拼盤，對於有選擇困難既人黎講，拼盤絕對係恩物，咩都有啲，唔駛取捨。拼盤有馬介休球，脆多士，霹靂魷魚，黑醋豬手。脆多士好好味，芝士加黑松露絕配。但魷魚勁辣，因為我唔食辣，所以食左一啖，就比曬我朋友食。再叫左一個藥膳雞湯米做主食。食米粉湯底最重要。呢個藥膳湯，有藥材味得黎又易入口，心理上仲覺得自己健康左。雞既份量唔少，同埋好滑。我一邊食一邊諗如果自己係附近番工，係唔想食飯既日子，就可以黎食碗米粉。食左咁多肉，當然要叫番碟菜。我地叫左蝦醬炒雜菜，好惹味，但食到底，有少少咸，如果呢碟菜配白飯食就會岩岩好。埋單407蚊，食到3點半。諗到20

今日想食個下午茶，經過呢間葡國餐廳，見個餐牌幾吸引，於是走入去，點左個香脆豬扒包，見到份量好大，有薯條、沙律，個豬扒包好大，兩個人先食得曬。另外，仲叫左杯鮮奶咖啡，好香好滑！

喺元朗睇完戲， 順便搵好野食， 基本好多都係日本菜或者西式， 無意中畀我搵到呢間葡國餐嗰陣時已經係七點鐘已經係超級多人排隊， 而又咁啱可能係假日喇要等成廿個位咁多建議大家訂位好啲不過好彩好多人都已經走咗等咗半個鐘到可以入去啦叫咗個 鵝肝飯真係好好食呀其實都算大舊啦佢個鵝肝， 顏碎啲鵝肝食落去一啲都唔滯再叫埋呢碟豬手， 真係意想不到唔錯唔錯， 不過價錢都比較貴呢碟炒菜冇乜特別純粹想食個菜再試埋呢度啲葡撻睇下同澳門有乜分別先原來係冇乜分別當然澳門好食過好多啦食物質素方面都ok嘅不過價錢對比當然去澳門食嗰夠仲好啦

星期日中午想舒舒服服食一餐，決定黎亞蘇爾食，之前食過覺得座位夠大坐得舒服。今次黎坐卡位。食物種類係主要澳門式葡國菜，平時去澳門必食既，呢度都有。凍奶茶，奶味夠亦夠滑～小食拼盤好大碟～包括左芝士馬介休球，好鬆脆；中間係霹靂魷魚，辣辣地、少少橄欖油味；黑醋豬手，有咬口，比較脆；辣肉腸芝士脆多士，滿滿芝士同黑松露醬。好厚既芝士～十月初五黑松露意粉～有多過四種菇煮成，可以試到不同既蘑菇口味。豬扒包伴馬介休牛乳炒蛋～本來以為得個包同炒蛋，原來仲有薯角同沙律，成個階磚咁大碟！豬扒好厚身，包都焗得好脆，非常大件。炒蛋有馬介休一齊，有魚香味，亦食到牛乳味。薯角都有兩個醬可以點，對於唔食茄汁既我多個選擇。總括食物都滿意，食晒好飽呀，大食朋友就岩晒。

BFFs with baby need somewhere that’s comfy for gathering. This was the first time we went to Azores. The sitting arrangement was quite good. It’s quite spacious despite the high rental in Hong Kong. More importantly this restaurant was baby friendly. They offered our baby frd a beautiful baby chair and a set of baby utensils. So thoughtful. We didn’t have much idea of what to eat. Simply picked the ones with nice photos on the menu, a fried vegetables, a fish in lemon juice, a roasted piglet, ri

周末和家人到元朗逛街，正好再到亞蘇爾品嚐葡國菜。今次主菜選擇了葡式香烤脆皮乳豬件拌薯菜，里斯本砵酒燴牛尾和葡國腸炒免治豬肉伴煎蛋配白飯。脆皮乳豬名符其實皮脆肉厚，和中式乳豬唔同，呢D外皮比較煙韌有嚼口，肉汁豐富濃郁，令人回味無窮。砵酒燴牛尾十分入味，牛尾夠晒腍，完全冇膻味，值得推介。焦糖葡撻是三款葡撻中最美味嘅，焦香撲鼻，蛋料豐厚，忍唔住口吃了三個，十分滿足。飲品我揀了荔枝沙冰，荔枝肉味濃郁，充滿果香嘅冰凍飲品，正好中和食品及甜品嘅油腻感，真係最佳享受。

元朗形點頗多食肆，這間門面頗為吸引，大玻璃柜陳設著即製葡撻，馬上入去試吓。侍應安排入座長卡位，夠晒舒適闊落。脆皮乳豬件配薯菜，外皮香脆，肉厚而多汁，十分可口，鹹度適中。砵酒燴牛尾非常腍滑，砵酒汁煮得好惹味，酸酸甜甜，水準甚高。葡國腸炒免治豬肉伴煎蛋配白飯甚有驚喜，葡國腸鹹香和免治豬肉十分相配，送飯最啱。甜品當然是我喜愛嘅葡撻，三款葡撻都試齊。焦糖葡撻最為美味，蛋厚皮脆，蛋滑酥皮焦香，好食而不覺油腻，冇得彈。咖啡葡撻亦有特色，咖啡味濃。芒果沙冰和荔枝沙冰均有果味，清新怡神。

最近都去元朗上班, 之前去了形點食拉麵, 醒起以前食過的澳門茶很想再食! 所以今天放工去食!!! 星期六沒有下午茶餐, 不過單點我也可以, 最重要是餐廳環境真的很舒服, 寬闊的沙發卡座, 望著落地玻璃外的園景, 很舒服!食澳門菜例牌要點豬扒包, 另外想試其他未食過的, 見到”十月初五”當然要點~路氹香脆豬扒包: 一直也是很大份! 豬扒有咬口但不會韌,麵包是又脆又軟, 薯角炸得極度邪惡十月初五蝦籽松露意大利麵: 有驚喜!!!松露十分香濃, 配上適量的奶油忌廉醬汁, 也不會很膩! 路氹蝦醬炒雜菜: 上菜是一直冒煙, 很熱, 蝦醬味很強烈, 雜菜我最怕是水汪汪, 這個沒有, 蝦醬汁是掛在雜菜上。黃金忌廉軟心多士配雪呢嗱雪糕: 厚身的西多士, 一切開就看到內裡的滑嘟嘟的, 雪糕是Movenpick , 焦糖醬真美味!! 必定要加在西多士上配著吃很喜歡它各類型的菜也不錯, 可以食澳門特式菜的同時, 點其他中、西餐。

近來新年食咗好多火鍋，但仍然有好多朋友飯聚未食。所以今日想轉下口味吃其他國家嘅菜式，所以選擇咗葡國菜，結果來了亞蘇爾試下。這裏環境優美，座位舒適，已工作一天的我頓時感覺身心舒暢。見到餐牌而吸引，樣樣都想食，不過因為朋友不是很肚餓，所以我們叫了一個小吃拼盤，之前看相片本以為拼盤份量很少，但食物來到後發現，份量也不少。這片多士拿上手已經感覺到份量十足，於是我大口咬下，多士香脆可口。我地都叫了一個葡國雞。椰香味濃，配薄餅一流本來都唔打算食甜品，但見到多士伴雪糕，就試下。多士入面係忌廉軟心，食落去有啲似吉士嘅感覺，但好好味，配上焦糖真是很好的配合最後我飽到捧住個肚回家🤪

話說星期天落元朗睇戲，食左個好豐富下午茶，咁之後呢就同老公行去yoho mall買生日禮物比朋友，買左一袋二袋戰利品，已經行到腳仔軟🤪我地就決定食埋晚飯先返屋企😋商場有不同的食店，呢間特別吸引到我，因為食葡國菜，始終唔多地方有得食，所以唔諗咁多就入左去😅食店環境也算不錯，坐得都好舒服，侍應推介幾款菜式，我們想了一想，就點了兩款菜式🤗煙燻蘋果木脆皮咸豬手配薯菜($188)呢個都幾特別，成碟豬手來到時，係有蓋蓋住，侍應先點煙燻機，噴啲煙燻入去，之後叫我地等30秒先可以打開☺️30秒過後就打開個蓋，煙燻味都有的，而且就咁睇已經覺得豬手好脆😍😋夾一舊食啦，好正啵，每舊都大大啖肉，而且個皮真係好脆，連埋蘋果肉一齊食，好夾👍🏻另外點左碟清清地既餸👉🏻馬介休橄欖油炒椰菜($78)睇落好似好清啖，但係呢碟餸係幾好味，馬介休細細塊帶鮮味，連埋椰菜一齊食，送飯係一流👍🏻成碟清晒😅下次再來食，一定要再點呢個😋老公無酒不歡，叫左兩支比佢飲，呢隻佢話麥味重啲，易入口👍🏻

自從形點開張後，好多時覓食都已經習慣喺openrice search Yoho Mall搵吓有咩推介，最近搵到呢間「亞蘇爾」，除咗有唔少食評外，每次行過去某日式放題餐廳時都會經過見到有人排緊隊，所以想試咗好耐。今個週末諗起佢，一於同男朋友試試佢。｜入座｜星期六8點入座當然有人等緊位，目測大約都有5-6張枱等緊。我哋因為已經訂左枱，去到報低名之後就已經被安排入庭，侍應亦非常友善比左四人卡位我哋兩位坐，位置寬敞，座位都乾淨，第一印象不俗。｜菜單｜菜單選擇有好多，從前菜、小食拼盤、主菜、甜品到飲料，應有盡有。值得一提嘅係佢有一份wine list，望到入面除左有大路嘅red同white之外仲有rose，選擇之多令人驚喜。但今次主要想試佢哋嘅菜式，前一晚亦飲過啤酒盡過興，所以無點酒類。其實由一開始話想食亞蘇爾嘅時候我一心係想試葡國雞，食過咁多港式嘅葡國雞都想試試正宗口味，不過男朋友一見到乳豬後就抵受唔住誘惑，所以無試到葡國雞，下次可以值得一試。｜上菜｜焦糖葡撻（$14/1）估唔到首先上嘅竟然係葡撻，由甜品變成前菜。葡撻上枱時帶微熱餘溫，係可以接受嘅溫度範圍，值得比個like。一咬落去感覺口感非

有日無聊去開形點商場行街，見到巴士站有個廣告牌介紹呢間澳門菜，門面幾靚，決定入去試下 華僑椰香湯米粉$78好濃香嘅葡汁湯底，仲有好重椰香味，米粉爽口仲好掛湯添，配兩塊雞扒🐥，都用香茅醃過，惹味之馀肉質嫩滑路氹香脆豬扒包$72以為得個包，點知仲配埋薯角同埋沙律 ，分量十足。兩塊包用牛油焗香，脆口，中間塊豬扒夠厚身，肉質爽脆有肉汁，配埋番茄同沙律醬，開胃亞蘇爾小食拼盤（二人用）$162個黑松露辣肉腸芝士多士最好食， 多士卜卜脆，芝士溶溶地配上鹹香辣肉腸，食不停口。豬手就配上黑醋，酸酸地零舍開胃。流心馬介休球，咬開即見流心芝士，一個小食，兩種口感。霹靂魷魚辣辣地嘅，配上粒粒橄欖，帶起魷魚嘅味道埋單兩個人340幾蚊，食得滿足，坐得好舒服

很少光顧澳門菜，始終呢類餐廳唔多。點選澳門豬扒飽和葡國雞飯，首先來了豬扒飽拌薯條，薯條香脆，沾滿香料，十分惹味。豬扒飽好有份量，麪飽烘得夠脆，豬扒又厚又大件，非常juicy,的确比一般豬扒飽好味。葡國雞飯鋪著椰絲黑欖，椰香味濃，雞肉厚滑，薯仔好好食，雞和飯都係用熱盤盛載，保持温度，幾有心思。

依間餐廳係食新派澳門菜✨ 食物選擇都多元化～ 已經係第二次食～ 雖然價位稍為進取 不過食物質素、環境都唔錯 都可以間中食下☺️ 。不過佢星期五六日都多人 想食最好打電話訂定位💁🏼‍♀️ 佢啲位係比book左果啲優先🧐 有次冇訂 等左好耐 最後食唔成🤧🔹葡式香烤脆皮乳豬件配薯菜 | $188肉質都滑 皮都幾脆😆👍🏻 不過份量就一般～ 有五舊 幾個人share 一人一舊就食哂😂。🔹藥膳雞湯米 | $88 推薦👍🏻 之前已經食過一次🤓 湯底好濃藥材味 雞件好滑🤤 冬天食岩哂 好滋補😎。🔹芝心馬介休球伴香草沙律汁 | $75之前食覺得有魚骨稍多、唔方便食既問題～ 但今次又冇咩問題👀 幾好食的🤣 口感同味道就似薯蓉混埋馬介休、芝士🤗 不過佢跟個辣醬真係好辣 沙律醬就正😁🔹葡式辣肉腸炒雜菜 | $78炒得都幾濕潤😙 唔錯🔹咖哩B牛坑腩 | $118🔹焦糖葡撻 | Gift $14首次免費入會送葡撻🤓 不過之前就係木糠布丁 吸引啲😋 但好過冇啦😂

雖然澳門好近，但有時都想近近地食下豬手個啲澳門菜。形點開咗間澳門葡國菜亞蘇爾，我哋趁一家都放假就去過下口癮葡式烤乳豬一定係必食，皮焗到好脆，肉又夠嫩，有燒汁同芥茉醬，配菜都好豐富，有瓜類同薯條，瓜燒到食到哂佢本身嘅甜味，薯條又夠脆咖哩B牛坑腩配蒜蓉飽，咖哩唔辣但香，有粒粒洋蔥係入面，牛坑腩嫩，一啲都唔老，蒜蓉飽脆卜卜，配埋就正鵝肝焗鴨飯，炒飯底真係重要，做起嚟都有啲麻煩，葡國臘腸同鴨肉絲嘅油香落哂落飯上面，配埋鵝肝嘅香濃厚滑同充分嘅肝油，又邪惡又香口鮮茄焗豬扒飯熱辣辣咁登場，豬排好有咬勁，厚實，上面有半融嘅芝士，有得拉絲華僑雞湯米好香椰味，有少少辣，米粉好食，雞嘅份量都好足食到好滿足仲可以喺附近行街消食，正