亞蘇爾 (形點) (已結業)

之前想食好耐，但一直都同朋友夾唔到時間。入面舖面都幾大間，仲有得坐出面食tim，不過今日出面落雨，再加上太熱，所以都係等秋天先坐出去啦😂😂辣肉腸松露多士，多士好大塊，松露揸匀成塊咁食好香，多士烘到好脆。墨魚餅，都係好大塊，入口幾乎啖啖都有墨魚，好爽口。佢個醬辣辣地，好開胃。馬介休炒雜菜，呢個菜幾清，唔係重口味嗰啲黎嘅，菜嘅份量都唔少，食落仲會有啲粒粒tim，幾有咬口👍鵝肝焗鴨飯，大大塊鵝肝放喺中丮，旁邊有幾塊肉腸，飯入面有菇、洋蔥粒。呢個飯煮到好香，唔知落左咩醬汁呢🙈飲品就嗌左玫瑰花茶，顏色上好靚，仲可以斟到4-5杯嫁。

星期日晚7點15分到餐廳攞位，等左大幾30分鐘，見到餐廳係咁有食客埋單走，入面開始有好幾張吉檯。我哋同其他等緊位嘅人開始好疑惑，點解入邊有吉位都唔叫號，大家企喺出邊齋等？於是我哋同其他等緊位嘅人一齊行埋去查詢，侍應先同我地講，佢哋一早有人訂咗枱，要等到8:00如果有位先至會比我地入去。我哋聽完之後覺得呢間餐廳根本喺度玩嘢，明知要八點後先有位，攞飛嘅時候又唔同大家講聲，要大家喺度白等。負責安排座位嘅樓面態度亦都好差，黑口黑面。係我哋反應之後，餐廳終於安排要好，比排緊隊嘅食客入去，但我哋已經一肚氣，決定走人，以後唔會再嚟食嘢。呢間餐廳嘅嘢食都叫OK，但態度同安排不嬲都係一般般，經過今次之後，我情願去kfc買葡撻都唔會再黎呢間so called葡國菜!

今晚約左好姊妹見面，相約好到yoho mall，因為鄰近西鐵站，非常方便，而且晚膳後又可以行下街，一舉兩得！聽說這間餐廳是吃葡式食物，裝潢十分光猛，格調高雅，桌子頗大，坐得十分舒適。我們點了不少特式的食物，一嚐特式葡國菜的味道：辣肉腸松露芝士脆多士：比想像中大塊，松露極香濃，多士香脆，應該是即烤的。葡式霹靂魷魚沙律：魷魚不算太辣，有嚼勁，而且份量頗多，一點都不吝嗇。海鹽檸檬燒沙甸魚：海鹽的咸度適中，加上幾滴檸檬汁，混和沙甸魚的香烤味，十分配合。葡式香烤脆皮乳豬配薯菜：孚豬皮香脆，豬肉不會太肥，薯角新鮮炸起，吃下去還在冒煙呢～十月初五蝦籽松露意大利麵：同多士一樣，松露味香濃，入口juicy 多汁。馬介休橄欖油炒椰菜：橄欖油清新健康，份量頗多。

葡國菜唔多 見咁多人食 諗住去一事務試點知就出事叫咗個牛油葡國乳豬燉飯🌜個飯淡而無味😑 乳豬只能用普通形容得個樣另外在叫咗個葡國雞飯 相都冇影雞得三小舊 味道10分有10分普通小食🍴馬介休 可以吾叫 一句講哂 又貴又唔好食😐冇下次😑😑😑😑😑 已經唔係同正宗葡國菜對比 但真係點解有咁多好評🤫

好久冇食過葡國菜，難得咁近有間葡國餐廳，一定要食下。葡國野又點少得葡撻？除左普通既焦糖葡撻，仲有咖啡味同香橙檸檬味。兩種口味都帶俾筆者好新鮮既感覺。而並非只有一種口味。烤焗盲鰽魚中菜就食得多魚，西式烤焗都係第一次。經過烤焗既魚外脆內軟，肉質鮮嫩juicy，仲有一陣燒烤味道。另外仲有多種鮮椒蜆肉，令味道更加多元化。天氣咁熱，當然要飲番杯芒果柚子沙冰。除左沙冰，仲有新鮮芒果肉粒，可以一啖沙冰一啖果肉，正！

見咁多好評諗住一心試下，因晚上大約6:30冇訂位所以full左，咁唯有下次試。今日下午經開yoho有幸可試下，一入到去， 完全冇人帶位，要行到近水吧位先有個長髮侍應望一望我，我話一位，佢就黑哂面指示我坐卡位。叫左乳豬飯set lunch $158另加$8葡撻，葡撻不過不失，乳豬飯就中伏，成舊燒肉咁，啲乳豬皮唔趣好鞋，下午2:30到全店冇咩客，計埋我得4枱，雖然得兩個侍應，但非常得閒，有其他客人叫冇人應，可能襯下午時段小人做緊內部野掛，要個客自己行出去埋單，坐左接近1個鐘，從來冇聽過一句歡迎光臨或多謝哂，全程黑面，茶餐廳都禮貌過佢地

屋企人生日提議嚟呢間試下，6個人叫左好多野食豬手外脆內軟好正，酸菜中和下無咩膩，薯角夠香口呢個黑松露忌廉意粉超重芝士味，個汁夠creamy，如果唔係怕肥真係想成兜清晒小食拼盤左邊多士好味，中間魷魚好辣，除左辣食唔到其他味，右邊有豬頸肉，仲有2粒馬介休都不錯漢堡塊牛油好厚都幾juicy, 右邊果碟蝦餅無乜特別蟹粥幾鮮甜多春魚我唔食既…老公話不錯daddy叫左杯凍飲，唔記得係咩好似係吞拿魚多士，無咩特別之後我都有再食多次，當然黑松露忌廉意粉就有再食啦🤣🤣

屋企人話想食下葡國菜，想去澳門食。我話去呢間餐廳咪得，近咁多又唔駛搭咁耐車。墨魚餅一開始就梗係食個前菜先喇，又大件又香脆可口。加多少少特式辣醬仲好味。食完前菜就要食主食喇。有落左勁多椰絲既葡國雞飯，雞肉做得好嫩口，醬汁都充滿椰奶既味道。如果有多d 葡汁仲正！除左葡國雞，仲有溫泉蛋魷魚墨汁麵。墨汁好夠，個個食完都成嘴墨汁，成個景象好搞笑。最後就梗係要食番個甜品，收個好尾喇。呢個抹茶黑木槺布甸做得好用心，一層抹茶布甸，一層黑木槺，一層層既口感令兩種口味都能夠完全展現。

這家餐廳也來過好幾次了，覺得食物質素也保持著，服務、環境也挺好的所以間中也來這家店，平日中午也不算太多人所以比較寧靜，而且食物選擇也挺多的⋯尢其有午餐set很抵食再散叫了一些食物，我們大家都覺得食物味道都挺好份量也足夠👍🏻👍🏻

近年新進駐元朗的葡國菜，剛開張的時候經常要排隊，今天再來，水準依舊，平日不一定要排隊，所以我大多選擇平日來，假日的話很早就已經堆滿人潮了。小食拼盤 $162之前數次來的時候都是點葡撻和黑松露多士，這次就來點不一樣的。小食拼盤包羅萬有，包括：芝士馬介休球、辣肉腸芝士脆多士、魷魚、黑醋豬手、香草烤意瓜，可以一次過嘗試那麼多款小食，實在很滿足。特別喜歡這裏的多士，烤得香脆，芝士和黑松露都絕對不會吝嗇，滿足重口味的我們。冷盤黑醋豬手也不錯，豬手軟綿，配上酸酸的黑醋很開胃。椰香葡國雞配蒜蓉包 $128點招牌菜一定沒錯，來吃葡國菜一定要點的葡國雞。雞肉很嫩滑，分量也不少，還有薯仔也很入味，可以再encore。菠蘿辣肉腸鮮蝦馬介休咖喱炒飯 $118這個炒飯炒得乾身，咖喱味足夠，是一貫的穩定水平。總結多次來訪的評價是，小食比飯/意粉更棒，建議多人一起來，可以嘗試更多小食。

平時去街，西餐食肆都以美式、義式為主導，心血來潮，想食下其他國家的食物，於是揀左呢間葡國菜試下，都有啲驚喜嘅 叫咗幾樣野，葡撻來得最快。左邊原味，右邊咖啡味。講真原味就冇乜特別，同平時食到嘅差唔多。不過咖啡味就好有驚喜，食落個餡好滑，而且好香咖啡味，不過唔苦嘅，好正。如果下次再來的話，我地都會獨孤一味淨係要咖啡味葡撻！呢樣係葡國腸炒免治豬肉伴煎蛋配白飯。唔知係咪正宗葡國菜，但食落好好味。汁係鹹中帶甜的，送飯一流。葡國腸、碎肉粒同埋洋蔥一齊炒，加埋流心蛋，美味的。葡國雞飯的味道夠濃的，不過如果個汁再香 d 就更好了。除左有雞，仲有葡國腸，個人覺得葡國腸的味道幾好。呢個甜品係黃金忌廉軟心多士配 movepick vanilla 雪糕。呢個好正呀。多士外脆內軟，唔知佢點樣整，食落入面係淋淋地的奶油，最正就係佢配埋焦糖醬，多士點焦糖醬勁好食如果多士可以再多 d 就更好了！

今日約好朋友吃下午茶，方便朋友，所以就選了在yoho mall。大家都想食澳門菜，所以就試試亞蘇爾。叫了菠蘿豬扒包，馬介休球沙律，蝦籽野菌意大利麵，黃金多士伴雪糕。菠蘿豬扒包：豬扒鬆化，入味，中間再加了一塊菠蘿，水果的甜中和了豬排的油膩。馬介休球沙律，馬介休葡國菜特有，鬆化，入面有薯蓉，令到口感更綿密。蝦籽野菌意大利麵，蝦籽增添了口感，野菌非常入味，意大利麵彈牙，不會過油，味道又點好。黃金多士伴雪糕，最後都忍不住要一個甜品作結，厚身的西多士，外脆內軟，配上雪糕，畫上一個完美的句號。

之前去過Azores兩次都唔記得寫影相食評，再黎多次叫既食物就中伏了。。小食拼盤： 整體味道尚可。白色匙羹入面既小食有魷魚🦑，幾有咬口但有d酸。豬手體積略大，女士難以進食，會食到成臉都係汁。小食拼盤最值得一讚既係塊多士。芝士味好濃郁，好好味😋😋😋。 蝦醬炒雜菜： 蔬菜種類好多，值得一讚，但蝦醬份量過多，味道過鹹。。鵝肝焗鴨飯： 睇個樣都知佢No No la.佢既鴨有d蘇，味道似用臘鴨多過鮮鴨肉，個人不太喜歡😵😵你地黎試可以避開鴨飯。我印象中檸檬白酒煮蜆同埋葡式香烤脆皮乳豬件配薯菜都係唔錯既選擇👍🏻 大家可以一試

形點商場行過，通常都是在新駐的連鎖餐廳用餐。35°炎熱的夏天，在空調下當然要選擇舒適的餐廳用餐。阿蘇爾澳門菜，都側重椰汁葡萄式烹調風味。選擇一款二人套餐，應該足夠晚餐分量。二人撐台腳費時散叫。選擇左二人餐。葡式椰汁雞是一隻以來的澳門菜。椰香好濃郁，味道濃。椰子片白花花一片片擺碟前灑落食物上。營造雪花感覺。影相一流。燒乳豬是最愛菜式，加上松露意大利麵，葡汁白汁風味，有少少中西合璧沖擊味蕾。當做是甜品的三款不同葡撻。有焦糖味，咖啡味，同原味。個人鐘愛焦糖味道。埋單人均都不算貴，去澳門都咁上下。味道偏濃郁夠惹味。

形點Yoho用餐不同於穿街過巷，想試澳門味道都未必一定要過去澳門點，在商場就近就有澳門餐廳。選用二人套餐撐台腳，先用的是葡式青菜薯蓉湯。味道側重濃味。沙甸魚都有海鹽夠濃味。燒乳豬件夠脆皮，松露同葡汁白汁義大利麵。義大利麵都韌，味道還可以。椰香雞落好多椰絲片，葡式味道少不了椰香。伴的，碟的還有兩個類似橄欖的帶出濃香椰汁味道。^_^雜菜當是開飯小菜，甜品有葡撻以及製作特別藍天白雲款的澳門塔酒精用品。在這裡用餐少許時光，慢悠悠在。就類似身在澳門。