亞洲美食 (已結業)

話說尋日我去tea,叫左個豉椒排骨飯，食物味道正常嘅，係鹹少少囉，。食到剩返3分1碟飯，我想抖抖就篤下手機覆message,一個伙記就行埋黎問我碟飯仲要唔要，我隨口話要呀，後尾諗下冇理由丫，碟飯仲有咁多，我又冇推開隻碟，有乜理由問我要唔要呢?跟住我食多兩啖，又抖一陣，又有人埋黎問我仲要唔要，當時碟上仲有肉有飯，我嬲起上黎爆佢:你點解覺得我會唔要呢?跟住佢行開左。最後我食完碟飯，又有個阿姐極速埋黎掂住我隻碟問係咪唔要。其實下午茶時間，冇人等位，我唔明點解要咁趕客法囉，以後都唔會再幫襯，貼錢買難受!😤😤😤

如果平時唔趕時間，無需搭的士時，通常落街一見巴士就上，今次搭咗去樂富，已經下午4點，仍未食早餐，而樂富廣場起碼超過30餐廳，想食炒嘢，所以去咗呢間亞洲美食，點咗下午茶餐，干炒牛肉炒公仔麵($38)及凍飲(+$4)，牛肉不會過熟，還算合格，但炒公仔麵之麵身過淋同過濕，不過味道是OK的！

返完通宵諗住食個早餐，由於好多餐廳未開，選擇不多的情況下黎左呢間茶餐廳。我要左一個早餐，格式係兩餸湯麵加杯野飲，而我就叫沙爹牛肉+炒蛋+米粉，飲熱奶茶。先講個主食，蛋好新鮮，似係即叫即整，不過同我平時食開既炒蛋有d唔同，佢似煎蛋多d，一塊過大大塊，幾厚身，都幾嫩滑。沙爹牛肉就真係麻麻，沙爹味唔夠濃，牛肉唔係好新鮮，又老又韌又干，好似整左好多日都未賣曬咁。米粉就不過不失啦，幼身爽口，浸住湯食都幾好。奶茶叫做好飲，飲到有茶既醇香味，奶既比例都o岩o岩好。食物質素有待改善。

夜晚係學校做完野,大約10點幾,果陣樂富中心得番AOK仲開緊, 同同學拿拿臨去食飯。我地分別叫左粟米肉粒飯, 粟米斑腩飯同冬蔭公蝦餅公仔面。雖然價錢叫有D貴,都要$4x, 但勝在大大碟,份量足夠, 粟米好大粒,好香甜,肉粒好夠味,忌廉汁好香, 好岩送飯。另外， 粟米斑腩飯都係粟米好大粒,好香甜, 斑腩好大塊好入味, 唔會煮到好散。最後， 冬蔭公蝦餅公仔面有好香既冬蔭公湯味, 辣度岩岩好, 好岩食得辣既我, 蝦餅夠哂味, 湯仲有D粟米粒, D甜味可以補充番辣味。

上星期身體有點不適, 要來過遲來的食評.今次又係樂富, 之前食過AOK奄列都OK! 當時食奄列24蚊想點呀! 不過而家要$26. 貴咗. 講返個餐先 -奄列 - 睇起來都大份, 不過內涵少咗D. 但味道不錯. 蒜香多士 - 夠熱. 好有蒜香, 第一口覺得好正奶茶 - 可能用黑白奶, 我加一匙糖, 已經好甜. 茶味一般.呢間餐廳是樂富不錯選擇.

AOK幾乎是我午餐指定必吃之處。份量之大，相信可在樂富廣場內稱冠。就以每天的午餐為例，除了麵食，其他飯類都足以令任何人都吃得很撐，凍飲的大小可算得上是最大的。今天就吃了個金針雲耳蒸雞飯，其他餐廳的話可以將它分成兩份了。而"啖啖肉"的雞肉，就只有少許棄之不惜的雞皮，骨頭也不多，只有兩三條。價錢之平，絕對是廣場內的不二之選。不論是早、午、晚，如果只求價錢夠低，AOK絕對是首選。對於學生而言，可以以30元買下一個冷熱同價的午餐，而我作為大學生，每餐就只需耗上30元，就夠我撐下午後所有的課堂了。服務而言，絕不會比其他茶餐廳的差。其實香港快人快事，服務業幾何曾真正的給我們服務？比起樂富廣場上的餐廳，我敢說AOK服務是最好的：有基本禮貌、會主動招呼客人，不過亦會"快快手"的收了很可能未吃完的食物。最重要的是，AOK其中一款午餐會有小菜供選擇。不時會發現每日不同的餐牌上會有蒸魚、蒸肉餅等小菜，這些家常便飯，能夠在茶餐廳吃到的機會已經愈來愈少，更何況是樂富獨有，而且價錢與正餐一樣，何處求？最後，還需公平一點：如果以正餐而言，凍飲加7元的做法實在過份了點，即是說，每日午餐一客要35元，其他固定的至少要3

忘了所為何事而來到樂富商場，雖已吃過早餐，但半餓不飽下，選了AOK吃個下午茶。環境很暗，外邊正下著雨，所以地面很濕，感覺實在不太好。反正也進來了，找了個卡位，點了兩份下午茶餐。枱上的menu，餐具等有點黏黏的，但對茶記而言，還可接受的。奶油脆皮豬仔包 （$22）剛烤起熱喇喇好味，牛油同練奶都落得多，正。火腿絲，沙嗲牛肉通粉 （$27）味道ok，但通粉太淋身，而且湯底似乎很多味精，麻麻。下午茶餐嘅飲野要了熱檸檬茶，有點苦澀。總括黎講，味道一般，環境一般，價錢中位，可接受囉。

五點左右行完山走到回天馬苑時已經是又凍又濕又餓，不巧天馬苑商場竟是一個死城，吃的都沒有。拖著疲倦的雙腳走到去樂福，隨便就揀了AOK衝入去坐下。下午茶選擇不少，但也沒有心情慢慢研究，order 了個豬扒飽餐HK$25就開始發呆。等了五分鐘豬扒飽上碟，心裡不由的罵了句，豬扒有骨嘅? 不過世事往往是令人驚訝的：這個有骨豬扒飽竟是意外的好吃。漢堡飽烘得鬆脆而不乾爭爭，暖乎乎的捏在手中，已經使混身濕透的我感動得傻笑起來。一口咬下去，咦，這個有骨豬扒是剛剛煎起，零油膩，肉質有咬口但不硬；味道方面也很棒，腌得很香；配菜的蕃茄和生菜也夠鮮嫩，亦沒有雪藏過那種青味；加了一點點的沙律醬，不過因為豬扒非常香，個人覺得不加沙律醬也完全ok 啦。肚仔飽飽，這個世界又再次變得美好起來啦。

五點左右行完山走到回天馬苑時已經是又凍又濕又餓，不巧天馬苑商場竟是一個死城，吃的都沒有。拖著疲倦的雙腳走到去樂福，隨便就揀了AOK衝入去坐下。下午茶選擇不少，但也沒有心情慢慢研究，order 了個豬扒飽餐HK$25就開始發呆。等了五分鐘豬扒飽上碟，心裡不由的罵了句，豬扒有骨嘅? 不過世事往往是令人驚訝的：這個有骨豬扒飽竟是意外的好吃。漢堡飽烘得鬆脆而不乾爭爭，暖乎乎的捏在手中，已經使混身濕透的我感動得傻笑起來。一口咬下去，咦，這個有骨豬扒是剛剛煎起，零油膩，肉質有咬口但不硬；味道方面也很棒，腌得很香；配菜的蕃茄和生菜也夠鮮嫩，亦沒有雪藏過那種青味；加了一點點的沙律醬，不過因為豬扒非常香，個人覺得不加沙律醬也完全ok 啦。肚仔飽飽，這個世界又再次變得美好起來啦。

附近有數間食店也有早餐供應, 本來想試味千拉麵或MENU的, 但見此店最多人, 又趕時間, 便沒多想便進去了. 要了雞扒蛋通加餐茶, 等候的時間比預計中久. 碗大但通粉量不多, 若只半碗. 雞扒煎得不錯, 略油了點. 蛋則煎得差, 散晒, 完全不是荷包蛋, 跟我自己弄的差不多. 檸茶太多檸檬, 太酸, 浪費了. 茶色和味也是一般茶餐廳貨色. 寧可減一片檸檬而把成本花在用靚一點的茶葉, 效果會更好.

見門口寫$17下午茶，入去試下，有D失望個波蘿包唔熱個皮又唔脆奶油豬都ok

昨天同朋友嚟左呢度食早餐,朋友話呢間餐廳平靚正喎,我地分別都別左一份早餐全SET,我食吉列魚柳+焗豆+香蔥炒蛋+多士,飲熱華田,朋友食雞扒+焗豆+煎雙蛋+炸薯角,飲熱奶茶,我第一次嚟食,朋友則食過幾次架啦,佢話好大份,味道又OK,價錢又抵食呀!餐廳好多人食早餐架,早餐食到11:30,流量都勁快,我們都係等左一陣就嚟啦,賣相都好吸引,份量真的唔少架. 我的吉列魚柳都好大件,味道都好香口及魚肉都係淋身及滑的,唔似其它整到硬晒,完全冇魚味,有一些沙律醬一齊食好味呀,香蔥炒蛋入面有一些肉碎的,好香,都好味,塊多士唔算好薄身,味道都OK呀!! 食完成份早餐真的十份之飽及滿足呀!!朋友話今次的炸薯角麻麻地,因為硬左少少及燶左少少,佢話之前食幾次都好D,其它都幾好味的.

十二月下旬‧陰天（相片上載功能有問題，遲下有機會才補番張相）年廿九，人在附近想吃個下午茶，其實沒有什麼選擇，來了這裡試試。熱狗份量不小，包烘得熱熱的，邊位吃起來還脆。熱狗腸切了花也烤得不錯，有水準。椰香醬厚多士也好，外脆內鬆軟，好。熱奶茶比熱咖啡好，至少有茶香。以下午茶水準來說，算是不錯。

行開樂富, 想搵D野食, 見到間AOK, 食炒粉麵飯, 見舖面OK, 咁就入去試下啦兩個人, 叫左兩個小菜食最抵, 沙爹肥牛金菇生炒菠蘿排骨附近白飯和例湯諗住小菜要等好耐, 但係唔夠一陣, 好快就有得食, 仲要係兩碟餸一齊上, 港式餐廳, 要求唔係太高 有湯, 有飯, 已經OK呀.有D失望係個肥牛金菇唔係用煲上, 有點兒失左個風味, 但係都冇所謂啦

由於地利關係,呢間店可以講係我喺樂富區中午飯堂,不二之選.無他,無乜味精,用料平實,大眾化價錢,食得有素質,讚讚讚!!!!!d Menu 嘢我未叫過,因為時時都趕頭趕命,但 set lunch 真係掂,呢度經常坐得 full 架.今日推介: 冬菜芋頭蒸班腩片飯冬菜香又甜,不會咸.芋頭非常的淋,現成的咸味芋泥,但不嚡口呵.反而有點軟綿呢.而班片嫩口鮮味,一尾骨頭也沒有哩.真的適合小孩和老人呵.當然我也吃得高興囉.其他餐牌的選擇參考: