影片
以上资料只供参考，请与餐厅确认详情
食家推介
槟城虾面很好吃😋！！味道有层次，浓郁的虾味充斥着我的味蕾！👍但是食物的选择可以多点，建议加餐牌，例如薄饼或其他的𩠌菜类别等等，方便一家人吃下次我一定介绍其他朋友一起来吃！！！
继续阅读
前排唔知食咩，咁岩见到亚参海南鸡饭，就同屋企人去试下，我想讲天水围嘉湖银座亚参服务态度真系好好，知有小朋友，专登安排较安全位置食物质素好好，鸡好滑，油饭更加无得输，香，软硬适中，而且又唔油腻，连小朋友一定要食两碗，另外佢地咖哩汁真赢晒，好香，佢地嘅咖哩汁加埋油饭，真系无得输，呢间会成为我嘅饭堂另外，餐厅环境舒适，位置阔落，干净，成餐饭都食得好舒服上餐速度亦都好快, 温度又岩岩好，唔1怪得成日都有人排队，去过食过真系先知点解😂
继续阅读
成日去天水围路过银座，都会去阿参鸡饭吃嘢，除咗鸡饭好好食，拉茶🧋和意米水不错👍！而且坐位舒服😌，服务员姐姐友善，现在其他餐厅少有的服务，值得约埋一齐朋友聚餐的地方😊
继续阅读
呢间餐厅都算系我嘅饭堂 觉得佢啲海南鸡饭好唔错最近出咗新嘅二人餐Menu 就试试佢～个餐都包咗几多嘢食 同埋有个新出嘅药膳猪骨煲✨药膳猪骨煲✨系马来西亚风味嘅药膳味 入面有四嚿大猪骨🥣药膳味好浓郁 有个砂煲用火热住 keep住成餐饭都可以饮热汤🔥食到一半个汤开始变结身✨亚参去骨海南鸡✨份量比起平时就咁嗌一个海南鸡套餐多咗一倍上枱嘅时候都有啲俾个份量吓亲🤣🤣鸡件非常嫩滑 亦系点解成日帮衬嘅原因 觉得佢个鸡好滑 再加埋啲酱料好好食可以送到好多饭😋✨马拉盏通菜✨🥬呢个就一般般 味道唔似平时𠮶啲马拉盏炒通菜咁惹味 ✨至Shiok-小食拼盘✨（猪肉串x2 凤尾虾春卷x2 炸鱼饼x2）猪肉串好食 虾春卷都好脆身 可以配埋甜酸辣酱一齐食🍤🍤炸鱼饼就会带少少辣 但小食嚟讲个人最钟意都系猪肉串😝 小食拼盘唔错个餐再跟两碗白饭同冻／热饮2杯嗌咗一杯冻薏米水一杯热嘅薏米水 入边有好多薏米可以食吓 好饮既🥤整体嚟讲 个人觉得呢个餐抵食 两个人系完全食唔晒成个餐 我觉得份量直程系够三个人食 结果要打包拎走😂😂另外都想赞一赞呢间餐厅嘅员工 服务态度几好🙂↕️👍🏻
继续阅读
前二日放工番到嘉湖唔知食咩好。因之前同老婆食过几次都几好食。之后就走左去食亚参鸡饭，佢哋个去骨海南鸡饭真系好好食，今次见到有位男同事真系好好服务。想分享下。我入座到离开大嘅三十分钟左右。佢全程笑容满面，不时仲同啲客人倾计有讲有笑。应该都系佢啲熟客。突然有一对公公婆婆黎食嘢。。婆婆唔系行得太好。之后果个男同事就叫对老人家坐系门口张大卡位。之后仲攞左二杯水俾佢哋喇。。仲帮佢哋落单，仲叫公公婆婆唔好食辣野。依家真系好少员工会甘做。。大多数都放低就走左去。。其实啲老人家跟本都唔系太识用二维码落单。非常贴心。👍🏼不错，不错
继续阅读