影片
由细到大，因为自身肠胃敏感，我都不会买街边的冷盘卤味小食，怕食完后会肚痛🙈不过最近行经一间小食店，胆粗粗买左黎试下，觉得都几唔错，就向各位介绍下🤗-在TKO Gateway底层的小型美食广场，有一间小店专门售卖冷盘卤味及一些地道小食如狗仔粉、咖喱鱿鱼等等，价钱介乎十几蚊至几十蚊，都不会很贵👍🏻-1️⃣串串套餐 $30/3串这间店售卖的卤味有9款，分别是生肠、鸡肾、肠花、猪肚、猪耳、红肠、大生肠、大墨鱼和大肠头👍🏻每款看上去都很干净，齐齐整整摆放在冻柜内，非常吸引☺️这次我点的是鸡肾、猪耳和大墨鱼🤤鸡肾和猪耳很厚身，食落爽脆，很有满足感😋大墨肉煮得不错，肉质唔韧及弹牙，味道又够鲜，配合埋海鲜酱和芥末酱黎食，真系无得弹👍🏻😋
继续阅读
🔍无谂过领展商场旗下嘅地方变得咁企理，当中坑口嘅TKO Gateway楼下嘅街市旁食街，当中有台湾小吃、港式点心、经济实惠三𩠌饭、热狗以及怀旧卤水，无论想拮几件医肚，抑或是加𩠌返屋企食都似乎不错选择。☝️今日去咗亚哥卤水到拮左串红肠同要咗一碗咖哩陈皮鱼蛋、猪皮同尤鱼。红肠一件3大旧，好厚身，我劲钟意食甜酱，所以系停唔到口😋 咖哩陈皮鱼蛋咬感好，咖哩唔辣（啱我）猪皮同尤鱼都保持水准。🤞🏻佢有狗仔粉同粥，有自家制香辣菜莆，任装唔嬲，下次再去可以一试！
继续阅读
今日下午系将军澳，突然之间有啲口痕。咁就揾嘢食啦！见到一间食卤味嘅舖头。咁见过价钱OK，咁就整村嚟食啦！个店员都好有礼貌嘅！至于食落口就都几容易咬，唔会好似橡筋咬极都咬唔烂咁！都算入味嘅。食呢啲卤水，一定要配芥辣同甜酱啦。个芥辣就令我有少少失望嘅，真系淡咗少少。如果劲多啲啲，咁就Perfect喇！其实系呢个TKO Gateway 都有唔少好嘢食嘅。食卤味呢样嘢，真系会不自觉得会食到好多嘅。我都只系叫左两串，另外一串，分咗比朋友。而我个朋友嘅评价都感到非常满意！
继续阅读
猪头肉，有D人听到已经掉头走，但我就觉得系旧情怀，依家根本见唔到有边处仲有得食，话说食饱饭之后经过阿哥卤水专门店俾佢卖剩嘅最后一盘猪头肉吸引住，因为已经超过五年未食过，点都好饱住食啦，老板有两句可以倾下， 卤水味道唔算好浓，但有味道，爽口弹牙，加甜酱，好似搭上时光机咁，返咗去旧时果处，有机会再嚟食过。呢处应该系熟食市场嚟，中间果几间小食，只可企定咁买，然后行埋一二边食咗佢，我唯有好快趣咁，一件件猪头肉放入口，大啖大啖咁咬，真系好似细个果时，又怕污糟又要食嘅感觉，正呀，一定有下次。#猪头肉
继续阅读
亚哥卤味特登揸车入嚟帮衬过好多次 入面大部份嘢都好好食 绝对系用心制作 冇揸流摊 最紧要干净卫生 呢个时势真系好紧要 朋友仔最爱佢哋嘅凉拌莲藕 老实讲我唔系好钟意食莲藕 不过食过味道系ok好食 但朋友仔次次嚟亲都买两三盒走好夸张 反而我最钟意佢哋嘅凉拌麻辣墨鱼咀 佢哋啲墨鱼咀超大粒 切开咗一半都有半粒蛋黄咁大 麻辣汁好惹味 但又唔会辣到飞起 一兜入面仲有少少青瓜 呢个真系食上瘾 我连汁郁饮埋🤭不过成日好快卖晒同埋唔系成日有 因为老细话佢哋唔系特登入货墨鱼咀 而系要等卤味𠮶啲墨鱼切出嚟先有 真系储钱咁储 😂😂
继续阅读