井茶

营业中

休息中

餐廳員工態度差，完全唔為客人諗，去到既時候明明都無咩人，但啲態度好差，叫錯野已即刻叫佢轉都唔肯，真係為左為難你咩，真係叫錯，人又唔多，之前都試過一次，呢間野真係唔再幫襯，食個飯都仲要受氣，成餐飯都食得唔開心，同朋友黎因為中間諗住有個時間可以放鬆下食個快晏，但呢餐真係令我唔開心，壓力又大，好似都唔休做咁，咁不如唔好再做算，食飯食到睇你地面色咁，我都唔覺啲野食有咩特別好食，只係普普通通咁，唔會再幫襯。

屯門碼頭茶井以其獨特的港式風味而聞名，蝦仁炒蛋和檸檬雞是他們的招牌菜品。蝦仁炒蛋這道菜色香味俱全，蝦仁新鮮，口感彈牙，與滑嫩的炒蛋相得益彰。蛋香味濃郁，搭配蝦仁的鮮甜，讓人一口接一口。整體味道偏清淡，適合喜歡簡單口味的食客。檸檬雞外皮酥脆，內裡嫩滑，檸檬醬汁酸甜適中，為整道菜增添了清新的口感。這道菜的調味恰到好處，不會過於搶味，讓雞肉的鮮美得以充分展現。屯門碼頭茶井的蝦仁炒蛋和檸檬雞都是不容錯過的美味選擇，適合與朋友聚餐或家庭聚會。若有機會，建議親自品嚐！

叫咗個嘢食，可以等咗半個鐘都未有 咁其實唔緊要 但係個侍應嘅態度就完全唔得 第一次叫佢幫我哋跟一跟個餐嘅時候 佢就話野食出就會拎俾你 呢啲究竟係乜嘢答案 ？我嘅意思係想佢去跟進吓而唔係佢咁樣Hea答 好啦到到20分鐘啦 個餐都未嚟 中途叫咗佢一次 佢就急急腳扮睇唔到 到到足足等咗25分鐘 個餐最後都係冇嚟到 我就忍唔住再問佢 佢問完廚房佢都可以完全唔俾個答覆人 完全係垃圾嘅服務態度態 唔識做侍應就唔好去做侍應啦 野食係OK嘅 但係服務態度就完全唔得

今日打完波, 朋友介紹去屯門井茶食個下午茶, 一行四人, 我們叫了兩客雞髀蕃茄通心粉, 雪菜雞絲米粉, 雙拼三文治。兩隻雞髀是分開上, 雞髀一上枱畀佢嚇親, 炸到黑蚊蚊、很燶、又乾又柴, 根本就係冇諗住畀客人食, 簡直不能入口非常之難食。雞絲米粉還可以, 朋友話雙拼三文治也可以, 第一次去這間食店, 我以後一定唔會再幫襯

我同我媽媽講要叫井茶我媽媽已立即說不要叫唔好食。我話俾多次機會佢啦。食完真係才明白什麼叫做不聽媽媽言吃虧在眼前。我真心覺得佢啲野好難食。我哋叫了黃金脆皮蝦球，黑椒牛仔骨。黃金脆皮蝦球只蝦細到嚇死人根本上就食麵粉。黑椒牛仔骨又肥又唔好食。如果唔係肚餓真係想兩碟嘢倒落垃圾桶就算。而且兩碟餸的價錢一點都不便宜。完全唔值這個價錢。我真心希望這間餐廳要認真檢討。不要收貴價錢但係比劣質食物。我真係好希望佢哋餐廳的廚師和管理層會看到這個食評而且會認真檢討。

收工已經有點餓，同事建議醫左肚先，午餐都未有時間好好食，挨到收工當然要即刻慰勞吓自己嘅肚子。精選晚餐套餐:🌟#是日餐湯青紅蘿蔔粉葛湯，味道尚可。🌟#豬頸肉炒菜心豬頸肉炒得有點乾身，火喉控制一般。菜心鮮甜，整體口感不錯，味道不過不失。🌟#土魷蒸肉餅肉質鮮嫩，配搭土魷十分香口，清淡下飯，不錯。🌟#餐飲熱檸茶普通，正常。以屋村價錢而言，不算親民，附近獨市生意，拎算多人幫襯。人手不算多，上菜慢少少。

好日都唔落去食堂式，落左一個午餐，兩個蕃茄濃湯米粉，開頭已經一錯，嚟左個忌廉米粉，然後 第一個職員過黎，我叫佢check 下價錢有冇變動，好似濃湯渣差五蚊，如果冇就由佢吧！（好心唔好做），跟住有個第二個人過來，無端端話係我地改左單,我叫佢地小心啲講嘅，係你哋自己廚房出錯，我地諗住費事煩唔好浪費食物，先至由佢！然後佢話佢同事講錯野,之後無端端囉左我張單，換個一張單俾我地，一睇張單嚇一嚇，以為佢減左差價 點知張單重貴過頭先，明明一個午餐變兩個，無端端加幾個外賣盒錢，有亂咁加加奶油豬，加出前一丁錢,痴線架，之後喪鬧完一輪，對唔住都唔講句，俾番之前張單我地就算，零服務態度，以後餓死都永不幫襯!!!大家去食小心啲睇下張單先俾錢.

星期日落街吃了下午茶，井茶炒粉麵都好有鑊氣，但我喜歡的是港式下午茶中雞脾沙律！炸雞脾沒有好厚粉，雞皮又脆又薄，雞油已經迫出，所以炸雞脾落口一點都不肥膩。沙律是傳統青瓜，薯仔，紅蘿白，菠蘿，加上大量沙律醬。雖然好肥，但真的好美味，邪惡！黃金磚當然就是西多士！井茶西多士好厚好鬆軟，喜歡外面蛋香，中間鬆鬆軟軟口感，很輕盈有花生醬在中間，配上蜜糖甜甜的，就是港式獨有甜品！選了特別咖啡紅豆冰， 紅豆很大粒夠軟身不錯！咖啡香濃不過甜，亦可以下單提出少甜或濃味。好喜歡！但有一點注意，製作時間比較長，可能要追單問題。今日都等很久才到我的飲品，而且遲過我落單的比我們快到食物。

【屯門區】【井茶】屯門好多好嘢食，不過佢哋分得太散，而且唔係個個屋苑商場有非集團嘅餐廳，有時去到都唔知去邊度搵嘢食好。唔知點解呢個問題只會發生喺元屯天，明明周圍都係嘢食，但係總係提唔起勁走入去食，好似樣樣都唔啱心水。本身喺其他區域嘅話，我嘅做法係求其掟自己去該區嘅一個地方，然後再喺嗰個地方度努力發掘特別嘢，再寫畀大家睇。因此有時會出現一啲喺某位讀者嘅屋企樓下出現嘅攪笑情況，就係咁先生活化同寫到貼地資訊畀大家。好似今次我係喺屯門泳池落車，行咗去豐景園嗰邊，之後又想去龍門居嗰邊，行行吓又唔知點解去咗兆禧，好似冇路揀咁嘅。最後喺悅湖山莊商場見到都幾多嘢食，不過嗰啲一係就大牌檔，一係就外賣小食，唔係太過啱我。見到呢間「井茶」初初以為係啲飲工業廢水嘅茶飲店，點知原來係茶餐廳嚟，咁就入去隊個下午茶啦，佢分咗唔同種類嘅，我想食「深海吉列魚柳」系列，咁就用 $42 叫個「原條吉列魚柳」配「漢堡扒炒牛乳滑蛋」嘅套餐。啲嘢食普普通通，冇想像中咁特別，個炒滑蛋都 okay。個餐仲有「多士」半件，都係正正常常咁。反而杯「熱奶茶」唔錯，夠香濃又幼滑，估佢唔到。有少少獨市生意嘅情況之下呢個餐收 $42 唔算貴，冇

悦湖山莊有好多特色小店,今日又唔想出街食早餐,就係井茶買一份早餐回家慢慢享用.餐牌上有好多選擇,有歐陸式早餐,三文治餐和傳統港式早餐.我就叫左沙茶牛肉麵+抄蛋+火腿+牛油方包+阿華田.多數的餐廳只會供應沙嗲牛肉麵,呢間有沙茶牛肉麵,覺得幾特別.牛肉都算多.但個沙茶汁太鹹,勁難食,好失望.炒蛋好滑,又有蛋汁,可惜份量不多.火腿煎得香口.新鮮嘅麵包,塗上牛油,放入炒蛋和火腿,就變成腿蛋治,這個是我最喜歡吃的方式.阿華田唔會太甜,啱曬我.

服務態度超級惡劣，特別係個男老闆!!! (我估佢應該係老闆或者經理) ，啲嘢難食，仲話做街坊生意但係又加上咁惡劣嘅服務態度，一定唔會再有下次。 永久 blacklist。 一定唔會推薦畀啲 friend ，除非想線啲 friend。 貼錢買難受 。其實想比零分，一粒星都唔想畀佢，但係可惜冇呢個選擇，被迫只可以揀一粒星。如果可以揀，真係會俾零粒星做 rating!!! Very poor service with a very bad attitude, especially the male manager who is very rude and impolite. Not recommended this cafe to anyone unless you want to revenge on your "friends". Want to give a ZERO star for the rating, unfortunately there is no such option and I have to give a 1 star for the rating.

我就知好多人對呢間嘢嘅評價就麻麻哋，不過呢因為方便我都成日去食嘅。今日呢我就嚟到食早餐，咁就叫咗個肉丁米啦、腸仔蛋多士同埋凍齋啡。值得一讚嘅係佢嘅米粉呢係用幼身嘅米粉，容易啲掛湯，又軟身啲。坊間好多茶餐廳米粉呢都係用好粗嗰啲，食落呢好影響口感㗎。而另一方面呢喺佢嘅腸仔亦都係出色㗎喎，嗰層皮煎到有少少脆但係又唔窿喎。嘢飲方面就純粹提神啦。不過呢佢衛生方面就真係差少少，應該係塊抹布嘅關係啦，張枱清潔完都仲係有浸味嘅，自己去食嘢就自己清潔下啦。

一來超無禮貌！二來電話叫左3個餐外賣，落到去可以落左2個餐加3杯野飲單，白痴。唔係第一次，之前又漏依樣漏果樣。啲雞扒炸到好似炭咁都可以比人獨市生意就好似大晒咁。貼錢買難受！

剛剛開業，食早餐蕃茄豬扒米粉，一塊完正豬扒上,好好食，十分juicy ,過左一年都冇已經,偷工減料到一個點，果塊豬扒擺明中間切口左一半，剩返骨，價錢唔平，求求奇奇交貸，超過份，打落去電話長期無人聽!一粒聲星都唔想比劣評

環境！地下又濕，冷氣唔凍食物！雙蛋好似琴晚煎定咁，杯凍鴛鴦淡茂茂，唔會再有下次。垃圾級別，好難再做街坊生意，應該好快轉場，真心一定推介唔好去，除非線朋友，冇嘢好講。永久bad list包括所有分店