影片
装修后首次光顾，虽然店内环境无太大改变，但午市已经无咗$42嘅套餐 (4选1𩠌菜跟菜饭或白饭一碗，再配冷/ 热豆浆一杯。) 。新套餐价钱略为提高，$45-$50嘅套餐跟白饭一碗，豆浆一杯及餐汤一碗，若跟菜饭需另加$5。豆浆嘅豆味无以前咁香浓，失色咗，有啲失望。酸辣汤就一般。3个人点咗3个套餐 (上至下: 糖醋鱼块、鱼香鸡柳、回窝肉)，每款𩠌都比以前大碟。糖醋鱼块不过不失，鱼块肉质尚算嫩滑。鱼香鸡柳就完全食唔到鱼香嘅味道，只系普通嘅西芹炒鸡柳。而回窝肉就稍为多油。
继续阅读
今天中午行过红磡，买完凉鞋后就周围到附近找地方食lunch，行过一间叫「五芳斋」的餐厅，门外玻璃窗都有贴上不是供应斋的，看来都真是好有趣，于是在门外看了一阵餐牌，午餐都是一些家常中式菜式，都吸引了我入去食个饭。环境都好简约整齐，够光猛又宁静，感觉都好舒适。 是日是星期三，午餐($42 net )可以选择有南乳肉、鱼香肉丝或香辣牛腩，我最后选择了南乳肉，等了一阵，店员已经好快把食物送到客人枱上，南乳肉是用上五花肉煮成，五花肉色泽鲜艳，味道浓淡得宜，口感嚼劲松软，非常入味有阵阵的南乳香，配上油润光泽的菜饭伴食都真是不错，天气热再加杯冰冻豆浆就是最佳配搭，冻豆浆味道好香甜，豆味都算是浓郁，不过就嫌份量未够满足。
继续阅读
屡屡于芜湖街逸·酒店对面巴车站下车，看见「五芳斋」，还以为是吃斋菜的地方。毕竟，附近有一间观音庙。今日，走到门前，见门口贴有「本店提供食品非素食」，始知真相。上网搜寻，「五芳斋」是源于浙江嘉兴的百年老店，寓意「五谷芳馨」，以售卖当地特产 - 鲜肉糭和八宝粥闻名，最近进驻红磡逸．酒店。餐厅装潢平实简约，最吸引之处还是墙上的图画，呈现出嘉兴昔日鱼米之乡的盛况。甫坐下，店员送上一壸柠水。酥炸鸡排面$55，炸鸡与汤面分开上枱奉客。上海面浸在乳白色高汤中，配以两条嫩菜。面条浸在汤中，还担心会易糊易烂，入口发觉面条竟不糊不烂，囗感柔软滑顺。鸡排炸粉极薄，外层炸得酥香皮脆，内里肉质则嫩滑有肉汁，味道不错，只略嫌炸得有点儿油腻。
继续阅读
红磡真系一个觅食既好地方，虽然一个礼拜因为返学既关系要出黎4日，但系永远都可以有新野试我本身系一个好长情既人，食开边间就会一直好想继续去，仲要比人话我系咪当左个间野系canteen个种今日收工系对面海搭巴士未够6点就到左红磡，唔知点解想食得清淡D同一条街既上海面又未开，于是就决定试下五芳斋，因为可以坐得舒服D由于唔系食饭时间既关系，都系得几台人，所以唔使等位讲返正题，下午茶主要有3个价位，最贵既刨冰系列我谂到天气热D既时候再食啦最平个个就系$35包冻/热豆浆，转野饮另计，下午茶时段免加一今次就叫左津白肉丝炒年糕配热豆浆豆浆应该系最基本既野，但唔知点解唔系间间饮落都正常，太甜、冇味、太稀甚至有㶶味既都有，而个D铺头仲分分钟系野食整得唔错既餐厅而五芳斋既热豆浆无论甜度定浓稠既程度都恰到好处，值得一赞至于主菜方面，虽然我本身对下午茶既份量都唔会有太大期待，但上碟第一眼见到个时我都有少少吓亲，个一刻我系度谂返屋企使唔使再揾D野食下......但后来食食下又OK㖞，可能我早食同埋D年糕都饱肚啦不过最令我惊喜既唔系津白、唔系肉丝亦唔系年糕，反而系冬菇蚝油同冬菇不嬲都系绝配，而全碟最入味既竟然就系D冬菇，就咁食落应该唔似系鲜菇，唔错津白同肉丝都不过不失，我个人偏好腍少少既津白，而呢碟入面既就介乎爽口同腍之间，丰富成碟炒年糕既口感至于年糕我就反而有少少失望，大家都知上海年糕本身都系由一条切成一片片，可能系因为炒个时冇兜得好匀，所以有几片都仲系痴埋一齐，导致有其中一面都系白色冇沾到D汁 当然35蚊既下午茶我唔会有咁高要求，但如果用正价黎食既话就未必过到我个关整体黎讲都炒得几香几入味，我一边夹黎食一边玩手机都好快食哂总括黎讲，以$35食到酒店餐厅既上海菜绝对系超值，而且环境又干净坐得又舒服，睇黎都可以考虑将五芳斋加入我既canteen list再试哂其他野...哈哈
继续阅读
红磡最近开了好多食堂，好坏都有，真系要睇你好唔好彩。事关个个都话自己有几好味又几出名。虽然个个口味唔同，但好钟意杜如风金句，我好似领左你嘢。四小拼的四喜烤夫卖相普通、入口比较腍口、质感都还可以、但味道就咸到入唔到爆！花雕醉鸡、完全没有花雕酒味只得咸味！糖醋小排骨、切得大细粒、入口干身、入口只有酸味。凉拌木耳汁芡比较稠，欠缺了木耳清爽的口感。 餐厅定价贴近尖沙咀同类型餐厅、但味道就不能相比。
继续阅读