影片
以上资料只供参考，请与餐厅确认详情
餐厅位于Bowtie coffee个边条街以前都有几间唔错既餐厅但最近发现原来执左好多间呢间五目屋反而总生存到🙂↔️听个名都知食日本菜不过唔好期望太高✨广岛牡蛎蛋包饭$72✨Lunch set包一杯热饮同前菜佢既前菜都唔错最钟意食粟米沙津热饮系热奶茶个 D至于个餐…我会用茶记质素黎形容佢😅首先D蚝臭臭地一食就知唔新鲜日式咖喱几好食既不过蛋包饭唔算滑鏊体黎讲一般般啦不过咁既价钱都唔会要求太多得闲想食下日式咖喱就黎试下lor~
继续阅读
餐牌好多选择而且好抵食 呢份好似系$5x(?) 除咗鸡扒乌冬 仲包咗一碗汤 一碗椰菜沙律， 感觉系几丰富嘅乌冬质地一般般 唔系好有弹性 又未至于淋晒嘅 另外配菜仲有海带同鸡蛋 其实真系算唔错但系个鸡扒真系唔太掂 虽然呢个价钱都预咗系雪藏鸡扒 但系有啲餐厅处理得好啲个味道都好啲。呢个成旧肉都好淋咁样 唔太新鲜嘅感觉可能嗌返煎嘅鸡扒配咖哩饭会好啲挂，见人话佢嘅咖哩好食不过见过价钱咁平本身都冇咩期望，所以冇太大失望，但未必会再试
继续阅读
一到lunch time, 兰杜街就逼爆，间间餐厅门口都有人等紧位。呢间日式小店有丼饭、乌冬、蛋包饭、咖哩饭，任君选择～😋主食会配日式前菜同埋绿茶或餐汤，前菜系椰菜沙律，餐汤系椰菜萝卜汤，清淡而且有好香嘅萝卜味～🤩照烧鸡扒亲子丼 $67照烧鸡扒份量比较少，鸡皮比较湿，好似冇煎过咁，油脂仲喺块鸡扒度，腌得好入味，偏咸。饭上面有一层滑蛋，加入咗唔少洋葱丝。正宗亲子丼应该有味醂嘅香味，呢碗亲子丼反而有好浓郁嘅照烧汁味，食到底仲有颇多汁。个人不推荐🥲吉列猪扒咖哩蛋包饭 $72吉列猪扒好厚肉，份量好足，冇猪肉嘅臊味，但一嚟到只系暖暖哋，唔系即刻炸嘅。咖哩偏甜口，typical日式咖哩。蛋包饭个蛋好嫩，薄薄一层，啱啱好盖住个饭，而饭嘅份量好多，啱啱好可以捞晒啲咖哩汁。会话系抵食嘅日本嘢，上蛋包饭嘅速度好快，亲子丼反而等咗15-20分钟，质素普通，期望唔好太高。🤨
继续阅读
吉列猪扒味道差，口感好硬。流心芝士汉堡扒味道都系差，芝士系流心，不过唔好味。咖哩汁正常。价钱唔算平，同区湾仔有好多选择好过佢。总括而言，质素唔系好，唔会有下次。
继续阅读
喺湾仔兰杜街呢一间日式蛋包饭舖，前两日行过本来我想去𠮶间台湾舖头呢，但系执咗，所以我就睇到呢一间就入嚟试吓。佢哋主打三样产品，第一系蛋包饭，第二系日式咖喱饭，第三就系其他日式嘅井！我哋嗌咗一个蛋包饭加鸡扒，另外一份就系蛋包饭加吉列猪扒，我哋都系要咖喱汁嘅！一次过试晒咁多样！我觉得鸡扒都唔错，咖喱都几好食吉列猪扒呢我嫌佢太干身。 蛋包饭同埋咖喱汁都好食。我哋仲叫咗一个煎饺，呢个就一般般！小店总系要鼓励嘅，我见平时都好多人去食饭！
继续阅读