影片
系石硖尾做野经过呢间见几多学生黎食 所以就谂住试下叫咗 和风牛肉便当上菜速度十分快 因为真系好多学生lunch 时段港式沟日式既饭讲真40蚊冇话好大期望牛肉系啲街市肥牛整成 份量多似屋企食到味道 啲菜炒得几清 冇咩特别调味 有啲黑椒咁中华沙律系平时系鱼尚争鲜买到个啲既质素饭既份量好多 知道自己食唔晒记得叫少饭!玄米茶 平时759买返黎茶包既味道正正常常40 蚊黎讲都接受到既真系唔好预期咁多平食既选择
继续阅读
收工收得夜，贪佢近屋企，大约夜晚9点半入去食，当时舖头入面坐得几台，见到有宵夜餐，之后同个waiter嘅对话如下：我指住个B餐：唔该我要个BWaiter：好呀B餐，拣边款我：海鲜杂锦吖Waiter：好呀之后佢行咗去厨房，如是者等咗15分钟，嚟咗个白汁海鲜焗饭，我以为佢送错台，同佢讲返，佢俾张单我睇，写住宵夜G餐，确实系海鲜焗饭，最后佢都肯换返个B餐俾我，如是者又等咗10分钟，个waitress攞咗一碗嘢一嘢摆落我台面就走咗，望到有啲鱿鱼碎，蟹柳碎等等我都估到系我嘅其实，食落口，唔识形容个汤底味道，米线正常，海鲜好腥臭，酸菜都够酸嘅总结：食物：唔系闹饥荒都唔好去食，买几个杯面返屋企食好过服务：系咪痴架整体：垃圾PS：唔好同我讲33蚊仲想点，系饱嘅，成肚气，平时对食呢样嘢其实要求都唔高，但呢间嘢真系激使我要出post
继续阅读
朋友约了6:00晚饭，因为吃完要去赛马会艺术中心睇话剧。太早吃晚饭，所以都预左6:30才到。朋友早去到唔使等位，但点知Openrice 个icon 位置是错的，标示去了另一栋美X楼，到处问人也不知美荟楼在哪里？终于去google map 才找到😥😥找到这餐厅后，叫了碗拉面及热柠水，餐厅里面都开始座满人，落单后，点知等了10分钟才有杯热柠水，再等多10分钟才等到拉面，汤底味道一般，不太咸，拉面都几滑，不太有𡁻口，如果大家赶时间就唔好去呢间餐厅，因为实在等食等太耐了！还有冷气不够凉，外面30多度，可能坐近门口都渗汗！下次未必会再来！
继续阅读
夜晚去食等咗几个字个饭都未到 问个店长/经理系咪漏咗单啦 点知佢望下我唔采我走咗去 又冇幚过我问厨房 要我大声话：「你唔理我 咁我走喇」跟住佢先去问厨房 试过两次都系咁 仲要细细声比悔气话你听。。。想同佢哋老细投诉又揾唔倒 冷气又细又焗 食得咁受气嘅话我以后都唔幚衬喇！
继续阅读
今日谂唔到食咩，就去咗呢间嘢食晚餐，谂住佢都应该会快，食完就走。点知……两个人去食，一个叫咗猪软骨拉面，另一个叫咗义烧拉面。个猪软骨拉面等咗二十分钟，而个义烧拉面就等咗二十五分钟。两个人本来由唔赶时间等到变成超赶时间。速度慢得令人不可原谅，而我地又点会谂到食碗拉面要等咁耐。两碗拉面嘅份量少得可怜，少到食完之后好似食咗阵风咁，都唔知自己食咗啲咩，好似食完仲肚饿咗。坐喺度见到啲职员行嚟行去，都冇咩服务可言。我谂我以后都唔想再去食。
继续阅读