2025年7月3日 星期四今晚专登去到启德既airside食饭,仲已经一早拣左呢间餐厅,因为见到网上面话性价比十分高,特别系片皮鸭好抵食,所以就吸引左我呢个片皮鸭爱好者餐牌有好多食物可以选择,种类繁多,价钱又真系好贴地,半只片皮鸭连一份大约20块既摩摩皮都只系$168,所以我哋叫左呢样再加少少野食应该就够晒一点完餐等左一阵饮品就黎到,系柠檬益力多,饮落去酸酸甜甜,柠檬味清新,乳酸味唔太重,似系益力多加咗柠檬汁咁,饮完即刻解晒腻,好适合配上重口味菜式之后有黄金芥兰,咸蛋黄炒到似金沙咁黏住芥兰,每啖都食到咸香同菜嘅清甜芥兰爽脆冇渣,咸蛋黄唔会太咸,反而有种奶油感,令到整道菜口感好丰富跟住到我最期待既菜式出场,北京填鸭配摩摩皮,呢道菜上枱时已经闻到阵阵香气,鸭皮金黄酥脆,咬落去「卜」一声,油脂唔多但香气十足,鸭肉细嫩而且冇腥味,啖啖都系浓郁鸭香摩摩皮方面,薄身烟韧,唔会太干或太厚,包住鸭肉、青瓜、大葱同甜面酱,一啖咬落去层次分明,甜、咸、香、脆、嫩一次过爆发,真系好有满足感!!之后有呢碗秘制牛奔面,一上枱就见到深色浓郁嘅汤底,渗出阵阵香料味,令人未食已经期待爆棚汤底应该用咗多种香料慢火熬制,入口香辣中带微微甘甜,唔会太油腻,反而好顺喉牛肉方面,真系「奔」得有诚意——有牛腩、牛筋、牛肚三种部位,牛腩炆得够腍但唔散,牛筋烟韧有咬口,牛肚爽口冇腥味,每啖都食到唔同口感,好有层次感面条系偏粗身,挂汤力强,唔会食到尾变淋,仲有啲爽口感添最后有呢碟白菜猪肉饺,睇落简单,但味道绝对唔马虎,饺子皮系偏薄身但唔易烂,入口烟韧,包住嘅馅料系鲜甜白菜同嫩滑猪肉,比例刚刚好,唔会太油亦唔会太干咬落去有种自然嘅肉汁渗出,白菜带出清新感,令到整体味道更加平衡食左咁多野人均消费都不过系二百蚊唔洗,真系好抵食!!…查看更多





