影片
相关文章
一见到有人介绍呢间甜品店 已经好有兴趣黎XD 因为呢度有好多古装服饰可以比客人穿著黎影相XDD 好有趣~~ 而且成间餐厅既装修都好古代风~~ 今晚约左朋友上黎试下~~ 我地9点前都黎到喇.. 但估唔到咁早都已经有人系度食紧甜品喇~ 除左甜品之外, 呢度原来仲有热食, 好似车仔面, 串烧, 点心同酸辣粉咁~ 价钱都唔贵 想一餐搞掂晒主食+甜品都OK~ 原来呢度D甜品卖相一样好得意 当中最吸引到我地既就系 麻雀 同埋 象棋… 最后,, 当然系麻雀胜出XDDD 落左单后, 我地就去著唔同古装衫影相喇~ 好搞笑, 除左有雍容华贵既皇族衫之外, 仲有狱卒, 公公既服饰~~ 多人黎既话 可以黎个角色扮演 除左服装, 仲有头饰同其他道具, 玩味性高 等左一阵, 我地叫既 麻雀椰汁糕$88 就送到喇~ 用木板装住麻雀上, 感觉真系好古代~ 估唔到味道都唔差, 椰汁糕味道几香甜~ 味道甜得黎 唔会腻, 适合3-4人share ~ p.s. 见到竟然有外国客人上黎帮衬 ! 走个阵, 仲发现呢度有部扭蛋机呢… 呢度的确系几得意既一个地方而且价钱确系几亲民~~ 平平地食个得意甜品 都几开心^__^
继续阅读
最近有人生日，寿星话ig见到想试。Book左7:30，7:40齐人，8:30先开始有野食，系开始咋虾饺成只粉果既size，点餐纸叫超薄，但层皮系特厚，牛柏叶同鱿鱼食到有怪味，以为自己味觉有事，问坐隔离既朋友都话有烧卖清晒后甩剩层皮，明显翻蒸货。凉拌海哲，味道正常，带麻辣味，不过张点餐纸冇提到奶黄包，明显翻蒸货兼来货，d料少到咩咁春卷，味道正常，但一啖咬落去都未见馅烧牛脷，入面味道似白灼，外面系咁依烧两下，靠黯然粉吊味牛柳粒，粒牛柳十足橡胶咁，韧劲十足，用吃奶之力咬，都未咬得开，仲系两串都系咁鸡软骨，味道正常烧鸡翼，外面香口入面冇味，食到大半发现见红。四只都未熟得透，叫店员换过之后正常返。因为限12张相，所以之后冇相提供。烧茄子，靠蒜头同葱调味，味道正常。烧肠粉，似煎两下拎出黎既蒸肠粉。蒜蓉包，唔够蒜味，某大pizza速递铺好食好多。烧蕃茄，以为车厘茄，点知系大个既切开四份出。味道正常既，系d黯然粉有d无谓烧棉花糖，烧得唔够耐，冇果种带熔又未熔得晒既质感。十三么椰汁糕，椰味唔够，似罐头开出黎，有d似唔够椰味既珍多冰阵味。窝夫，因为朋友生日，店员请既，有蛋味入口松化，全餐除左生日蛋糕外最好食既野。埋单每人$17x，打卡一次可以，但唔会有下次
继续阅读
几个女仔都钟意gimmick嘢，上网见到呢间野，咦有得玩古装，扮下啲郡主呀娘娘咁，好似几有趣，所以就想黎呢度，食物都系其次。等位都等咗好耐下，啲朋友都等到有少少唔太耐烦，好不容易先到我们可以入去。装修环境真系好古代下，有啲木枱木屏风咁，又有啲古代酒樽，叫侍应啲时争啲想叫小二😂，其实真系可以谂下㖞，好似啲女仆cafe咁做戏做全套，叫啲侍应著晒小二衫，叫客人做客官！首先黎到嘅系小食瑞士鸡翼，呢道菜就比较快上菜嘅，鸡翼好大只兼调味绝不轻手，啖啖肉。食完小食试下衫，我劝大家斯文啲，因为好多已经烂烂地，要顾及别人感受先得，太粗糙人地无得试架啦。我𠮶frd 拣左套皇后衫黎试，都几好睇，不过有啲人唔识野以为𠮶件系少数民族衫，我笑而不语。影完相少不了点心，糯米鸡恐怕系港人最爱头几位，唔知喺古代叫咩名呢，足料，好大只，味道就正常糯米鸡咁啦。然后就叫左个好ig-able嘅麻雀型椰汁糕嚟做甜品，好像真，枱枱都有叫，搞到我都想开枱。今晚撞正警钟误鸣，原来古时候已经有警钟啦，哈哈。好评系俾个著古装gimmick嘅，有得食又有得玩，我地都影得几开心，食物就正常啦。
继续阅读
劲搞笑既旺角小店提供左唔同既古装同道具俾你任影唔嬲，呢日放工放学后过左食饭时间，我地包场包影好自在。本身个餐厅装修到好似古代既客栈咁，仲有毛笔区，酒区同受刑区几款主题。男女童装都有唔少衫可拣 ，一边医肚一边自娱。仲有部破费夹公仔机，不过都系两蚊次都okay既。食物方面主打甜品，我地都点左面食同串烧，样样都有水准。酸辣粉都几辣，份量够哂一个女仔食。串烧就韮菜原条上，够份量，鸡软骨好入味。叉烧包就新鲜出炉呢款象棋娱乐性丰富，但棋好似唔多齐都系俾你食同影相为主。
继续阅读
寻日去左呢间好古代味重既食店一入出电梯就见到四只大字好有气派间店都几有特色有啲古装比客人著重要有好多选择实行边色边cosplay想一过呢个皇帝式既享受就著番件龙胞就搞掂好可惜揾唔到82年既女儿红😣武功秘笈任君选择学番三五七本真系识飞更架（误）装修用具都满布心思玩完就入正题勒叫左个点心食佢系即叫即蒸架！热到呢但呢个鲜竹卷几好食好够料呢个麻雀椰汁糕好有心思又唔会太甜啲字体同啲真麻雀一模一样仲要比副十三么我添。。哈哈呢串牛舌不得不赞一啲都唔韧仲好软熟跟手点左杯蜜瓜沙冰饮味道唔错如果只杯配埋古代器皿就完美最后黎个烤茄子好多蒜呀正呀间野整体都唔错有得食有得玩系等野食耐左少少唧
继续阅读