影片
经过见到有新店，试下啦！下午茶时间，人唔多。牛杂云吞河牛杂炆得软淋（但味道就偏淡），草肚牛肺牛肠算入味，牛膀就一般，云吞细粒，而且味道只算合格，可试可不试，河粉既份量好少，真系就番个碗（好浅），幼身河粉（似越式汤河粉）较淋及滑身。同另外三间粉面比较份量真系最少。见另外几个食评，都话牛腩/崩沙好食，如有机会再食，嗌捞面应该稳阵d/我指份量。咖啡就大大杯，冇特别。光猛，地方干净企理。双拼粉面加冻饮$50（好似系下午茶包冷热饮），反而饭餐都系$50＋$3。睇下系墟内有冇竞争力，呢条街同d食店，都转得几密。
继续阅读
放饭谂唔到食乜通常会去二当家贪佢哋杯冻饮够大杯粉面餐一概加$8，印象中好似冷热同价（我从不饮热饮所以冇留意）牛腩都几好食，唔过咸，又唔韧冇特别去数有几多旧，但份量我觉得合理个人喜好系粗面口感最好！$38冻饮 +$8又一餐紫菜四宝河都几好鱼片头冇炸过火我几钟意都几弹牙，唔错加一匙佢哋嘅辣椒油宁舍好味联和墟街坊会将呢度同水上人比较咁老实讲句二当家份量系细少少但优点系又有常餐又有颓饭一班人放饭总有一款啱心水唔洗就得呢个又就唔到边个…Btw啲呀姐几热情招呼黎得多佢已经知我哋食乜咁🤣
继续阅读
有时冇乜胃口，会想食得清淡啲，粉面系不二之选，睇返餐牌价钱合理，坐得算系几舒服添😁崩沙腩饭~崩沙腩是牛腩中最矜贵的，表面有一层横膈膜连住腩肉，筋膜连少少肉，软腍味香，肥瘦适中，可谓牛腩中的极品。味道方面，都冇令我失望，非常入味！用嚟衬饭,简直一流！牛丸河~本身汤底已经落咗少少牛腩汁，但系我极爱腩汁，所以要求店员拎啲畀我，佢哋非常乐意，令我有惊喜！河粉香软嫩滑，牛丸弹牙够味👍冻柠水、冻柠茶~都系用冰杯，够晒大杯，味道正常！
继续阅读
呢排好忙，已经积咗好多篇食评未打，但呢间啱啱食完觉得好惊喜，所以决定打咗呢篇先😂😂 呢间喺联和墟开咗冇耐，一直都未试，最近食嚟食去都系食隔离间士多冰室😂 呢一日突然谂起呢间，于是就走咗去试。舖面都几大，入边有好多枱，星期六Lunch时间去坐满晒。叫咗一碟 #崩沙腩饭 （$60）包嘢饮 有惊喜！好耐未食过咁淋嘅崩沙腩，又香牛味，仲要份量好足！呢个可以encore ！#牛杂米 $38 份量太少个汤OK，但牛杂份量少，虽然有几旧牛肚，但其他牛膀、牛肺、牛肠得一件，连米粉都少，我已经算细食，我食完都唔饱🙊
继续阅读