影片
以上资料只供参考，请与餐厅确认详情
观塘返工，每日都谂食乜好~~今日用咗外卖自取，对于药膳汤爱好者嘅我，就一定拣滋补药膳鸡汤米线！！取餐地方好近我公司，所以早咗去到，好彩唔驶等太耐就可以拎，店员友善有礼貌，外卖打包得几好唔会倒泻。🐔啲鸡件好滑，仲要份量超足，本身钟意药膳汤，佢个汤底好味到我忍唔住饮晒（本身有加冷泡茶，而家食+饮到劲饱）~~😋食过好多间药膳鸡汤米线，呢间折后价，相比其他都抵食。又一观塘返工lunch之选~~👍🏼继续扮工谂下今晚食乜~~🤣
继续阅读
首次品尝此店既招牌花胶鸡浓汤米线，一打开胶盖已经见到汤底照多肥油，用咗成分钟避油后，将米线饼倒入浓汤内准备慢用... 细望下，鸡件份量较多，配上一大块花胶，感觉还可以。第一嗒先食米线，淋得滞；汤底还可以但不是超正既鸡汤味；鸡件份量算多但无鸡味；花胶好大块但唔淋... 总结唔会再帮衬
继续阅读
友人喺附近返工，推介我嚟呢间试吓。见到佢有椰子鸡同埋椒盐粟米就试吓啦~咁啱我去𠮶个时段冇其他食客，静静地享受自己一个人，环境舒适👍🏻我问侍应有咩面底好推介，因为我唔钟意食米线。佢推介稻庭乌冬或者粉丝，好啦一于试吓佢个粉丝。极快整咗畀我，我心谂快到咁系咪求其整㗎？啲鸡好香滑，个汤好清甜，我而家谂返都有啲挂住><配搭埋粉丝好好食，又唔会话太饱，可以食埋个椒盐粟米。我以为18蚊咁平一定得两三旧，点知差唔多十旧😵另外估唔到嘅就系佢个豆浆好好饮，唔会话太甜/无味，甜度啱啱好：）我觉得附近返工嘅人可以去试吓，有机会做埋饭堂xD
继续阅读
第一次试呢间 嗌左胡椒猪肚鸡汤米线啲猪肚好淋 唔会好难咬👍🏼啲鸡仲要好滑🤩汤底浓 饮完都唔会好口渴价钱合理 会再帮衬！下次会想试埋啲小食 椒盐粟米🌽好似几正🤤推介比观塘返工既朋友仔😌
继续阅读
个椰子鸡汤好足料好重鸡汤味，椰子味又好够，个汤方面虽然有小小油，但都忍唔住想饮晒同埋拎黎捞饭食真系一流🤤不过如果可以转米粉就会更加好👍🏻个鸡好滑又入味。嘢饮方面有得叫冷泡茶，正正常常。最紧要系价钱唔贵，但食物质素就好好。另一位朋友仔就叫咗药膳鸡汤米线。药膳味好香同好够浓，朋友仔话向出面都未食到过咁浓嘅汤底同埋椒盐粟米完全食唔停口，椒盐又够多👍🏻整体来讲可以再过嚟食，大家都觉得好好味同埋有好多小食都想试下
继续阅读
您可能会有兴趣的...