影片
营业时间
今日营业
11:00 - 21:30
星期一至日
11:00 - 21:30
以上资料只供参考，请与餐厅确认详情
好耐冇喺争先食回转寿司，今日俾佢门口嘅套餐吸引，星期六仲有午市套餐，经济实惠。🍱🍲🤩📌蟹肉蒸蛋好多蟹羔，而且蒸得好滑好入味。📌牛肉乌冬份量都好多，而且用咗赞岐乌冬好滑好弹牙。三大片牛肉够晒嘴料。📌海鲜寿司拼盘五点，其中油甘鱼腩及三文鱼腩，充满油分，而且好肥美，性价比好高。整个套餐值得推介。😋😋🍣另外输送带上嘅回转寿司，我记得以前是划一价$8，虽然而家分开咗三个价钱分别是$8/$12/$16，但系明显见到价钱虽然贵了少少，但系质素就提高咗好多。以前全部$8感觉上全部因为都要将货就价，所以质素反而一般，现在分开三个价钱，反而可以尝到较高质素嘅寿司，所以亦都系值回票价。🙂今次重新到这间争鲜回转，整体感觉各方面都觉得已经升级咗，而且亦都坐得舒服、环境都不错，下次可以再encore 。
继续阅读
去争鲜食寿司真系几好玩，尤其系钟意寿司嘅朋友。呢度用旋转寿司方式，方便你随时攞自己钟意嘅嘢食。寿司质素寿司整体质素唔错，饭嘅口感啱啱好，鱼生都几新鲜。选择好多，由传统嘅三文鱼同吞拿鱼，到啲创新寿司卷都有。环境同服务环境干净企理，坐喺旋转台旁边，睇到啲菜好方便。服务员都几好人，反应快，能够即时应付客人要求。价钱价钱合理，适合同朋友一齐去或者快快脆食餐。碟嘅颜色代表唔同价钱，令到消费者好容易知道消费金额。总括嚟讲，争鲜系一个值得试嘅地方，尤其系对于𠮶啲想食多啲唔同类型寿司嘅人。
继续阅读
今日旺角中心地牢食午饭，旺角中心都有好几间餐厅选择，今日自己一个人，拣咗去争鲜食寿司。而家争鲜有三个唔同价钱选择，有$8 ， $12 ， $16。.🍚海胆寿司海胆有一大块，唔臭，唔算难食，不过绝对讲唔上鲜甜。. 🍚鱿鱼仔鱿鱼仔有四到五只，上边配左泰式辣汁，非常惹味，呢一碟可以食。.🍚芝士飞鱼子寿司一向非常钟意食呢个芝士飞鱼子寿司，不过今次就失左手，佢哋捞得非常之甜，成件事唔同晒。.🍚芝士蟹棒寿司计时经过火烧之后更加香口，巨型蟹棒一疏疏，啖啖肉，好食。.🍚蟹膏蟹肉寿司呢款寿司之前冇见过，食落都几好食，蟹膏味道都算浓郁。.总括然而，作为平价回转寿司，一分钱一分货，可以接受嘅。
继续阅读
电话需要维修，正正碰上客户日，不用付检查费，却要等上数个小时，趁等候的空档到隔邻商场找吃的，见平日大排长龙的回转寿司可以直入，一个人就不用多想，就吃寿司吧。店内清晰指示各种不同颜色碟代表什么价钱，如何处理保鲜盖...等资讯，茶水调料自助，酸姜也是自助从回转带上取用，然后放回。各式寿司、饮料、甜点不断从眼前出现，花多眼乱，终于挑了至爱的大赤贝。赤贝鲜甜爽脆，美味！下面这个鱼也很不错的。吞拿鱼蓉紫菜包有特色，口感味道也对口味，不错。枝豆是正常水平的说。至于鸳鸯腐皮寿司是可以的，没有惊喜也没有失望。整体来说，价钱平，质素可以，有些更有惊喜，可以让客人数十元就吃到鲍鱼、海胆等食材，实在是不错，唯一遗憾是当天海胆卖完，吃不上啊......
继续阅读
实在系排唔到寿司郎，唯有退而求其次，食争鲜嘅回转寿司啦，好彩人又唔算好多，好快就有得食。呢一款带子上面有啲蒜蓉，味道都唔差。呢个就得一件，系带子刺身，带子都算甜。呢个芒果布丁偏硬身，下面有啲椰果，味道又唔错㖞！呢款螺片，都唔算差，系正常味道。呢款系有烧过嘅虾，正正常常。三文鱼都okay，比较薄，唔系好有油香。呢个泡芙几好食，入面嘅cream几香。呢个系烧八爪鱼，味道正常。呢个就系鱿鱼寿司，味道比较腥。呢款朱古力慕丝蛋糕，好甜，下面个朱古力脆皮唔多搭。
继续阅读