3
6
2
营业时间
今日营业
06:30 - 00:00
星期一至日
06:30 - 00:00
之前一直都用开网页版，刚刚新装apps，试下学人留食评先😝😝平时好少留意呢类餐室/冰室，但之前喺湾仔试过呢间九龙餐室，有个楼面哥哥好搞笑，唔知系咪因为下午茶时间人流唔算多，所以个哥哥仔好有礼貌，讲野又搞下笑咁，好好招呼，所以令我对佢地有啲印象。今日小朋友喺尖沙咀有活动，再次见到呢间餐室，所以又同朋友入去食个饭, 晚餐时间，人流比较多，但等左一阵都算快可以入坐，餐牌都多选择，焗猪扒饭/意粉，咖哩牛腩，常餐粉面都有，最出奇系连蟹肉伊面都有，我唔太锺意食饭，所以叫左个16°Z厚切西冷，呀女叫左个知味西多士，同场朋友叫左个浓汤素翅鸡。上菜算快，食物亦都好够热，上菜个姐姐仲提我小朋友小心啲唔好贴到啲碟边辣亲，服务唔错。讲返啲野食先，西冷扒都几足秤，薯菜唔系一般薯条，真系一只焗薯仔，菜份量都唔少，牛扒唔韧，味道唔错😋😋呀囡个知味西多士一上台有啲吓亲，因为个西多真系好厚好大份，仲好大块牛油😱😱一条友真系未必食得哂，所以我试左少少，新鲜炸起系热辣辣，脆卜卜都几好味，我地比较食得甜，所以要再问楼面个姐姐攞多啲糖浆，好彩个姐姐冇托手争😆😆最後一个浓汤素翅鸡，朋友就话鸡都算滑，汤味好浓，又够热，系唔错嘅。同朋友都觉得整体表现唔错，价钱合理，下次有机会可以再试埋其他野。
继续阅读
话说上星期五系附近行街,行到有d攰就同班friend入去食嗰tea叫jor嗰菠萝油同杯红豆冰念住尖沙咀呢d平平地价钱嘅茶餐厅都mm会好得边👀点g又ok wo件饱大大件又够热杯红豆冰都mm错😋性价比几高对得住嗰价钱ks d 员工dou几nice ah 又mo好似其他楼主讲得gum差😵(at least 同我落单嗰姐姐几有礼貌)如果想系尖沙咀平平地食嗰下午餐又mm伏geh我觉得几推介
继续阅读
原本附近装修最新的茶餐厅，点知食早餐时竟然见到水吧员工可以一边食烟一边冲茶。依家疫情而且室内不可能吸烟但佢习以为常咁做。我相信系常常发生。以後黑名单永不再去，尖沙咀仲有好多食肆。
继续阅读
话说身上冇散子, 想买个9蚊菠萝包。 见佢入面有八达通走入去嘟卡, 但收银嗰个叫我出去俾现金, 我话我冇散纸要俾八达通, 佢就口UP UP咁唔知佢讲乜就嘟咗我10蚊 ..... 我问"唔系9蚊咩?" 佢就话头先讲咗八达通要加1蚊!!! 仲话" 唔信你问侧面呀姐做证...." 关键系佢D态度!! 当然无谓同佢争议, 但想讲自从消费卷後, 好多商户都 "自行加大" 电子支付手续费, 大家要留意!!!!
继续阅读
咁嘅，我之前食过午餐觉得不错，今日同呀妈经过想食下午茶，坐低叫咗2个餐，呀姐放低咗餐具，咁啱有位地中海男楼面经过，我就问：唔该可唔可以比2杯水吖~男楼面冇比反应，净系望咗一望我，冇话唔得或者唔可以。我expect佢转头会斟比我，或者叫呀姐拎比我。过咗一阵，野食嚟晒，佢仲行黎行去，冇话特别忙，但好似完全冇件事咁，只系间中有望吓我果张枱，一副「死靓妹，我堂堂大男人，做咩要斟水比你」咁嘅样，完全无视同睇唔起人。後面枱刚嚟咗2位女士，衣着光鲜，听住佢落完单，竟然主动斟左两杯水比佢哋，2位女士冇要求，佢仲望到我望住佢，我完全唔明果位男楼面点解要咁嘅态度，我只知道佢唔会斟水比我，我亦无谓去问佢。其实我冇谂咁多，我亦好有礼貌咁问，亦唔知原来佢自尊咁重，我又冇歧视佢，更加唔识佢🥴可能系我误会咗，但系佢主动斟水比後面2位美女呢个动作令我觉得佢唔单止唔尊重人，仲好「无聊」。最後，客观而言，西多士同奶油猪餐都唔错，完全系地中海男楼面嘅态度问题。
继续阅读