九龍燒鵝

营业中

休息中

呢一日，中午飯，沿路行，順序選，見此店，有空位，入去坐，揭餐牌，望兩望，瞄一瞄，炒泡麵，我至愛，乜配搭，唔在乎，肥牛肉，無所謂，一於點，配熱飲，要奶茶，送例湯。水茶湯，三杯套，先後到，麵殿後。唐排湯，排骨無，鴨下巴，青蘿蔔，大贈送，味尚可，不苛求；熱奶茶，色香味，尚可以，比隔離，恆香店，好太多。炒泡麵，辣椒醬，神仙配，缺少一，絕不可。麵一嚟，弊傢伙，肥牛肉，炒過火，黑鼆鼆，唔好食，麵雖乾，但可惜，味偏淡，唔夠色，望周圍，點啲乜，個個點，燒味噃，再望望，燒味房，豉油雞，掛上方，顏色靚，發金光，真後悔，唔點佢，呢一餐，確衰咗，望下次，再嚟過，鬼叫自己揀錯咗！

工作天，又是在石門小區發掘食店既時候了。這次發掘的，是一間燒臘店。這一個舖位，前身也是一間人氣既燒鵝店。結業後不久，此店來了一個小翻新。翻新後，開的，竟然也是一間燒臘店，燒鵝店。冠名為《九龍燒鵝》的食店，說是以做燒鵝為主打。也似乎是舊店換了一個名再戰江湖的食店。那我就來試試看，試下好唔好食啦。一入來，就感覺到有少少的親切。因為其經營的手法基本上是雷同。除了餐廳依然以燒鵝為主打之外，午餐包一個例湯更是令所有打工仔感親切的東西。兩次來，都有碗用肉頭肉尾煲成的老火靚湯，非常之開心。第一日來，我要了招牌的叉鵝飯。鵝肉，是很有水準的，不然，店方也不敢把這一個 "鵝" 掛在店名上。不過，叉燒的肉質，感覺就硬了少少。亦少了可愛的半肥瘦肉。整個叉鵝飯是美的，但綜合了一切，其實有不足。再來的一次，我要了一份燒肉油雞飯。燒肉皮算是脆，而且是卜卜脆的那一種。但，真的靚的皮應該是酥脆的，此燒腩仔就久奉了。幸是油雞件夠香夠滑，拉高了分數。比上手店好的，就是新店的午市套餐包奶茶。濃濃香香的一杯港式奶茶，OK 好飲架。這餐廳，算是 OK 的。味道好，份量也好，除燒鵝外，其他東西就感覺一般般了。不過，夠大份，又有個好

之前約咗女同事PM今日（17-1-2025 Fri）食晏，但佢又好2似上次咁，突然好忙已甩底，咁我今次就搵男同事PH同女同事SL一齊出去食，我提議我食過嘅呢間（上次食評係2024年11月23日刊登嘅呢篇: https://www.openrice.com/zh/hongkong/review/餸多飯少-e5787521），因為叉燒好食。咁佢哋都肯，就走嚟啦，我哋嚟到有一組客等𡁵，不過好快都有位。我就要$60.00嘅燒肉燒鵝飯，飲熱奶茶，PH要$60.00嘅叉鵝飯，飲熱檸茶，SL要$54.00嘅叉雞飯走翼少飯，飯齋啡。首先捧上3碗例湯，係青紅蘿蔔粟米湯，味道清清地唔太鹹，我覺得OK。3碗飯都陸續到嚟，PH嘅燒鵝俾咗髀，叉燒嘅樣好靚；SL嘅雞俾咗胸佢，但叉燒嘅樣唔靚，白雪雪；我嘅燒肉有啲肥位，燒鵝俾咗胸位我。開動喇，PH同SL都話叉燒好食，燒鵝好食過世一。我嘅燒肉都正常唔鹹，燒鵝皮脆但皮會甩開，都OK嘅。不過，呢啲真係燒鵝？我杯熱奶茶？唔落糖都唔澀，口感滑。而我一路食一路嗅到煙味，SL話係杯齋啡，竟然？而佢話杯嘢酸。環境：雖然唔係坐靠牆嘅位，但枱都好闊落舒適。服務：呢張枱冇糖喺喥，店員係咪

原本約咗女同事PM噚日（22-11-2024 Fri）食晏，但佢臨時有事忙，食唔到飯，咁我自己一個人食啦。食咩好呢？盔匠嘅燒餅？我驚細件唔飽，一碗肉燥？唔食住，試吓新開呢間嘅叉燒。嚟到後，我就要個叉雞飯拎走同走餐具，盛惠$56.00，等咗一陣就有喇，但多咗碗嘢嘅？返到公司打開睇，原來係碗湯，而佢哋依然俾咗餐具。開餐喇，先飲啖湯，係青紅蘿蔔湯，飲得出青蘿蔔偏多，味道清清地，OK嘅。3分而叉雞飯呢？叉燒係瘦叉燒，食落鬆軟唔柴皮，有適當嘅蜜味，有驚喜。而雞件呢？應該係雞胸位，呢個好啲蒸過龍，有啲柴。飯嘅份量唔多，豉油同蔥蓉都正常冇問題。叉燒：5分 雞：2分抵食係2.5分

燒鵝叉燒雙拼飯燒鵝就好正常,但啲叉燒真係搞不lun掂$60畀啲咁嘅叉燒畀我,仲要全部叉燒都係乾真真,同瘦肉差唔多,求其去茶記酒樓嘅叉燒都唔會有咁嘅質素,完全唔值$60