影片
以上资料只供参考，请与餐厅确认详情
食家推介
之前不时见到舖头入面好多人，我又都无特别排队，所以一路都无食过。今次又过湾仔整头发，咁啱今次见到有位，就入去试下。面底好弹牙，呢个质感好好。外卖就一定食唔到。因为浸汤浸得耐就会开始发胀，面条点都会腍咗D，咁就无咁好架啦。广东面落鸭蛋就系为咗有弹牙嘅质感，唔即刻食浸住汤，面条就无咗烟韧爽口嘅，几好嘅面都系浪费咗。牛腩份量颇多，唔会太瘦，炆到好入味。汤底唔系清汤腩𠮶款，成碗面整体都几ok。 $30几蚊一碗以港岛区计都算系好抵，够唔够饱就见人见智啦
继续阅读
点咗鸳鸯墨丸墨汁面。墨汁墨鱼丸味道都浓郁，食完又无成口变黑㖞。传统白色墨鱼丸望落就无乜特别咁，但系食落就非常好味，好弹牙有咬口，墨鱼味都足够，相对墨汁墨鱼丸，我更加欢喜传统白色嘅味道。墨汁鱼面都比较特别，颜色望落去就真系黑蚊蚊嘅，同墨汁墨鱼丸颜色一样。同墨汁意大利粉有异曲同工嘅感觉，当然食入口系有分别。墨汁意大利粉本身质感更加烟韧，部份餐厅甚至会煮到8-9分熟，保持少少唔透心嘅口感。墨汁鱼面比普通面较粗，入口软软滑滑，保持鱼面嘅texture。
继续阅读
湾仔返工，一个礼拜至少有一日都会嚟呢度食。因为系湾仔区物价嚟讲呢间就真系价钱都几抵食架。我经常会点两款粉面，一个就系卷出好味，另一个就系九龙城寨四宝。卷出好味包括三款：有鱼肉卷，墨鱼卷和墨鱼虾卷。炸得皮薄，唔会油腻，外面香脆内里松软，肉质嘅清甜随著咀嚼就越明显。 九龙城寨四宝就有四款丸类，一样一粒，减少重复嘅饱滞感，分量啱啱好。我钟意佢呢度汤底呢唔会好重口味，味道清甜。再加上佢啲丸口感弹牙，米线都煮得啱啱好，唔会太硬又唔会太淋。以茶记嚟讲，食物都真系唔错。
继续阅读
早几日系呢附近见工，由于离下一场面试仲有啲时间，所以就系呢附近医左肚先啦由于依个钟数系lunch hour，周围都好多人咁啱就见到呢间九龙城寨墨鱼丸专家横掂都好耐无食过鱼蛋粉，同埋入面都仲有位置可以容纳我，一于就入去坐低啦餐厅都几多唔同既配搭可以拣除左佢地招牌墨鱼丸之外，仲有墨鱼卷、虾卷、鱼面等等不过今日个胃口想食河粉，所以无缘试鱼面啦望左餐牌一阵就决定拣紫菜城寨四宝呢个四宝包括有墨鱼丸王、墨汁墨丸、鱼蛋同牛丸，价钱都唔贵，都系$42啱哂心思思乜都想食既我墨鱼丸王果然无俾错名够哂弹牙，入面仲有好多墨鱼粒粒，真系有少少喜出望外墨汁墨丸虽然无呢个墨鱼丸王咁劲，但都唔错鱼蛋都好弹牙，唔会食到成口粉咁牛丸就不过不失，尚算合格啦
继续阅读
朋友推介这间面店，外店不看好，服务态度不佳，见有些客人重覆两次才点到餐春卷出名啊，好啦，试下点好食法三款卷：墨鱼卷，墨鱼虾卷，鱼肉卷米线滑溜溜这个不是套餐，要另加8元冻柠茶
继续阅读