九龍城冰室 (已結業)

冰室這種既懷舊又可愛的地方已經愈見愈少了，要不就是只有裝潢，供時下年輕人用作打卡之用，鑊氣這回事變得罕有。前一陣子來到位於九龍城的「九龍城冰室」，地方細細，但煮食時的味道香得叫人垂涎。先來一碟「霸王香辣炒飯」，香得很，入口炒飯粒粒分明，也不覺油膩。更厲害的是，當飯粒去到喉嚨左右位置，開始有點辣辣的感覺，而且是愈食愈辣，辣得好過癮。「蜜椒薯仔雞翼」整道菜讓我興奮不已。先是雞翼炸得外脆內嫩滑，而且味道甜甜的，讓我一吃愛上。更重要的是它的伴菜薯仔，超級香脆，而且加點點雞翼的香味，更叫人喜歡。真想來一道淨薯仔，好吃得想無限Encore。冰室是買少見少，食物好味的冰室更是難能可貴，九龍城冰室絕對是值得一試的。…查看更多

九龍城開冰室 仲要懷舊，當然係用返九龍城自己做主題啦當年啟德機場仲用緊，赤鱲角都未起 大家抬高頭就可以好似掂到架飛機咁 每幾分鐘已經可以見到/聽到飛機係附近飛過 世界其他地方應該都好少見 飛機同我地住既地方咁近 呢家香港應該無咩機會再見到呢一幕 得返紀錄片同牆上既相見證住香港 香港萬家燈火、獅子山下既年代 仲有當年十幾座、二十幾座未拆 重建成東頭邨，一張張歷史 枱面特登用左鐵皮信箱放餐板 牆身磁磚用返舊時裝修個隻款式 裝修都好有心 咁當然講咁耐 最緊要野食好唔好食啦 一大班人去食 緊係食個雞煲同烤魚要左份城寨風味麻辣雞煲先 一上雞煲一開始係綠色一片 (哈哈) 好多芫茜...... 所以等同行既人解決左堆芫茜先開餐 除左雞，仲有生洋蔥圈 <3<3 洋蔥圈最好後少少時間先食 等佢吸下D 汁同熟少少先 麻辣汁幾惹味，可能因為要左微辣 所以最後食洋蔥圈個陣個汁都未收到好辣 雞算幾有味，又唔係好多肥膏 但個重慶麻辣烤魚無叫微辣就見識到佢個辣 lol 同雞煲一樣，一上枱都係重芫茜 今次除左芫茜，仲有豆卜、金菇、蓮藕 原先其實仲想加寬薯粉 不過個魚食到中後期，個汁開始收辣 個陣真係辣，辣到好興奮 好彩一開始都叫左個九龍城紅黑白冰 可以解解辣 因為紅黑白冰就係紅豆冰加左涼粉呢條烤魚係唔錯，老闆話用左泰國既沙巴魚 魚身比平時我地食既草魚結實 又唔會咁多骨，加上煎香左先再放落黎烤…查看更多

香港這個地方，應該病了很久。就看像六月飛霜的環境，人和人之間其實十分脆弱。和而不同，講就容易，做就好難，這個道理我一路都知，只不過係近排的政治事件上才可以見到原來社會嘅撕裂係可以咁犀利。100嘅人包容100種諗法，以前嘅香港可能都得，而家的確，比50年不變，變得還要快，大概所有人也忘了自己的香港特質也忘了香港這個城市的特別和多變性。就好似約人食飯一樣，又要就呢個人時間，又要就嗰個人時間，然後大家選擇食什麼，吃乜嘢都有意見，最後結果飯局都取消埋你試過未？我見過多的是。因為政治的拗撬就係Facebook係unfriend，我看到的是痛心，原來人與人之間真係咁脆弱。當我之前晚見到陳欣健同岺建勳食飯的post， 兩個各有自己政見嘅人，係呢個咁混亂嘅環境依然可以坐低一齊食飯，乜都傾，冇翻枱，友誼永固，才是氣量和尊重的表現。我也想世界係咁樣，特別當我約人去這間九龍城冰室食飯的時候，我更發覺接納別人意見的重要性。當我發現這間餐廳的時候，係一位大哥J先生告訴我，佢大讚三樣嘢好食，雞煲，烤魚和炒飯。老實講有三樣嘢好食，同一兩位朋友又點去呢，食唔哂，又要分兩次搞掂，好煩。於是我試吓約朋友，結果換來嘅係像香港很多人一樣，沉默。你一句食，一句唔食，就算，唔答係乜嘢意思呢。結果我約人食飯，第一次約到嬲。我甚至Offer人，請佢食，結果都係冇影。幸好最後我都約到一班好朋友，一齊是可以食晒咁多款。民主的叫朋友選擇去唔去，獨裁地選擇餐廳，有時唔係咁易做到。這裏的烤魚可以說係我香港吃過最好吃的頭三甲，那種辣度非常強勁，緊得，你愛辣一定要試，佢用上越南嘅魚，魚肉嫩滑又啖啖肉。加上寬粉襯上個辣，認真好味，如果吃得辣。吃菜都咁一流。有同樣非常吸味的炸枝竹，又係好適合個辣湯。另外烤魚裡的鮮腐竹，芽菜等等都是令人吃完會回味的。城寨風味麻辣雞煲加上大量芫茜，好此道必喜歡，雞件肉質滑而軟，冇個烤魚咁辣，但更為惹味，大中小辣任你揀，而且更有很多不同的菜式可以俾你打邊爐，個人覺得最夾係午餐肉。魚皮餃也是這裏的皇牌，可惜今晚已賣完。霸王香辣炒飯，店方宣傳用上一試難忘為題，咁有信心，應該唔會太差，以燒肉，燒腩，蛋，菜來炒，配上絲絲辣味，你想像唔到那感覺會係咁好，至少，成碟飯上枱，本身個個話唔食，最後仲快過食完個雞煲。蝦多士，基本功，以食物來說不算太驚喜，但一間茶餐廳可以和一些中餐廳質素一樣，也是難能可貴。最後飲杯紅豆冰，典型的茶餐廳飲品，當然做得好，飲完涼快心甜。為了去這間餐廳，才知請人食飯係咁難嘅事，或者難度就如將社會兩個派別要坐底一樣，應該呢世都無可能。就如蔡英文剛剛說，民主和獨裁永遠冇辦法喺埋一齊。九龍城冰室  九龍城衙前圍道34號地下…查看更多

懷舊風下催生了不少「冰室」，這家除了以舊作為特色之外，其實「辣」正是它的一大賣點，收到風的辣友便要來一個即興飯聚，老婆當然躍躍欲吃，我嘛，當然樂於奉陪啦～易拉架的特色美食及優惠套餐鐵皮信箱、懷舊照，粵語片風格的吊燈及磚牆，充滿老舊的氛圍。自強不息正是獅子山精神，再加上靈活變通的頭腦，成就了一個小島的傳奇！經歷了種種衝擊；更感身為香港人的可貴！熱熱天除卻凍飮還是凍飲吧！三款分別是洛神花茶、羅漢果茶及菊花露，看起來滿健康的，跟餐$8/杯；單購$20/杯。洛神花茶～帶微酸，解暑、降火。羅漢果茶～性味甘涼，甜度適中，有止咳潤肺、清熱祛濕之功效。 啫啫生菜煲～熱騰騰的煲身盛著翠綠的生菜，香味四溢，夠惹味。蜜椒薯仔雞翼～皮脆肉滑，蜜味較椒味明顯，黑椒Fans應覺稍嫌不足，「配角」薯仔蜜香粉軟，一口咬下是先脆後軟，成為被爭奪的目標！老闆，這個可有單點？例湯(金銀菜甘筍煲豬骨)～推介這兒的例湯，清甜順喉，餐後也不感喉乾；很有住家風味。重慶麻辣烤魚(原價$238，試食價$188)～老闆說這是來自泰國的巴沙魚，肉嫩而沒土腥味，沒什麼細骨，自然吃得更爽！豆卜及金菇是索汁之物，浸淫了一段時間後辣度越趨強勁，老婆及友人吃得不亦樂乎，我呢就負責在旁乾瞪眼罷！霸王香辣炒飯～$68炸燒肉菜粒遇上自家製辣醬，炮製出乾身惹味的炒飯，辣友必不可錯過！還有很多特色菜待嚐，嗜辣的朋友又多一個選擇了。九龍城冰室地址: 九龍城衙前圍道34號地下電話: 26639922…查看更多

摘去鮮花，然後種出大廈，層層疊的進化，摩天都市大放煙花。家中附近的樓宇都變成了每呎三萬蚊的高樓大廈，從前的小店小炒小型大排檔家庭模式的排骨麵，都演變成為了連鎖式西餐廳日餐廳，西班牙菜等等等等這天和朋友去到九龍城，恰巧看見這家冰室有我最喜歡的小炒王售賣。我二話不說就走進去點了一個真的這個雖然沒有我從前吃的那種家庭溫暖感覺，但質素已經很不錯，從前吃的會配有很大很鮮甜的蝦乾，現在都轉成了炸魚仔。還有鮮魷等等豐富配料，要下一碗飯10分容易。份量很足，價格相宜。我還是比較喜歡蝦乾但是能夠炒到這樣質素的小炒王已經不易。配上一杯懷舊的薏米水。一個簡單可愛的晚餐，實也得來不易。…查看更多

因朋友介紹，早前特地前往試一試食物種類蠻多的，晚上更有麻辣烤魚，雞煲等等裝修非常有特色，風味懷舊難得一班朋友來，當然要試一試重慶麻辣烤魚裡面更有不少芽菜，蓮藕，支竹等配料老闆所說當晚用上泰國的巴沙魚，魚肉新鮮，吃起來啖啖肉烤魚魚皮很香，越煮越辣，吃得非常開心餐廳推薦的霸王香辣炒飯用上店家自家制的辣醬再上上燒肉跟菜粒炒成炒飯炒得乾身且粒粒分明，又香又辣，看似簡單但絕對一試難忘蜜椒薯仔雞翼薯仔炸得外脆內軟更用蜜糖包裹更意外成為當晚主角城寨風味麻辣雞煲 面上大量芫茜，深得朋友歡心雞件肉質嫩滑雞味也相當濃，而且很入味，帶點微辣很惹味最愛原粒大乾蔥頭黑白冰/紅白冰黑白冰就是薏米跟涼粉紅白冰就是紅豆跟薏米夏天來一杯，絕對透心涼 九龍城衙前圍道34號地下…查看更多

經常到九龍城都是吃泰國菜，但每次落車都會經過九龍城冰室，裝修看似有點懷舊，所以一直對這間冰室都非常好奇，最近終於扚起心肝去吃。一進大門已經看見「獅子山下」四個大字，相當有親切感，座位也夠寛敞，坐得很舒服。餐牌放在一個鐵製的方形信箱內，冰室的裝修很有老香港的味道，來打卡影相也不錯。環境就不錯了，但食物水準又如何呢?叫了一個賣相吸引的咖哩牛腩磚，看見多得滿瀉的咖哩汁真的是相當興奮，因為我超愛吃咖哩汁! 大大件的牛腩彈牙，不老又不韌，再配合吸收了濃郁咖哩汁的麵包一起吃，既好吃，又夠飽肚，還加了洋蔥及青椒等配菜就更香口了。可惜太興奮竟忘了影相!吃了濃味的東西，是時候叫一杯飲品解解渴。來冰室當然要叫冰，菠蘿冰、紅豆冰也太普通了，九龍城紅黑白冰的名字夠吸引，就叫一杯試下，原來是紅色的紅豆和白色的薏米，還有黑色的涼粉所組成的飲品，味道清甜，紅豆又夠大粒，還有味道甘甜的薏米，不錯!…查看更多

一班舊同學幾年没見，就相約在九龍城聚聚舊，原本以為會吃泰國菜，誰不知原來是去九龍城冰室吃雞煲，吓?冰室都有雞煲吃?沒錯! 就是有得吃! 坐下不久就二話不說先order了一隻城寨風味麻辣雞煲，因為有朋友不能吃太辣，所以就要了小辣。熱辣辣的雞煲味道不會太鹹太油，雞件肉質鮮嫩彈牙，入味得來又帶點微辣，佐飯吃一流，而且還跟送一碟生菜。另外又可以加配其他丸類、豆卜、炸魚皮等等。另外還order了其他小菜，洋蔥牛仔骨、生炒骨、霸王香辣炒飯等等，每款都很夠鑊氣，而且全部都很大碟!除了雞煲和小菜，不得不提這裡的飲品，最特別都是薏米系列的飲品，除了薏米冰，還有加了紅豆和涼粉等配料的獅子山下紅白冰和九龍城紅黑白冰等，其他地方都很少見到。…查看更多

見客關係上星期去左九龍城自己一個快lunch .九龍城出名多火鍋店泰國菜不過呢啲呢多數都要好多人先一齊食到，最鍾意就係食清真牛肉餅，但係天時暑熱行過去實在太遠啦。剛好見到呢間好似新開嘅冰室入邊都幾多人，根據香港人嘅搵食智慧越多人應該越好食。既然都係一個快餐嗱嗱聲啦！見到呢度有焗豬扒飯，有少少懷念以前返工經常同一位同事一齊去食某連鎖快餐店嘅焗豬扒飯。可惜嘅係該連鎖快餐店質素每況愈下數數下都有三四年冇去食啦！既然今日咁有衝勁就叫翻個希望唔好差啦！等咗大概10分鐘都唔算好耐。上枱呢個焗豬扒飯有驚喜喎。焗出嚟好香，茄汁唔係Hea 做，有茄咖！仲有好多茄添。飯底乾身，炒蛋底有85分。最驚喜係豬扒厚切，有肉地！食落唔硬，而且分量足。好過好多餐廳喎！雖然話自己要減肥，但係面對呢個高質嘅焗豬扒飯我都差唔多食咗八成啊。叫個野飲先，飲品款式都多喎叫過涼粉冰啊原來裏面有薏米都好呀清熱順便排水。總括嚟講呢茶餐廳冰室來講今日食呢兩樣野質素真係幾好。而且呢度裝修都唔錯呀！…查看更多

話說小妹咁啱要去九龍城一趟，咁就去左好近巴士站既九龍城冰室嘆個下午茶。我係特登等2:30先入去食架，就係為左食個奶油豬仔包，果然無失望。個包黎到係熱辣辣，重要好脆！牛油加練奶，正呀另外飲品就試左特飲三色冰。夏熱炎炎有杯紅豆冰飲下係幾爽，最正係入面有埋薏米同涼粉消下暑。雖然三色冰度度都有，不過哩杯落料方面就好用心，飲完成個人gur曬。另外仲叫左個厚多士，熱辣辣都幾正，落番啲糖漿再撈埋一大片牛油一齊食，多士入面有花生醬，夠曬邪惡，咬落味道好濃。同埋都幾大份架。…查看更多

早上途徑九龍城，見到這間九龍城冰室好像不錯，就入去食個靚早。落單叫了早餐set, 榨菜肉絲米，腸仔蛋方包，凍齋啡。榨菜肉絲很硬，味道都怪怪，好像放了很耐似的，腸仔蛋方包和凍齋啡不過不失。只可以說是極普通的早餐。…查看更多

因為朋友介紹，特地前往光顧的這間「九龍城冰室」，售賣的食品款式與大部分其他冰室、茶餐廳沒有太大的分別，不過幾道店中推介的辣菜，就的確水準不錯，令人回味。先是最受我與其他嗜辣朋友歡迎的「重慶麻辣烤魚」（原價$238，試食價$188），據冰室老闆所言，用的是來自泰國的巴沙魚，大大的一條，甚有肉地。雖然我們點的只是正常辣度，沒有加辣，原來辣勁已經不弱，特別是那些索味力強勁的豆卜、金菇等物，更是這烤魚的最佳隊友，再加上雲耳、芫荽等物，讓我與其他嗜辣之友吃得不亦樂乎。相比起烤魚，「城寨風味麻辣雞煲」（$188/隻）雖同樣有麻辣的成份，但因為我們叫的是微辣，所以雖然吃到最後，辣勁還是愈來愈強，還是較能讓人接受，就連比我還更吃不得辣的友人，也可以淺嚐。這麻辣雞煲的雞固然是主角，但大大粒的乾蔥同樣大受歡迎呢！這晚吃的辣菜還有冰室推介，推許為一試難忘的「霸王香辣炒飯」（$68） 。這炒飯的賣點是它以多款不同品種辣椒製成的辣醬炒製而成，炒得既香且辣，加上飯粒乾身不油，配以燒雞肉與菜粒，是一道別有特色，惹味開胃的炒飯。當然，我與一眾朋友們吃的不止這些辣菜，也有其他菜式。「蜜椒薯仔雞翼」的主角本來應是雞翼，但雞翼的鋒頭全被外脆內軟的薯仔蓋過，可真令人意想不到。「洋蔥牛仔骨」味道濃甜，其實都幾好味，不過如果能夠減少一點甜，加多一點鹹，應該會更加好。「啫啫生菜煲」熱力四射，惹味極了，不過份量略少，就有點美中不足。值得一提的還有例湯，雖然只是簡單的「金銀菜甘筍煲豬骨」，但湯中完全沒下味精，真材實料，湯味自然，雖不太濃，但潤喉舒服。這間陳設佈置頗有懷舊風情，牆上掛有不少昔日九龍城舊啟德機場一帶老照片的「九龍城冰室」，食物水準不錯呢！…查看更多

星期五的晚上，一股假期的氣息，當然不想煮飯，出街食飯當然是最好的選擇，不過有時出街食搵餐廳都真係一件幾麻煩嘅事。屋企都係喜歡煮飯為主，不過近來太熱，太太又要開會，那麼一於出街和女兒出街食就算數。有個游水的朋友說在我想去的九龍城有間茶餐廳非常好食，吃過一餐下午茶，竟然都可以讚不絕口，此茶記裝修有六十年代懐舊式。那麼一於去試一試，本身諗住去炒嘢食，食個星洲炒米乾炒牛河就算數，但原來這裏的食品選擇非常多。竟然有我最愛的雞煲和烤魚，唔講我以為自己去咗嗰啲大陸餐廳度食。原來阿女都聽過呢間野好食，佢話一定要食烤魚煲。食左先知好正，條魚約略走油兼有好多芽菜，蓮藕，支竹等配菜，大大條魚，魚肉鮮甜，我問伙記原來叫巴沙魚，衹不過選了中辣，但真係辣到飛起。另外雞煲好得，雞滑又冇咁辣，如果老婆食一定喜歡，我立刻要加個白飯送。最後叫了杯紅豆冰飲，就簡單滿足。食咗兩件咁大份嘅煲都係大約百幾一個人，係九龍城來說平靚正，特別是我做完運動到來吃，特別開胃。…查看更多

今日同朋友約咗去九龍城果間藥材鋪裝修嘅咖啡室打卡，飲完咖啡特別快肚餓，行行下見到間九龍城冰室就入去食個下午茶。係門口見到有好多老闆同明星嘅合照，睇黎間嘢好似都幾有名堂下。入面裝修都幾懷舊下，墻身有雜誌寫嘅報道。睇個MENU都幾多野食下，仲有蝦多士，西多士就食得多啦，蝦多士又真係無食過。上到黎都幾大份，外表炸到酥脆，中間夾了滿滿的蝦膠，配上千島醬，真係幾好食架。同埋薑汁奶茶都幾好飲下架，奶味濃郁，有茶香，仲有姜嘅辛香味。環境舒適，上菜都幾快，兩個人都比我地坐卡位，坐得好舒服。去九龍城唔一定只可以食泰國菜，都可以去下這間懷舊冰室歎一個舒適嘅下午茶。…查看更多

芫茜雞煲有冇人同我一樣都好鍾意食芫茜？佢營養價值高而且帶有獨特香味又好食我好鍾意食粉麵加大量芫茜，但每次話要加人哋都帶着奇怪目光。依度嘅雞煲，啲芫茜好似唔駛錢。嘩！勁香啊！講返煮個雞煲先，雞煲夠香，香港都冇乜新鮮雞，但呢個雞煲勝止夠惹味。用上幾種唔同嘅鮮辣椒乾辣椒製作而成。仲有大蒜乾蔥片薑等等分量十足。絕對唔係將貨就價。辣度可以調校不過雞煲梗係要有啲辣啦！最鍾意佢用瓦煲上，好多餐廳都係用普通嘅火鍋煲冇咁惹未㗎！仲有明火邊煮邊食。千祈唔好加水啊加咗水就冇咁原汁原味囉！雞煲份量有得調校，有得揀半隻定係一隻，兩個人嘅話半隻啱啱好千祈唔好貪！親埋白飯特別開胃。$108 / $188 okay 勝在鑊氣重！正！…查看更多