影片
港铁观塘站 A1 出口, 步行约7分钟
继续阅读
开饭介绍
位于观塘一市政大厦，交通方便，主打火锅、鸡煲及粤式小菜，𩠌菜香口惹味，适合和亲朋好友聚餐。
继续阅读
附加资料
只收现金
营业时间
星期一至日
17:00 - 23:00
公众假期
17:00 - 23:00
公众假期前夕
17:00 - 23:00
以上资料只供参考，请与餐厅确认详情
【观塘区】【九鼎百味】踏入 2022 年，祝大家新年快乐！几年前仲有好多旅游大计、义工服务大计会喺呢几年发生，但系全部泡汤。但系我相信路系人行出嚟嘅，我改变我自己，做吓啲唔识、冇做过嘅嘢，甚至系自己以前好憎人做嘅嘢，就系开始做 foodie 喇。唔想喺度讲太多感言，我呢度系 16/5/2020 开嘅，有咩感受都留返到时有机会先再讲，半年讲一次大嘅感受好似密得滞。再加上，实情我就已经日日喺度讲紧我心中所想，讲其他感觉远远多过味觉，所以只要有跟开我啲 post 的话，都明架喇。适逢又系朋友约食饭，就系同我一齐食粉岭贤河垃圾放题或者叫粉岭垃圾贤河放题嘅𠮶位朋友。今次佢话佢识人，所以绝对有质素保证，咁我当然出现啦，话晒𠮶时都仲未同佢做冬。约到去观塘，仲要上瑞和街街市个熟食中心，我第一次嚟咋。喺四楼揾咗阵先见到呢间，都系街市大牌档咁嘅款，见佢有胶帘围住，夏天嘅时候应该系有冷气叹嘅。呢位朋友系一个比较急嘅人，佢一早已经上咗去，仲食紧小食，系「炒花生」，我后尾都有试，都几好味。坐低咗就叫嘢食，等上菜喇。首先出场嘅系「眼泪鱿鱼」，不过舖头𠮶边话畀我哋试吓，所以唔知如果系 $58 买𠮶碟系咪都系咁嘅款，大家唔好用个相片嚟做标准。不过味道上，呢味𩠌真系超级惹味，啲 wasabi 劲攻鼻，我朋友流晒眼泪，我就勉强顶到冇事，正。之后系「滋味四季豆」，我其实唔多好四季豆，所以都系店家𠮶边拎少少出嚟畀我哋试。都系冷盘嚟，有啲蒜头、辣椒粒喺度，极惹味，令到本身唔多食四季豆嘅我都一条接一条咁食。不过同上段一样，呢碟未必就系卖紧 $38 𠮶碟，敬请留意。好喇，讲完啲试食嘅嘢，都要确切咁叫啲嘢食吖。店家推介「油盐水花甲」，$78 一碟，就叫碟嚟玩吓啰。一上菜已经觉得佢热辣辣，望落只只都肥美又厚肉，唔会得啲壳，系只只都系咁！食落鲜甜嫩滑，平时唔多食花甲嘅我都狂抢，非常好食！之后就食返个「秘制羊腩煲」，今年未食过羊腩煲，就喺呢度食一个啦，反正又唔系鸡煲、唔系火锅。$328 嘅价钱唔算平，不过畀得起就唔使等试食啦。个煲都几够羊肉，而且啲马蹄同埋枝竹都入晒味，所以呢个都算系一个几唔错嘅羊腩煲㖞。两条友食唔得多，所以叫多个「椒盐鲜鱿」就算喇，$88 嘅价钱。我觉得呢碟就冇之前𠮶啲咁惊喜，不过都系外脆内爽嘅质素之作。啲脆浆同鱿鱼片算系几完美结合，加埋啲椒盐，用嚟送啤酒就真系相当一流，不过我哋冇饮酒，所以争咁啲。两个人夹埋饮咗四罐「可口可乐」，一罐 $10 都要四十蚊。由于呢餐系朋友请我食饭，我只系八到餐饭大约用咗五百零蚊。个人认为一人二百几都合情合理，我哋冇饮啤酒都系其中一个因素，不过食到呢啲有质素嘅大牌档食物嚟讲就算唔错啦。本身喺呢度就讲完架喇，之但系有一点我都系忍唔住要讲，就系餐牌上面有道菜个名叫「火舞风云」，即刻就谂起 1988 年嘅一套同名电影。𠮶时喺某个节目讲起呢套戏，即刻劲有共鸣，笑死。问返原来呢道菜系火龙果咕噜肉，明白嘅。。。（地址：观塘瑞和街9号瑞和街市政大厦4楼14-15号舖）#1amfoodie #foodie #hkfoodie #thatfoodiething #hkfood #food #1ambackup #1am0536 #foodies #tasty #globaleats #tastyfood #foodpics #followforfollowback #love #eat #1am观塘区 #观塘 #官塘 #九鼎百味 #眼泪鱿鱼 #滋味四季豆 #油盐水花甲 #羊腩煲 #椒盐鲜鱿 #街市熟食中心 #大牌档 #瑞和街街市 #鸡煲 #火舞风云
继续阅读
前几日咁岩黎开观塘，就好想食小菜，最后我地就黎左呢间大排档啦🤣🤣🤣🤣🤣🤣🤣🤣鸡煲半只都大大份，而且有得简辣度，食唔到好辣既朋友都唔洗太担心🥰🥰🥰🥰🥰🥰🥰🥰🥰🥰🥰而且份量都唔细，岩晒同朋友仔share😂😂😂😂😂😂😂😂😂😂仲叫左小炒王，同样大大碟，而且仲有少少炸鱿鱼系上面，好得得意，而且加上炸左既白饭鱼，口感好好😍😍😍😍😍😍😍😍😍😍😍
继续阅读
九鼎百味😘😘😘双重享受烤火锅观塘瑞和街市政大厦、街坊食堂之选、大排挡风味、够晒镬气、欢乐时光、主打鸡煲、火锅、百多种小炒、重点明炉烤鱼！餐前开胃小吃、烤脆花生、重庆四季豆😀😀九鼎小炒王$148.....用心炮制、鱿鱼炸得松脆、弹牙有嚼口、虾干大大只、香脆银鱼条、大大粒脆脆腰果、选取蒜心为重点、一起炒、有大排挡风味、真系够晒镬气！好味yummy yummy 😋 黄金虾球$148........鲜虾沾蛋浆脆炸至金黄、再用咸蛋黄蓉、快炒不停兜、至虾🦐球沾🈵️甘香嘅蛋黄蓉、虾鲜味够清甜、巧手功夫菜、正菜！黄金鸡翼尖都唔错选择😘明炉烤鱼$298.......上碟完全被吸睛、色彩艳丽、时日鲜鱼🐟、先将鲜鱼开边煎香、再加埋秘制嘅汤底🌶️、bb辣、丰富配菜有枝竹、豆卜、西芹、芫茜、娃娃菜、云耳、伴碟、薯粉都好重要、滚住边炉、越滚越入味、鱼滑清甜💯**汽水啤酒供应**#观塘#市政大楼#有镬气#九鼎百味港铁观塘站A1出口、步行约6分钟
继续阅读
朋友介绍黎一间叫九鼎百味嘅食店食鸡煲，一睇地址见系街市嘅熟食市场，哗，好少去呢度食得唔得㗎🤔朋友力推佢好食又抵食，咁一于试下先。上到四楼行到最入面就系九鼎啦，唔讲真系唔留意到，因为全层都系大排档feel嘅食店😂好彩有朋友带路。坐低先送上小食，再睇下餐牌叫咩先，店家话想食就叫，唔系样样都有写落餐牌，只要佢做到就可以点，劲👏🐓重庆鸡煲力推鸡煲就梗系要叫啦，半边鸡$98咋，抵到爆😋卖相似模似样，店家话大火滚十分钟左右，捞混就食得。捞起真系好香，半边鸡份量都好多，鸡件大大件够入味，热辣辣仲好嫩滑，熟透都唔会鞋口👍叫左少辣我觉得啱啱好，微微嘅辣味正好刺激味蕾，啲鸡汁正到要捞饭食。🐟黄金白饭鱼作为咸蛋黄控见到有黄金野叫就梗系要食啦，谂紧要黄金鲜鱿好定白饭鱼好🤔店家推荐白饭鱼，试下先～哗‼️激香！劲多咸鱼蛋！！因为白饭鱼面积较细，所以包到咸蛋黄嘅地方更多，又香又脆无得弹，实在太好食了，点解可以咁正😍朋友话整多两盘佢都食得落。🍚白饭𩠌太正要整返个白饭送下，好满足。🥤忌廉啤酒做紧买二送一，可惜听朝要早起开大会，都系乖乖地饮下汽水啦，樽装汽水特别有feel🤭熟食市场都可以好卫生干净，又发现到一个好地方食野👍
继续阅读
冬天冻冰冰，🥰当然要试下佢哋嘅烤鱼火锅！原炉送上，🔥仲可以一路煮一路食，🐟够晒热辣辣。煎香咗嘅鱼🌶再加埋秘制嘅汤底，上边更加有香葱同埋西芹，滚住边炉，❤入边搭配嘅食材都会越煮越入味。🥢香嫩嘅鱼肉，再加埋丰富嘅配菜，连腐竹，豆卜，😙都可以软腍可口。食完鱼之后，🥰更加可以加倍丰富嘅配料，佢哋嘅肥牛、🥟云吞、牛柏叶等都非常新鲜，🐮特别推荐肥牛！！🥩同朋友一齐嚟食，更加够尽兴。#观塘美食
继续阅读