影片
营业时间
今日营业
07:30 - 00:30
星期一至日
07:30 - 00:30
以上资料只供参考，请与餐厅确认详情
我哋起初俾门口$29粉面宣传牌吸引，但原来只限外卖，睇真啲堂食都有精选套餐，$52包一碗河粉，送油菜同饮品，每天款式不同，星期四系手打牛丸河，份量超多，牛丸爆汁好出色，都算好抵两位同行朋友都话天气热唔想食粉面，一个叫咗饭餐，一个叫咗捞面。鸭腿汤饭喺住家靓汤冇味精，浓郁香甜，鸭腿啖啖肉；麻辣牛筋牛腩捞粗我试咗两啖，个麻辣酱系店家秘制好惹味，牛筋牛腩份量都好多整体嚟讲食物价钱喺铜锣湾算中等，但份量够多，冷气够，服务都算唔错，社交媒体打卡仲有得送紫菜汤/汽水/油菜，可惜OpenRice唔计😂 如果唔系一定叫多碟油菜🤭
继续阅读
铜锣湾骆克道「九运来粉面世家」系咪咁神？试完佢哋嘅镇店四宝直接跪低——牛舌、牛筋、牛肚、牛腩样样高质，汤底仲要甜到入心，街坊私藏名单+1！ 牛四宝米 牛控终极盛宴🐮✨ 牛舌薄切爽嫩唔韧，牛筋 胶质多到黏嘴，牛肚 吸汤脆卜卜，牛腩松化带肉香！四宝卤得入味冇雪味，汤底用牛骨熬足钟数，饮完喉咙唔黐笠，抵俾👏 ▫️ 牛腩牛筋饭 双重暴击饭桶胃🍚 牛腩大件厚身，筋膜位入口即融；牛筋冧到筷子一笃就散～秘制卤汁甜咸平衡，捞饭食到刮干净！ 鱼片河 清甜派必点🌟 鱼片厚切雪白，啖啖肉零骨渣！汤底每日用大地鱼+猪骨滚，奶白色仲飘住鱼香，河粉嗦嗦声吸汤，鲜到舌头打冷震～ ▫️ 冻朱古力 浓郁控尖叫🍫 朱古力浆挂杯壁！入口先苦后甜，奶香顺滑唔浆喉，冰粒少少融反而更香～ 红豆冰复古粒粒心机作💥 红豆煲到外皮完整内里起沙！椰奶甜度轻手，撞碎冰啜落「嗦嗦声」，怀旧感MAX！ 冻奶茶 茶胆赢九成茶记👑 茶香突出带回甘，奶比例啱啱好，入口丝滑冇苦涩，饮完杯底冇冰水沟淡，坚揪！ 一碗靓粉面，胜过九碗颓饭！由汤底到牛件都落足心机，怀旧冰饮仲完美还原老字号风味～铜锣湾食饭谂唔到？冲「九运来」实冇伏😎
继续阅读
位于铜锣湾SOGO附近既粉面店店内环境光猛整洁餐牌上有多款粉面,汤饭,小食等 选择都几多 而且价钱有好实惠同埋每碗份量都几多 鱼片墨丸粗面爽弹鱼片加上弹牙既墨鱼丸搭配鲜甜嘅汤底 加上吸收晒汤底既味道既粗面💯而且佢啲粗面完全冇碱水味冬瓜鸭腿汤饭原只既鸭腿 都好大只 肉质嫩滑又够入味一啲都唔会太靭配上清甜既冬瓜汤 呢款汤饭好啱夏天食够晒消暑👍🏻小食试咗麻辣墨鱼须墨鱼有嚼劲秘制麻辣酱食落麻香兼备够哂惹味钟意食辣嘅就啱晒😋
继续阅读
今次嚟到铜锣湾嘅九运来粉面世家，位于骆克道闹市，细舖环境街坊味十足。小店主打传统港式粉面同小食，行过见到都被浓浓汤底香吸引住，啱晒返工放工想食个窝心快餐嘅你！🍲 招牌牛腩面 牛腩面系店内人气之选！牛腩厚切，炖得腍滑入味，油脂分布平均，一啖咬落啲肉完全唔柴。汤底呈微棕色，牛骨香气浓郁，配上清甜菜心同爽滑幼面，每一啖都倍感满足，完全系经典港式风味。🍛 沙姜手撕鸡米线鸡丝嫩滑，咸香分明。面条保持弹牙，唔会太油腻，伴以生菜底，感觉更清新健康。每条鸡丝都吸满豉油咸香，食落啖啖滋味。🥖 吉列鱼柳+西多士+薯条西多士热辣辣、牛油香扑鼻，一咬松软；吉列鱼柳外脆内嫩，金黄色泽好吸引，无论点酱定净食都好够滋味。配埋薯条，加埋沙律酱，食完半饱之后再加番碗粉面，超满足Combo！
继续阅读
系铜锣湾返工，同事话想食牛杂河，拣咗骆克道嘅呢间试一试！拣左一碗五香牛杂河粉👍🏻份量超足，牛肚、牛肠、牛膀同牛肺，口感各有千秋。牛肚爽滑，牛肠脆口，牛膀粉糯，而牛肺就有独特嘅口感。全部都清洗得好干净冇腥味，调味不错，河粉吸收咗五香牛杂浓汁嘅精华，配上芹菜葱同埋炸蒜，更加提升味道层次，推介👍🏻另外叫咗一碗王牌牛四宝河粉，配料有牛腩、牛筋、牛肚同牛舌。牛腩肉质软嫩，够入味，牛筋就炆得好腍，充满胶质。牛肚滑顺，而牛舌更加系有丰富的肉香👍🏻汤底清爽，配合河粉食唔停口！仲加左一碗鲜虾云吞，虾仁新鲜大大粒，皮薄馅靓。虾仁同肉嘅鲜甜，加上汤底嘅清香，做到完美搭配，绝对系必试。黎粉面店紧系要叫酥炸鱼皮！鱼皮炸到脆卜卜，但系绝对冇油腻感，调味亦啱啱好，咸香适中，必试！整体来讲，呢间粉面店嘅食物质量高，味道绝佳，性价比超高，会再去！🍽️ 九运来粉面世家 (铜锣湾)铜锣湾骆克道513-515号永胜大厦地下A号舖
继续阅读