影片
去完海洋公园水上乐园之后嘅第二日，身心疲倦，所以都book咗一晚海洋公园万豪酒店住，早上起身之后，有啲肚饿，就去咗下一个站黄竹坑站试吓南朗山道熟食市场，点知𠮶日系星期日，早上大部份舖头都冇开，所以我哋就试咗依间，有啲大排档嘅风味🤗简简单单咁样叫咗个餐蛋肠仔面，配冻奶茶，另外仲叫咗个多士添😀我就觉得好地道，初头我都惊距会住得个面太淋，点知煮得刚刚好，真心觉得几好味，多士都好脆身，而且价钱都好实惠， CP值超高！
继续阅读
行山前谂住去熟食市场食啲嘢先下昼3点左右好多都收档拣无可拣下迫于无奈食呢间唔可以称得上有质素对于其他人话好好食就真系不敢苟同泰式炒金边粉 $52 配料都还可以接受最伏系金边粉炒完啲粉竟然可以黏住一旧旧好似一饼又一饼嘢咁讲真见到唔太想食质感软淋淋，好似茶记炒嘅嘢咁味道比较啖，无咩泰式味感觉真系似茶记，只系用嚟食饱肚唔好要求有好味嘅嘢泰式菠萝炒饭 $52 呢个反而较易入口，起码有少少干身但一样茶记出品相似唔可能讲出好味两个字同样只可以讲系为咗饱肚𠮶种质素俾唔出好评，但又废事俾负评，俾个OK算数啦
继续阅读
CircleG 同狐狸仔去南朗山出发前的一顿下午茶餐，狐狸仔话去熟食中心，下午茶时间应该太早，好多舖未开，而呢间九记有开，镬气又几重，人流都多就试距。比想像中正！！地方环境一般，但伙计非常有礼！热奶茶，茶奶味适中香滑，意想中好味满足。香茅猪扒岀前一丁，有阵阵麻油味，配上少少通菜定蕃薯叶咁款既菜，几爽口，猪扒粉嫩滑但够熟既以为28蚊下午茶会细份，但事实系好鬼大块猪扒，外面炸粉脆卜卜仲好有香茅味，肉质弹牙易咬，非常好果！仲有镬气感觉。呢间舖唔可以睇少。
继续阅读
二月下旬．毛毛雨 早上的南朗山道熟食中心地下，一边是协兴加苑记，而另一边就是这里最大的了，占了两个舖位的，见人客也不少，就来喝杯咖啡。 要了件奶油多，但热咖啡就先来。不算很香浓，奶味过重，似乎是这里的另外几间茶档的好一点。奶油多士是夹心的，不像坊间的只一片。厚薄适中，烘得脆口，而奶油及牛油不会乱涂一通，做得不错。 值得一提的就是这里的服务，不要少看只是熟食中心的茶档，但伙记也是招迎做到足，快手又有礼貌，值得一赞。
继续阅读
南朗山道熟食市场地下众多店中, 本人最喜欢它, 因为选择多多虽是早餐, 但全天供应可选火煺/鲍鱼丝/沙爹牛/鲜牛/鱼片/雪菜/炸菜/肉丁/猪肉丸 配 米/河/面/通粉等, 几乎是想得出的都有, 另拼单并三文治/奶油多/奶酱多/各式炒蛋加多士/包 或不要包, 加条肠/餐肉等都可, 熜之你想得出的阿姐都会迎合你, 加冷热饮品都只是$19, 抵!要了个鱼片米 加餐用治加冻奶茶 : 鱼片米够清淡, 正常, 餐肉是圆型大块那种, 约8成的包都被餐肉覆盖了, 但略为薄了点, 冻奶茶不错, 茶和奶的平衡做得刚刚好!
继续阅读
您可能会有兴趣的...