影片
讲起九记，香港仔人都会识，呢排抗疫疲劳，日日系屋企自己煮好闷，要食返啲好嘢平衡下心理，谂住打电话去落单，先知原来佢地因为香港仔熟食中心翻新，搬左去渔光街街市熟食中心1楼，师傅原班人马，小菜仍然保留水准，咁有镬气，好正!
继续阅读
过开嚟呢边玩同几个朋友一齐嚟食大排档。以大排档环境来讲算系咁，卫生程度可以。我哋未够七点就已经坐低，𠮶阵时计埋我哋得两台客。我哋叫咗六个小菜，然后等咗20分钟先上第一个菜，中途见佢系咁出餐原来系做外卖，之后陆陆续续全场坐满，大家都嗌咗嘢食，但系平均都等半个钟头以上先得到一碟，之后就同隔离左右枱你眼望我眼...最后我用咗一个钟头多啲，几经辛苦等到三碟，真系肚饿极了，唔想再等落去，唯有好声好气同啲职员讲话要取消，佢同我出张单嘅时候先同我讲：冇东风螺wor!!!!乜料啊，冇材料唔系问题，问题系个几钟之后都未发现，到我话要埋单走先佢先问吓入边炒咗未，先发现连材料都冇呀！真系等到颈都长埋，最后一行五人去买KFC返屋企食🙈其实佢价钱都唔平，比得呢个价钱会有更好嘅选择，呢间野不可一不可再！可能住附近嘅街坊真系好等得。
继续阅读
吃货老娘好爱食大排挡，以前系街边的风味随住搬上楼或入熟食中心都无哂前排朋友生日去左香港仔九记，老字号但第一次食，有惊喜㖞我们一大台有老有幼，但佢的食物唔会过油过咸，食完唔会想狂饮水服务人员态度很随和，友善，有种在家feel当日食左好多味送但无全影，最爱佢个清汤牛腩煲，啲牛腩望落唔似咁林咁入味但事实却是如此，我们清哂啰，啲萝卜绝对系精髓！识食一定食萝卜🤫🤫🤫蒸扇贝火喉刚好，蒜香伴粉丝，可以送饭蒸鳝又系另一水准之作！不过夏天去就会热一点，但佢地都有好多大风扇，怕热可以自备风扇仔自吹🤗
继续阅读
寻晚约左朋友食晚饭，专登由鸭脷洲坐船去香港仔，顺道欣赏下晚上嘅海景，行逛香港仔后发觉多数食肆都系连锁店，冇乜兴趣，好彩行行下见到香港仔市政大厦，心想上面一定有熟食中心，就即兴上去揾下好嘢食晚上原来只有两个排档营业，两间都系食小菜，而九记就有埋泰国菜拣，就一于试下呢间啦！坐低后老板都几热情招呼，由于得两个人食饭而且我朋友唔太钟意海鲜，我地就听老板提议叫椒盐猪排🥩，再加避风塘茄子🍆，另外叫左个椰青🥥同一枝大啤酒🍻首先嚟左碟椒盐猪排，一睇已经觉得好惹味，镬气十足，食落啖啖肉，送饭系一流，唔经唔觉我地清晒成碟跟住轮到避风塘茄子，份量十足好有睇头，茄子外层嘅炸粉非常香脆，配上辣椒🌶️等配料完全丰富味蕾，又香辣又够镬气，真系食到lam lam脷由于两碟菜式都比较重口味，我地点嘅椰青同啤酒就正好中和一下，饮落去好清凉畅快，椰青味好足够，仲可以食埋椰子肉，好似突然飞左去泰国咁呢餐饭好有排档风味，寻晚咁啱有班后生仔嚟食，开晒啤酒好热闹，令我谂返起大学时去大排档食宵夜嘅时光。美中不足嘅系两个人试唔到太多菜式，有机会一定要叫成班人嚟食，以食物质素嚟讲，埋单$220我觉得超抵食
继续阅读
心血来潮，又想避避公司的麻烦事，这一个中午，我选择到香港仔行一行，吃一吃。在香港仔的市中心下了巴士，我又没有什么特别指定要到的地点，于是在街随意找。然而，当我走到香港仔街市旁，得知有一个熟食中心，对这些熟食中心大排档极感与趣的我，决定上来看一看。在绕场一周之后，我决定在这一家名字叫《九记》的饭店坐下来，来一碟饭，一支啤酒。一碟饭，一支啤酒，这绝对是工友的最佳午餐，再加上在大排档吹风扇的环境下，啤酒，的确是一个最佳饮料。在此，说回香港仔街市熟食中心这一个场地，其地方不是大的，但有足够的人流，也有足够的美食档口。啤酒不评了，我就直接要了一个只会在这些够镬气的大排档、中菜馆才做得好味的洋葱猪扒饭。同一般茶仔的不同，这儿的洋葱猪扒会煎炒到个汁粘上猪扒上，入口香甜，亦带点脆，再以那酸一点甜多点的汁来送饭，可真是一流。在此，我可以说，男人的浪漫，岂止豆腐火腩饭一样野吖。好味好锿气，中午的一个饭仔已经咁好，晚上的港鲜小炒，相信会更有水准。
继续阅读