影片
个日做野甘岩要入打鼓岭，晏昼要喺入边揾嘢食，因为入去𠮶条路有经过呢间九记士多，就沿路揾返入去食。本身都系抱住医肚嘅心态，好又一餐唔好又一餐啦，同埋都预咗贵㗎喇，因为入到去咁偏僻嘅地方，选择又唔系多，都焗住食佢㗎喇。一坐低，入面嘅姐姐又几好礼貌招呼，好亲切甘问我哋想食乜，我睇一睇餐牌，价钱又唔贵㖞，叫咗碗火腿太阳蛋公仔面都只不过系$25，加$3仲有得转我最钟意嘅猪骨汤出前一丁面底。价钱同服务方面就满意了，至于味道如何呢？碗面一嚟到我就哗咗一声，唔系夸张，因为啲葱花啊，系好明显好新鲜好翠绿，而且切到细细粒，并唔系平时茶餐厅hea你个只，跟住只太阳蛋流心得来有少少㶶边，至于个面都真系煮得恰到好处，无论面嘅质地定系汤嘅浓度，我都非常之满意。可能原本抱住嘅心态真系做到身水身汗为求有啖饭落肚，所以最后竟然食到一碗咁高质嘅公仔面我系超级咁开心，忍唔住要俾个好评！希望你哋舖头越做越有，有机会再入打鼓岭一定嚟帮衬！
继续阅读
Reviewed on 2013年5月1日 粉岭九记-双丸转丁 弹牙: 10/10 味道: 10/10 面条弹牙度适中，很有咬口但不会硬身。面底的味道亦很出，不会被汤粉盖过。 转丁+$2 转丁猪骨味+$3
继续阅读