影片
饮过三间分店几次，真系间间分店都keep到个态度咁差，真系唔容易做到！每次都系叫乌龙珍珠奶茶加芋圆，每次都会好晦气话有珍珠唔可以加芋圆呢个时候就一定会有另一个职员话得，点解唔得？你加钱咪得啰。好啦，叫完，冇人都等好耐，每次走冰唔走冰，唔知想点，咁我又唔想佢嘥咗去就硬食，对方冇一次讲句唔好意思呀！每次都话，哦，走冰咩？之后有人买嘢饮，对方又系串串贡㗎！人哋话要A佢就话B，态度一样咁差，无差别态度差。今次又系唔系半糖同走冰，饮咗少少都忍唔住掉咗去。我以后会认住，记住唔会再买呢间！受够！$40买气受，我不如去第二间！
继续阅读
当大家都去帮衬黄店嘅同时，有冇考虑过系咪真系好食或好饮？定大家只系盲目去支持呢？小妹以下都只系实话实说，大家参考吓啦～No offense 去完沙田做嘢之后，就谂住买个小食同饮杯肥仔水，之前见到「九份茶舍」好多人帮衬，咁啱见到佢冇乜人排队，就谂住试下有几巴闭啦～碳焙乌龙珍珠鲜奶茶（$30）珍珠可以拣黑糖珍珠或地瓜珍珠，小妹就拣咗黑糖珍珠，珍珠口感欠佳，唔弹牙不特止，亦有几粒唔够熟，🤢原本以为以碳焙乌龙做茶底嘅鲜奶茶茶味应该几香浓，但完全饮唔到茶香，连奶味都唔系好突出成杯嘢饮只有甜味，完全唔知自己饮紧乜？三色仙草芋圆（$37）芋圆份量不多，口感唔算系好q弹，食落有一点儿硬，食唔出芋圆系地瓜定芋头味？仙草占左四分三，清凉嫩滑，配搭香甜红豆，算系加返唔少分数。
继续阅读
点解会拣呢间买糖水 因为啲街坊个个都赞 红豆仙草三色芋圆 好好食 今日经过居然冇乜人排队 就梗系唔好执输 买返一碗叹下啦 价钱又唔贵32蚊 我接受到 我好钟意食佢个芋圆烟烟靭靭 红豆煮到淋晒好正， 加埋仙草简直冇得输
继续阅读
每日lunch食饱自己个饭都会心思思想买今日见happy Friday就奖励一下辛苦工作左5日既自己啦😝呢间九份茶舍我饮过一次就返唔到转头❤️佢平时好多人排队今日我太幸运喇！今次又系叫左我既心水no.1百香果四季春鲜果茶我带左自己个环保樽去买今日个人呆呆地🤨唔记得叫微糖少冰对饮咩都走甜既我黎讲甜左少少不过佢仍然咁足料份量唔少既百香果+2片苹果+1片橙饮落都仲系酸酸甜甜但又唔会死甜抢哂d茶味真系饭气攻心既最佳良药❤️
继续阅读
九份茶舍系一间夹台式饮品同台式糖水嘅店，呢度仲有seefood闺深爱嘅芋圆。今次因为食咗嘢先嚟帮衬所以只系买咗台式饮品嚟试。💛黑糖瀑布仙草鲜奶 （细$25 大$28）同朋友叫咗两杯细size少甜少冰，黑糖淋系周围，加上大量仙草同埋鲜奶💓觉得甜度刚刚好，唔会甜到漏，鲜奶味好出，啱晒钟意饮牛奶嘅我！仙草足大半杯满，午餐唔够饱嘅可以去买番杯当加餐😂 而且仙草嘅质地好滑溜，个人觉得同台湾食嘅一样咁好味架。 💛三重抹茶鲜奶 $33另一朋友买咗一杯少甜少冰嘅三重抹茶鲜奶，抹茶味太重，抹茶奶盖都系浓浓抹茶味，变咗比较饮唔到奶味，不过抹茶珍珠口感Q弹可以加番分👍🏻 整体嚟讲依间有良心小店质素都有保证，用料十足。买满$50仲会送手提饮料套 🥰.美味指数：5⃣/5抵食指数：4⃣/5再食机率：100%
继续阅读