影片
同事farewell请大家饮野，佢话想试下呢间既芋圆，仲以为佢咁多芋圆产品，个名又起到好台湾感，以为招牌野无死，点知第一啖落去好淡，超淡，未去到水，似系有啲味既水咁，而啲芋圆呢，真系未食过咁难食，又硬又无味，系o赵紧一旧胶珠咁，因为系同事请饮试新嘢，我好比面咁逼自己饮左1/3杯，啲珠已经唔敢再食，其实饮左头两啖已经可以放弃！最后同事都叫我唔好再饮落去、好可怕既一杯奇怪水！估唔到咁既质素都仲可以生存到，好奇那些话好饮的评手🤣
继续阅读
今日放工经过九份买左碗爱玉三色芋圆同埋店员推介既伯爵珍珠鲜奶茶饮🥤，因为我唔中意饮甘甜，所以问店员可唔可以少甜，店员都同我讲佢地用既系蔗糖，所以饮品唔会太甜，咁我就放心啦😋😋翻到屋企就即刻饮，果然无出面其他奶茶铺甘甜，伯爵茶味仲好浓，跟住就有奶香味🍼👍🏻👍🏻果然无介绍错👍🏻爱玉三色芋圆，啲芋圆好好咬口，好烟韧🤞🏻仲比我食到芋头粒😋爱玉唔会太甜，好岩夏天食！一定回购😛😛下次试埋其他野先✨✨
继续阅读
九份一向出名黄之前系旺角买过黑糖瀑布珍珠鲜奶好好味黑糖味浓 今次经过都要买杯支持下 👍🏻👍🏻今次买仙草伯爵奶茶 伯爵茶味浓仙草滑溜溜 😍😍6月头买个时排哂长龙 疫情影响至唔使等甘耐加上手工珍珠同出面既珍珠唔同 唔会得假胶 😂😂芋圆热辣辣好好味 奶茶价钱同出面其实差唔多 但帮衬黄店好过同区蓝店功x茶 香港人支持香港人嘛如果迟啲有更多新口味饮品出就好啦 btw而家有网上外卖平台 ubereat又多个选择☺️
继续阅读
真系劲似粥水咁劲淡，冇嗌少甜，净系少冰。乌龙茶系可比完全无茶味.........珍珠劲难食🤮芋圆更加难食🤢谂唔明点样冲奶先做到咁差🤮饮过咁多间嚟讲系最难饮，没有之一！！自己用粉冲嘅奶茶都好饮过呢个啰🤢🤢🤢冇下次！！本身谂住试吓呢间话哂都系台式唔会差到去边啦，点知系咁，仲要劲贵，外卖成四十蚊一杯，真系一啲都唔值，知道一杯奶茶可能好小事，系希望大家唔好中伏！！仲要饮完即时个肚一桶水𠮶种感觉，太惨的经历了。同埋绝对唔系因为我嗌外卖，真系15分钟内收到，我唔信系呢个原因啰😡
继续阅读
朋友大力推荐去九份食芋圆，未喺香港都未食过，今日终于有机会路过，一尝台湾的味道了。店外有数人等候，疫情期间看来仍有客人，质素应该不错。点了一碗三色芋圆回家品尝，等一阵已经有了，满心欢喜拎返家同屋企人Share食！一返家，打开.....我完全系「打咗个突」，点解同我想像中差~~咁~~远，明明我上网睇图片系好丰富，爆满出来咁，但我买系用“唏嘘”来形容....1️⃣ 首先系椰汁好水、好淡、无乜椰子味2️⃣ 三种芋圆有咬口，但只有数粒，淡贸贸，芋香无又系淡而无味3️⃣ 西米正常，份量只有全碗“椰水”的1/4整体观感与味道来说，差！仲要卖$37.....真系无下次 👎👎👎
继续阅读