乜記士多 (已搬遷)

西九龍中心向來多平靚正食物，有一次在近行人天橋接駁位置的「乜記士多」，偶然嚐到的夾餅又脆又有質感，花生醬爆汁，十分正斗！那一次所叫的名為「乜都有格仔餅」，屬傳統口味，餅裏面塗上牛油、粗粒的花生醬、煉奶及白沙糖，十分豐富。尤其是白沙糖同粗粒花生醬令口感「起沙」，吃落更覺美味。格仔餅焗得夠硬夠脆，唔會是那些軟而無質感之流。格仔餅表皮好完整平滑，賣相已加了不少分。值得一提的是內裡的餡料多到爆汁，一咬必晒出來，爽呀！看店內部份員工有點面熟，原來是以往佐敦一間我常去的雞蛋仔店過來的，怪不得水準不俗。後來再去了一次吃雞蛋仔。等候期間，吃了一個陳皮魚蛋與燒賣雙拼，落咖哩汁，味道無什麼特別，但十元共有十粒，可說是深水埗價錢，算抵食了。等了約十分鐘，我要的熔心芝士雞蛋仔來了。相對格仔餅來說，雞蛋仔的外型只是一般，因為表面不夠光滑，但尚算飽滿，而且做到外脆内軟的口感，更重要的是內餡芝士熔化程度剛好，做到甜中帶鹹兼流心的效果。整體來說是中上水平。總的來說，我挺滿意此店之出品，應會繼續幫襯。…查看更多

頭兩張是第一個格仔餅，黑了近四分二。當時年輕店員弄的時候，我都看見了好像有點黑了，但角度不太好。我以為只是黑焦一點點也可以接受吧？！再加上年輕店員也和我眼神對望了一下，我想他沒有掉再弄過，應該ok吧。之後我們開始吃，第一口已經是焦苦味！我們認真看，就看見黑了近四分二。我們拿去跟年輕店員說，他不情願弄過一個給我們。眼神不友善，唉。重弄一個後，上年紀的店員給我們和說了句唔好意思。最後一張相是重弄的，好很多。因此服務分是一般，否則是不佳。因為我們之前吃過一次覺得好吃，我們是看見這店還做兩天就完，所以專登再回來吃一次！誰知是這樣呢。…查看更多

想食辣辣雞翼尖係咪一定要入到元朗咁遠呢 😏😏 答案就緊係唔係啦！！係呢到都有 西九又有 new 野 🤘🏿 集中哂唔同特色嘅小食，有特別嘅雞蛋仔同格仔餅嘅野，例如三重芝士呀阿華田口味等等，聽人講話好正，我下次都要試下，而家糧尾，所以我就食左窮人必食嘅超抵 $1 粒魚蛋同燒賣，同埋辣版 b 仔雞翼尖 $15，味道係元朗 b 仔果隻雞翼尖，完全充斥哂辣同蒜味呀，但辣味比較強勁 🤤🤘🏿-乜記士多深水埗西九龍中心 1 樓 128B 鋪…查看更多

已經幫襯過好多次，除咗咖啡味好似所有都食過，每一次都冇令我失望😁雞蛋仔每次都係即叫即整大約等八分鐘，唔會因為你趕時間而快啲出貨俾你，所以每一底都係外脆內軟！絕對好食過另一間媽咪乜乜乜架🤪雞蛋仔留左邊特別脆，入面質地好煙靭彈牙，唔係空心的！呢一底係綠茶味，見到店員即刻將粉漿加綠茶粉，綠茶味好甘香，唔會太假，而且味道好濃，而朱古力粒感覺好高質，唔係假朱古力味。真係好好食，所以不斷支持🤣🤣🤣🤣…查看更多

食完晚飯就同女朋友四為行街，想搵啲甜品食，諗諗下，不如食乜記士多啦。佢地次次食都保持到水準，一樣咁好味。今次我地食原味夾餅，我地特別要求多醬，咩都要。同平時一樣，由雜於佢地係既時整出黎，新鮮出爐，所以好既野，係要時間等嫁。等左5分鍾至8分鍾，就有得食啦。等待時，老闆重教我地用電子付款方法，點樣會平少少，好有人情味既小店。佢地既夾餅好足料，好厚，要求多醬，真係會多醬。👍🏻👍🏻一啖咬落去，成個口都係花生味同甜味，好滿足，太好味了，真係十級推介大家。👍🏻👍🏻下一次要食果個芝士雞蛋仔，因為重未試呢一個😂😂…查看更多

呢個格仔餅真係令我念念不忘，食過1️⃣次之後每次經過深水埗都❤️思思想再食乜都有格仔餅 $20點解叫乜都有格仔餅，因為佢有齊牛油，粒粒花生醬，白砂糖同煉奶，而且即叫即整，勁厚身，唔會好似出面食果d咁薄，d醬一d都唔孤寒，咬落去爆槳，餅底又香，絕對一試難忘❤️，可能大家會覺得出面食個格仔餅都係$10左右，但乜記士多既格仔餅份量絕對比得上出面2個除左格仔餅之外，仲有唔同味道既雞蛋仔，芝士夾心既雞蛋仔真係好吸引，可惜食唔落，除此之外仲有陳皮魚蛋，燒賣，撈麵果d，價錢都幾抵食！…查看更多

經過好多次，一直想試，不過次次跟手食飯，所以放棄左了。今次終於有機會幫襯。佢有雞蛋仔同夾餅，2樣都想試，心大心細下，為想試佢餅底先，皓以要左抹茶朱古力雞蛋仔。我買之前先問佢，似咪朱古力粒，係嘅，唔係朱古力醬。講真$25，有點貴，因為原味$15，差有點遠。整體賣相已經好好睇，一拆一粒，已感受香脆。就算慢慢食，凍左少少，都仲算脆身嘅。不過美中不足，抹茶味唔夠香，真係無乜抹茶味，呢個真係有點失望嘅，收貴咁多，但居然無乜抹茶味，早知我叫朱古力雞蛋仔，都係$20咋，下次識叫了。…查看更多

唔知做咩呢排有舖格仔餅癮, 成日都好想食格仔餅但要搵一間好食既格仔餅真係好難, 我今次搵到啦話說我係網上睇到乜記士多既介紹, 見到佢既格仔餅同雞蛋仔好吸引,我黎過3次都食唔到, 第4次我終於食到啦!!!佢用左舊式士多既設計做招牌同埋餐牌除左格仔餅同雞蛋仔之外, 仲有燒賣, 魚旦, 西多士, 雞翼尖, 撈面等等套餐連埋飲品叫左個乜有格仔餅, 咁乜都有係有D咩呢?牛油, 粒粒花生醬, 煉奶, 砂糖, 好邪惡呀等左5分鐘左右就有得拎, 如果諗住SHARE既朋友可以預先叫店員幫你切開一半, 佢會分開包比你好耐冇見過咁厚既格仔餅啦,  而家大部份係出面食到果D只係得呢度一半既厚度, 節省成本丫嘛睇下D格仔幾分明佢個格仔餅出色既地方係佢做到外脆內軟, 口感好好, D醬搽得好均衡, 唔會有D地方冇醬食左一半都覺得唔夠喉呀, 下次要試埋西多士同雞蛋仔!!…查看更多

天氣凍左,出到街就想食D熱野暖下身, 最好食又方便嘅一定首推雞蛋仔!今日食左呢間喺深水埗西九龍中心天橋嘅香港雞蛋仔!未去到已經聞到好香嘅雞蛋仔味,我地叫左朱古力雞蛋仔, 本身以為只係朱古力外皮嘅雞蛋仔,點知原來係蛋漿皮入面每一粒都包住朱古力醬, 食落朱古力味好濃郁,蛋味亦都好香, 每一啖都有暖暖嘅朱古力醬喺入面,冬天食真係覺得特別幸福!XD朱古力雞蛋仔嘅價錢係$19,唔算特別平; 另外有原味 ($15),熔心芝士雞蛋仔($25)等等,可以揀個最岩你地自己口味嘅來食!…查看更多

今次睇左“飲食男女”嘅報導，先發現開左新舖以往呢間舖，做食嘅都做唔長佢嘅“乜都有格仔餅”，系即叫即整，但價錢較貴雖然等嘅時間系耐啲，但個廚都好比心機整 ，查醬落料，一啲都無馬虎👍🏻👍🏻新鮮同即時食，系外脆內軟嘅😁😁我身為螞蟻會繼續支持架，希望可以維持水準同質素…查看更多

格仔餅即叫即做，皮脆香口，皮下質感軟彈，餡料足，愈食愈滋味，飽肚感一流。陳皮魚蛋10蚊10粒，魚蛋的果皮香氣十足，進口咬下時，果皮的味道很出，加上咖喱汁，惹味少少辣，一流。…查看更多

去親深水埗，循例都會去西九到行下🤣永遠都會留肚腩去呢度食野～今次食呢間都算想試左好耐既乜記士多～👉🏿✨抹茶紅豆格仔餅 Hkd 23 💸📌呢個完全出乎預料！fushion格仔餅又做得幾成功喎🤩佢啲抹茶味都算出，食落唔會苦澀，入面既紅足又俾得好足！同抹茶夾到爆😍整體食落又唔會話好甜，都幾正架！最中意佢格仔餅個口感好似食緊麻糬咁，煙煙un un ，有口感又好味👍🏿👉🏿✨乜記雙拼厚多士 Hkd 16 💸📌呢個份量真係絕對食得飽！花生醬同煉奶渣到超滿，勁邪惡！仲要花生醬上面有埋啲粒粒係到，多士夠脆，食落口真係一流☺️呢個價錢抵到爆～…查看更多

今日去開深水埗,整野順便去西九龍中心行下啦！哇，果到d店變化超大。。。去到已經3點幾4點係下午茶時間，當然要食d小食！誤打誤撞去行到呢間 乜記士多！近排好似幾hit 呀 網上好多片介紹佢地嘅芝士雞蛋仔好正 流心之如仲要粒粒都有芝士，仲有其他口味嘅雞蛋仔同格仔餅架！今次我就試試 睇下係咪講到咁誇唔記得講佢嘅店嘅設計好有懷舊Feel 不錯不錯買咗一底 25蚊 好似 可以加8蚊轉餐的，咁就會包多杯野飲！但我太飽冇加！講真其實 幾好味幾脆睇睇入面，其實真係粒粒都有芝士，而且我睇住佢整 拎住一餅芝士一粒一粒咁架值得推一推！…查看更多

嘩！巧巧味呀！我搵返我細個時嘅味道啊！格仔餅外脆內軟，咖喱陳皮魚蛋味道不同一般街鋪食到的味道，冰鎮奶茶巧有茶味隨意你的喜好選擇甜的程度，新開張期內特價食品＄10有12粒魚蛋，雞翼尖味道都好好味！經過可以一試，值得推介小食。裝修懷舊士多feel！…查看更多

比佢裝修吸引到舊香港風格，好靚呀！叫左個原味雞蛋仔$15，凍奶茶$17同咖喱陳皮魚旦$10@12粒，價錢係深水埗唔算平，不過可以搵返細個既回憶，一啲都唔貴呀！雞蛋仔同出面既好唔同，佢好足料，入面唔係空心的，但無出面果啲甘脆，食完好飽飽凍奶茶無冰嫁，全杯奶茶，抵飲不過我覺得唔夠凍，凍啲會再好飲啲咖喱陳皮魚旦好有舊時既感覺呀，好彈牙，如果可以再辣啲就好喇，唔太夠入味下次要試埋雞翼尖見到是2個年輕人創業，加油…查看更多