93
38
18
餐厅: 乐聚廊
优惠: 食饭都有得赚里数? 仲唔即刻订台?
星期一: HKD1 = 1里数,星期二至日: HKD2 = 1里数 (埋单前记住讲声「我要赚里数」!) 优惠受有关条款约束。
条款及细则:
  • 会员惠顾满认可消费额(最低300港元,最高10,000港元)可赚取「亚洲万里通」里数。
  • 会员在星期二至日 (星期一除外),每消费HKD2可赚1里数。
  • 会员所赚取之「亚洲万里通」里数将根据账单总金额计算,包括服务费及税项,但不包括小费。
  • 于节日期间惠顾伙伴餐厅之推广餐膳,或未能赚取「亚洲万里通」里数。请于惠顾前先向有关餐厅查询。
  • 额外「亚洲万里通」里数将于餐膳后7个工作天内存入会员账户。
须受其他「亚洲万里通」条款及细则约束
港铁金钟站 F 出口 继续阅读
电话号码
25213838 (Ext 8250)
开饭介绍
乐聚廊星期一至六有现场音乐表演。餐厅逢星期一至五均有招牌正宗印度咖哩自助午餐,英式下午茶,星期五,六及公众假期则供应下午茶自助餐。 继续阅读
营业时间
今日营业
08:00 - 01:00
星期一至日
08:00 - 01:00
付款方式
美国运通
其他资料
网上订座
酒精饮料
加一服务费
有关奖赏计划
优惠
餐厅: 乐聚廊
优惠: 星期一: HKD1 = 1里数,星期二至日: HKD2 = 1里数 (埋单前记住讲声「我要赚里数」!) 优惠受有关条款约束。
条款及细则:
  • 会员惠顾满认可消费额(最低300港元,最高10,000港元)可赚取「亚洲万里通」里数。
  • 会员在星期二至日 (星期一除外),每消费HKD2可赚1里数。
  • 会员所赚取之「亚洲万里通」里数将根据账单总金额计算,包括服务费及税项,但不包括小费。
  • 于节日期间惠顾伙伴餐厅之推广餐膳,或未能赚取「亚洲万里通」里数。请于惠顾前先向有关餐厅查询。
  • 额外「亚洲万里通」里数将于餐膳后7个工作天内存入会员账户。
须受其他「亚洲万里通」条款及细则约束
食记 (181)
复活节假期前夕,系Klook book 左个港丽酒店Staycation package,包一晚普通酒店房住宿加二人咖啡园Lunch Buffet同Breakfast Buffet,$2000楼下就得啦,平又好似唔系特别平,不过我地带左两个幼童都唔另外收钱,即刻就变左好抵。早餐可以拣系边个餐厅食,地点有三个,Garden Cafe,Lobby Lounge或者Executive Lounge on the Seventh。原本想去Garden Cafe,点知9点已经满座,即刻转移阵地去Lobby Lounge。Executive Lounge on the Seventh寻日视察过,基本上将几个会议室改装做餐厅。当然Lobby Lounge环境好d,只系张茶几太低,食得有d辛苦。Lobby Lounge系平时下午茶既地方,装修同环境有返一定质素。唔知呢度食既野同Garden Cafe有无分别。入口就见到一行热盘,有西式既自助多士,烟肉,薯饼,番茄,猪肉香肠,火腿同焗豆。薯饼开头食都还可以,外脆内软,配茄汁一齐食好味道,可惜到左後期连茄汁无哂都无人加。开头觉得奇怪点解连炒滑蛋都无,原来番茄到左後期就会变左炒滑蛋。猪肉香肠超厚身,唔会过咸,味道还可以,不过唔脆皮。中式早餐有炒饭,中式炒面,萝卜糕粒,中式点心两款,白粥同牛肉粥。中式炒面系好食既。点心有糯米鸡,粉果,个皮超厚既虾滑饺,同後期先见到既烧卖同猪仔叉烧包。烧卖见到人食但系我地从来都见唔到有得攞。猪仔叉烧包好彩攞到最後一个。我d小朋友劲锺意,已经饱饱都食哂成个包。粥偏稀。西式既早餐仲有几款简单沙律如沙律菜,长豆角,红萝卜片,选择唔多。另外有几款沙律酱俾你自己加。乳酪系雀巢,有士多啤梨,蓝莓,菠萝同原味。质素ok,可惜到後期唔refill......Smoothie有芒果同士多啤梨味,味道正常不过唔知点解系用扁平兜而唔系用杯装。火腿有三款,分别系意式肉肠,黑森林火腿同意式风乾里肌肉。烟三文鱼油脂味浓又唔过乾,好味。Cereals有三款,分别系麦片,燕麦方脆同玉米片,全脂奶一支俾你自己加。奄列档同面档值得食,所以长期要排队。奄列有洋葱碎,蕃茄碎,甜椒碎,火腿片,磨菇片,同芝士碎拣。即叫即煮,略嫌配料唔多,不过蛋汁丰富,感觉健康。你锺意叫厨师煎蛋都得。面档有几种面拣,粗幼都有,配料有云吞,丸类同青菜菇类。我试左一碗云吞幼面,特别讲低想要弹牙d,又真系煮到,虽然幼面放左系汤入面而唔系云吞上面。云吞则教为失望,无鲜虾,只有虾滑,皮都几厚。我食左一碗就无再食。不过,最正既系呢度既面包同酥饼!肯定系自家饼房新鲜出炉,选择又多。牛角包都有两款,分别系普通牛角包同小麦牛角包,用夹夹都听到酥皮系几薄脆。丹麦酥饼都有多款,朱古力,红莓酱,蓝莓酱,玉桂,基本上全部都系高质。我特别锺意呢度既玉桂丹麦酥饼,外脆而里面既玉桂酱连苹果粒又多又好味。松饼有原味同朱古力味,整得细细个方便浅尝。软面包都有多款,有芝麻包,复活十字包,连菠萝包都有,个菠萝皮系及格既。鲜果拼盘就系常见既西瓜,蜜瓜,哈密瓜,菠萝,火龙果,仲有原个水果例如鸭嘴梨,布林,橙。其他水果都有切细既士多啤梨同糖水梨,放系瑞士麦片隔离。瑞士麦片有丰富果仁同果乾,已经捞好乳酪,乳酪无refill唯有食多d瑞士麦片。最後就系芝士拼盘,有三款芝士,分别系Parmesan Cheese, Brie同Boursin Cheese。Boursin Cheese咸咸地但超滑。我最锺意Brie,因爲唔咸又滑,不过食完头一转就无refill。上面既无花果乾又系无refill。可惜可惜......果汁可以请服务员攞,有橙汁,苹果汁同西柚汁。总括而言,都食得饱既,虽然无乜野好食,主要系食包饱。食物无乜refill真系唔多理想。唔知道如果系Garden Cafe食会唔会好d呢?服务都唔差既,勉勉强强俾个OK啦。 继续阅读
(以上食记乃用户个人意见 , 并不代表OpenRice之观点。)
等级4 2021-04-06
975 浏览
我的美国运通专员呢,又帮我订呢间酒店...我冇所谓嘅上次丝宝吧唔开心,可能系个别事件。我更加系希尔顿集团Honor 级会员,继续要帮衬呢间酒店啦😂😂今次佢帮我订咗lobby lounge,今日系同Ann去,佢话系以士多啤梨为主题咁就试吓啦。好实际,最深刻系嗰杯Cocktail几好饮!我系影咗相啊其他都唔系好值得影,说实在食物水平可以啦。环境几好,今次服务就合乎水平。我都系好喜欢门口有泊车的,方便!感恩的一天今日终於唔使发脾气😂😂😂 继续阅读
(以上食记乃用户个人意见 , 并不代表OpenRice之观点。)
其实我好少食呢啲tea🤣所以都唔系好识比较~~不过我自己就觉得呢间整体味道系正常 所有嘢都中规中矩 但冇咩惊喜位🤭-☕️Afternoon Tea ($558/2person)-咸甜各占一半 咸甜食物嘅水准都差不多 scones都系正正常常啦🤣原味嘅牛油味系几重 不过我觉得嗰只牛油味有啲滞腻 我觉得系仲夹杂左一种奶粉味嘅感觉🤣提子 如果乾嗰只我就觉得略嫌有啲乾🤣🤣自己觉得最有印象嘅系佢系顶嘅嗰件士多啤梨芝士蛋糕 几好食~环境黎讲几舒服 可以慢慢倾计慢慢chill着食 系成个气氛好舒服 但食物质素嚟讲我应该不会再回访了😆 继续阅读
(以上食记乃用户个人意见 , 并不代表OpenRice之观点。)
等级3 2021-03-23
488 浏览
嗰块朱古力金币我冇食到送咗俾小朋友好hea 最侧边嘅系腰果酥跟住系柠檬挞我觉得第二层系最好食嘅因为佢个鹅肝面包好出之後系黑松露蘑菇嘅汉堡包最尾系一个蟹肉嘅批呢一层嘅食材系最矜贵㗎燕窝蛋挞基本上系食唔到燕窝㗎只系佢牛油个底几香然之後鲍鱼挞嘅批底同蛋挞嘅唔同鲍鱼批嘅比较趣同硬鲍鱼唔会韧最尾嘅系一个叉烧酥Scone 一向都系我嘅至爱上枱嘅时候暖暖地Strawberry jam and clotted cream 正常冇特别惊喜嘅感觉 继续阅读
(以上食记乃用户个人意见 , 并不代表OpenRice之观点。)
等级3 2021-03-14
428 浏览
人生第一次食港女tea!! 由於疫情关系, 冇得同朋友好好庆祝, 唯有拣间靓靓high tea打下卡。因为本人好大食又无肉不欢, 所以好少拣呢种港女tea (绝无贬义 纯粹系对呢种tea set嘅一个统称)😛。 今次因为朋友生日所以就拣咗conrad呢到献出我嘅第一次。绝少嚟港岛嘅我 ,一开始已经有少少荡失路😂😂 入到酒店觉得环境都几开扬坐得都舒服。唔需要谂太多就order 2个sets~~上枱一刻觉得好靓, 影相灯光都好靓。 我觉得咸食都ok, 不过讨厌面包同饼乾嘅我基本上都冇食过甜点, set上面所有甜点都系好实个种cupcake蛋糕, 甜味亦都比较无层次。除左个层架, 个set仲有个橙味朱古力布甸, 觉得好似食紧橙味莲蓉🥲 仲有每人2个muffins, 一个有莓乾一个无, 味道都算唔错, 不过有d夹硬塞饱你既感觉。总括黎讲, 环境舒服,侍应加茶都快手, 不过tea set 内容物可以改善下就更好啦~🥰🥰 继续阅读
(以上食记乃用户个人意见 , 并不代表OpenRice之观点。)