影片
港铁尖沙咀/尖东站 L5 出口, 步行约2分钟
继续阅读
电话号码
23368939
营业时间
今日营业
08:15 - 23:45
星期一至日
08:15 - 23:45
公众假期
08:15 - 23:45
公众假期前夕
08:15 - 23:45
以上资料只供参考，请与餐厅确认详情
💮好耐无食过点心，今日熊妹适逢阿妹一齐放假，又想去尖沙咀行吓🛍️，阿妹话食得西餐太多，今次想试吓食中式点心。特登上网揾到呢间位于汉口道的《乐意点心》多人评价又多人食过，仲要入围《开饭热店2024五十大外卖自取餐厅》🏵️，主要系喺尖沙咀地段点心嘅价钱好抵食，一于去试吓。📌下午茶三点嚟到，原来星期一至五下午茶时间3:00开始到6:00，仲有88折，全日唔收加一，难怪劲多人喺街度排队🚶🏻🚶🏻♀️，攞飞等叫号都等咗大半个钟，咪话唔夸张。📌终于入得啦，一坐低，店员就会问「想饮咩茶？香片、普洱、菊花、白桃乌龙、荔枝玫瑰？」做法好传统点心店，不过引入了新式茶叶品种，装潢又以暗花深绿色的风格，华丽时尙，传统得来又切合尖沙咀的高尙地段，系新一派点心专门店💮。三色小笼包，$35招牌三色小笼包咁吸睛👀，梗系要试吓啦！三色即系原味，川辣同松露。三只颜色真系好吸引，汤汁都几多，就算放凉了一阵都仲有汤汁流出嚟，其中川辣味🌶️味道最为突出，辣汁渗入小笼包肉入面，味道好夹。松露味虽然唔算好出，但味道好特别。蟹籽烧卖，$19一笼烧卖有两粒，大大粒烧卖刚蒸起，咬落好有惊喜，猪肉蒸到好软淋，唔系实的的既猪肉，点埋豉油成粒啪真系好正。香茜牛肉肠粉，$28两条肠粉各切三份，有六大件，肠粉滑嘟嘟，蒸到熟度刚刚好，软绵绵，入面有牛肉饀带点芫茜味🌱，冇谂过肠粉都可以做蒸到咁滑溜，唔错。百酱蒸凤爪，$23充满浓郁酱汁的凤爪啜入口好入味，凤爪大大只好饱满，下面仲有萝卜索埋酱汁，成笼酱汁凤爪系好惹味！笼仔蒜蓉龙虾配带子饭（半只），$110《乐意点心》招牌主打系笼仔蒸饭，笼仔蒸饭当中，龙虾配带子当然系最为名贵！即叫即蒸香味浓郁，一上枱，刚蒸出来的蒜蓉香气四溢♨️，半只龙虾🦞占满大半个笼仔范围，份量十足，加入大量嘅蒜蓉🧄同龙虾一齐蒸，咸香嘅蒜蓉味更出龙虾嘅海鲜味，海鲜嘅用蒸的做法系好出色，仲有两大粒带子，成个笼仔饭铺满蒜蓉味道，完全唔使加额外嘅酱料已经好够味😋，果然系招牌菜，成为全场嘅MVP都当之无愧🎖️！杨枝甘露，$23竟然有西式糖水可以拣，食咁多点心，饮返个甜品真系好爽。杨枝甘露入边有好多西米露同埋啫喱粒，杨枝甘露唔会好稀好水，食完咁多咸野好解渴。茶位，每位$8📌《乐意点心》除了招牌笼仔饭，仲有脆炸小食、蒸笼点心、肠粉、包点、炖汤、蒸海鲜同甜品。📌一间少少嘅点心专门店，仲要喺尖沙咀旺区位置，价钱亲民到极点，难怪今时今日仲见到有人流排队嘅情况啦！
继续阅读
📍 乐意点心（Log Ye Dim Sum）🌍 香港尖沙咀汉口道19-21号汉宜大厦地下C号舖📝整体评分：９ ／１０新派粤式点心为主打的餐厅，融合传统点心制作工艺与现代化装潢，老少咸宜～✿ 鲜竹牛肉球• 牛肉球软滑弹牙，鲜竹笋增添清脆口感同清甜味，无腥味。✿ 珍宝带子肠粉• 肠粉皮薄滑溜，软绵透亮，最正系豉油，唔死咸且带淡淡甜味，突出带子鲜味。✿青瓜蚬仔捞汁• 青瓜爽脆清新；蚬仔肉质饱满，无沙粒感，特制捞汁以醋、蒜蓉和辣椒调制，酸辣平衡，带微甜，非常开胃。✿ 香茜炸粉果• 粉果外皮酥脆，内馅鲜香，有猪肉、虾仁和香茜，馅料饱满，香茜增添清新草本味，突出又唔抢其他味，系油份稍重。✿ 笼仔蒜蓉龙虾配带子伊面• 龙虾肉质弹牙，带子约2-3粒，鲜甜到爆， 伊面满蒜蓉汁和海鲜鲜味，软滑不糊。
继续阅读
这间位于尖沙咀的点心店人气极高，不论是游客、本地人还是上班族，都对它赞不绝口。原本打算再尝招牌的龙仔蒸饭，今天决定换个口味，改以粉丝为底——粉丝充分吸收了龙虾与带子的鲜甜，再加上香气十足的蒜蓉，味道浓郁迷人，令人回味无穷。点了几款点心，无心插柳竟成了一场全虾盛宴。每一道都展现出厨师的手艺与用心，味道层次丰富，鲜味十足，无需逐一介绍，单凭味蕾已能感受到功夫与创意。搭配薄荷青柠梳打与荔枝玫瑰茶，清新解腻，为这顿饱足的点心盛宴划上完美句号。蒜蓉龙虾配带子粉丝底（$110）龙虾饺（$35）原只鲜虾肠粉（$38）荔枝虾球（$20）桂花糕（$20）薄荷青柠梳打（$16）荔枝玫瑰茶（$8/人）
继续阅读
呢间餐厅点心选择多，环境舒适几好坐，我地叫左龙虾带子蒸粉丝食，龙虾肉质爽弹，而且好抵食，粉丝份量都好多，配埋酱汁一齐蒸好夹。点心叫左一碟肠粉，肠粉份量都有三条，入面有大虾，荔枝炸虾球，呢个好有玩味，劲大粒荔枝样既虾球，造型好靓又好食。饮品叫左一杯薄荷青柠soda,饮落减低油腻感，呢度既茶都几好饮小编叫左白桃乌龙茶，乌龙茶味几浓郁，茶包都几好饮。餐厅资料🏠乐意点心 地址: 尖沙咀汉口道19-21号地舖
继续阅读
🍴越式米网炸两肠粉 $35肠粉系用个皮包住个脆虾卷，起嚟有啲厚，米香唔算好多，不过比较偏烟靭，啲虾加蔬菜好爽口，层次丰富不过偏咸！🍴带子虾菠菜饺 $30个皮带比较偏厚，带子都正常有虾肉同菠菜，味道系比较清新啲嘅？🍴牛肉球 $18都几大粒，咬落去好软滑𠮶种，唔会太重碱水味，都有啲马蹄嘅，OK的。🍴萝卜丝酥 $20几好食㗎佢个酥皮做到香脆嘅效果萝卜丝唔会太苦涩。🍴小笼包$35个皮都做得几薄，有汤汁，就唔算好鲜肉，不过整体嚟讲都唔会太肥腻OK嘅人🍴烧卖 $19食唔到原粒嘅虾啦，猪肉肉好多，味道系比较偏咸添！推荐指数： 7/10网上见到好多游客同韩国人去食，星期日大概中午时分去到都冇人排队，好顺利就入咗，你到就正正常常，同普通手工点心差唔多味，有啲好食有啲就一般，唔会专登去尖沙咀食？但冇中伏嘅。
继续阅读