434
29
4
港铁尖沙咀/尖东站 L5 出口, 步行约2分钟 继续阅读
电话号码
26062722
营业时间
*18:00-22:00供应火煱及烤鱼
星期一至日
11:00 - 21:15
公众假期
11:00 - 21:15
公众假期前夕
11:00 - 21:15
付款方式
AlipayHK 支付宝 现金
其他资料
电话订座
当面支付
食记 (512)
等级4 2020-11-30
2469 浏览
我知太座无辣不欢,所以带佢去食川菜,约左佢去亚士厘道「乌蝇馆」,七点未到已经开始排晒队,入去到环境唔错,以茶为主题,坐左一阵佢睇住个餐牌好多选择,好多食物都想试下,最後试左个泡椒龙趸鱼小辣,加配个鹅肠+水饺+鸭血+黑豚肉+安格斯牛牛,饮品叫左啤酒+桂花蜂蜜+有机乌龙奶盖,特色饮品唔甜,饮落有种小清新,等左十分钟,条鱼上菜,店员好细心咁讲解出烟会过嚟揭盖,等多五分钟...店员好留意个锅,滚左就过黎帮我地开盖,哗~索到泡椒味已经留晒口水,好多配料(黑云耳、莴笋、菇),条鱼啲肉好好咬口,虽然叫左小辣,但都好刺激,四个人食都够,食到咁上下其他追加都陆续上菜,每碟分量偏多,鸭血片配辣野好正,煮极都唔散,鹅肠爽口,饺子上菜已熟,馅料味道还可以,放系锅度煮一阵索晒泡椒汁好味,牛牛肉香,牛脂好香,黑豚肉啲肉好淋,仲有小脂肪痴住,令到豚肉更爽口,继续食...继续食....追加辣椒...再追加左个寛面,个面配依个汁同泡椒一齐食劲惹味,第一次食呢款面,口感唔错,都好弹牙...食到依个时候都食饱啦!望到隔离枱有人食碗面...先发现餐牌有冒菜食,都好抵食,六款餸都系$50,六款汤底,多款餸拣,出面食碗车仔面咁多餸都唔只依个价,仲有八餸拣...下次一定要试下依个冒菜! 继续阅读
(以上食记乃用户个人意见 , 并不代表OpenRice之观点。)
等级4 2020-10-31
3575 浏览
其实我真系唔系好食得辣,不过已经由以前完全食唔到,到而家可以食到少少+appreciate到少少辣既惹味,可以话系有进步。朋友极力推介下,我地黎到好出名既烤鱼。佢地话食得烤鱼点可以唔食辣,唯有食少少少少少辣餐厅系尖沙咀中心,但上一楼就感觉好似去左第二度咁。虽然唔易搵,但都真系好多人识黎,记住要订位!呢度装修好有古色古香,成幅墙系放满茶具既木架,点都估唔到系黎食重口味冰粉可以当野饮咁嗌,当然要嗌定杯顶住之後既辣。 一见到已经哗一声,少女心爆发,仲要系养颜桃胶,不得了。系限聚令收紧之前食,人多就可以叫到成枱野。呢条原来系中麻辣,沙巴龙趸肉质好滑,点煮都唔老。三刀就要左少香辣,不过真系要快d食,唔系就会越煮越辣。香辣比麻辣多左阵指天椒既香,而唔系花椒既麻,连唔系好食辣既我都appreciate到呢种香。 不过呢,下面d薯仔同萝卜先至最辣火锅料都好新鲜要海鲜既话要早一日订,订左枱之後餐厅会早一日whatsapp问你需唔需要预留海鲜。果日食既韮菜饺系佢岩岩新鲜整出黎,皮薄馅靓。会好想再黎,但下次都系嗌番茄汤底啦,食唔到辣都系唔好逞强。 继续阅读
(以上食记乃用户个人意见 , 并不代表OpenRice之观点。)
等级4 2020-10-04
4457 浏览
亚士厘道而家冇以前咁热闹,行到尽头见到呢间烤鱼店,上网睇都几受欢迎,决定试下!平日夜晚来都真系几好生意,全场坐满!铺头除左烤鱼,仲有一碗碗嘅米线、薯粉同捞面等等,冒菜选择真系多!好似车仔面咁,连汤底都有4、5款选择。 ➡️ 麻辣烤三刀鱼 ($288) ⭐️⭐️⭐️⭐️ 经店员介绍,决定叫麻辣口味,佢话麻味重d几香口咁话喎!当日赠送三个是日素菜,有云耳、萝卜同莴笋。我地另外加料加左宽粉 ($28)、唐生菜 ($32)同脆鱼皮 ($38)。烤鱼上枱时麻辣味好香,店员提示我地焗5分钟先开盖,麻辣味先会出味d!所有配菜加埋一齐食,又饱又惹味。条三刀鱼都算几大条,多肉又冇咩骨,而且好嫩滑,沾埋d麻辣汤汁,食完都唔系好够喉😝 .............................. 乌蝇馆 地址📍: 尖沙咀亚士厘道38号天星大厦1楼B舖 总评分: 8.25/10 .............................. 味道😋: ⭐️⭐️⭐️⭐️ 环境👀: ⭐️⭐️⭐️⭐️ 服务👨🏻‍🍳: ⭐️⭐️⭐️⭐️💫 抵食💰: ⭐️⭐️⭐️⭐️ 继续阅读
(以上食记乃用户个人意见 , 并不代表OpenRice之观点。)
等级4 2021-01-19
111 浏览
睇食评觉得几吸引黎试呢间烤鱼,系楼上铺地方细细咁,系限聚令之前食全场爆满好鬼多人食。我地点左个多宝鱼小辣,跟左三样配菜,不过三样都无咩特别。鱼既调味OK,不过真系好薄肉呀,两个人食系唔够的,一定要加其他野打边炉。柯打左一大兜芫荽黎当菜食😂推荐点豆卜同宽粉,两样都好索汁好好食。 继续阅读
(以上食记乃用户个人意见 , 并不代表OpenRice之观点。)
等级1 2021-01-18
94 浏览
呢排芫荽大热😂😂身为香港芫荽党党员梗系要周围搜罗芫荽嘢食啦☘️成日都听人讲乌蝇馆好好食夜晚食火锅 晏昼食冒菜今日lunch专登去咗试下系咪真系咁好食😋晏昼都几多人排队好彩我一个人好快就有得坐低😛汤底都几多选择锺意重口味又唔食得辣嘅我 就叫左藤椒汤底虽然系即叫即做 但系等咗唔系好耐就已经上菜非常之令人惊喜嘅系只系俾多$1嗌多芫荽就获得 满 满 芫荽!☘️☘️☘️我今次叫咗 鸭血、新鲜淮山、薯仔片、莴笋、墨丸、腩肉,配粉丝虽然都好多餸 但系餐厅一啲都冇偷工减料👍🏻每款都非常足料个汤底越食越好味 麻得嚟唔会好辛苦配埋芫荽简直昇华到另一个层次😍饮品我就叫咗杯冻嘅桂花蜂蜜🌼清清甜甜平衡返碗面嘅重口味整体嚟讲碗面好食得嚟都几抵几饱肚有机会会再嚟食其他味道嘅汤底/$50 单人A餐六个餸 + $5主食 + $1芫荽$18 桂花蜂蜜 继续阅读
(以上食记乃用户个人意见 , 并不代表OpenRice之观点。)