丼鮨 (已結業)

肚餓肥仔又出動，走黎食個魚生飯。叫個角切魚生丼，跟味噌湯，熱水任飲，加左$2要個紙包綠茶。上餐速度極快，下單後師傅直接係我面前攞碗飯，同準備好既材料出黎，砌完立即放櫃台食得，整個過程可能一分鐘都唔洗。（有戴手套既～應該唔污糟掛）1. 味噌湯，唔算太咸，有海帶同白菜（？），普通地好飲。2. 魚生飯，有幾種海鮮、玉子煎蛋同青瓜切粒，目測認到有三文魚、油甘、八爪魚、蟹柳同一堆飛魚籽。仲有一pat wasabi 同一堆薑。第一次咁食法所以我唔係咁熟，wasabi幾勁下，真係每次少少就好，嗆到我幾次（我又係傻，應該成pat wasabi攞出嚟放味噌湯個碗到先）。言歸正傳，魚生係好食既，中挺。飯量應該係一碗左右，對肥仔我而言有D唔夠候，正常人應該差唔多。唔知係咪錯覺，睇佢砌外賣既時候好似多D？咁一餐$92＋$2，再加一＆四捨五入就$103。咁既價錢食一堆海鮮係OK既～份量可能真係唔岩我哩個大胃肥仔啦😔。…查看更多

丼鮨室內空間有限，全部都係bar枱，所有坐低嘅客人都會見到師傅整野食。兩位年輕師傅好認真埋頭苦幹處理魚生、擺盤同上菜，功架都似模似樣，而且食物出黎嘅賣相都唔錯！有日路過想試試佢地個魚生飯，朋友之前話因為啱啱開業同疫情，堂食都會serve外賣碗，依家就好咗，用返一個正常飯碗，賣相都吸引啲！叫咗個角切魚生丼 ($92)，好豐盛呀！對比區內嘅日本嘢動輒要過百蚊，呢度嘅魚生飯售價範圍$70至$90都幾抵得諗，日本米飯粒濕潤唔太爛，魚生片用料不馬虎，仲有蟹柳蟹籽增加丼飯口感！100蚊樓下有個堂食魚生飯我覺得都實惠，同區其他日本嘢也不至呢個價。…查看更多

丼鮨喺鰂魚涌都開咗幾年啦，早排食Farewell飯先第一次入去食lunch。舖頭入邊就比較細，位唔多，而且佢又擺滿咗好多貨，環境就有少少迫嘅。而佢座位似日式吧枱咁，食客可以直望廚房望到師傅準備菜式。佢午餐呢做主打丼，反而壽司菜式就比較少，可能同個名有啲關係。我就order左一個三文魚丼便當。好有趣，佢係用即棄餐具上枱嘅，應該係冇師傅得閒負責洗碗吧。佢嘅丼飯呢醋味都幾濃，配上佢嘅紫菜碎同埋一啲芝麻，混合一齊呢個飯係非常之好食嘅。免治三文魚既鮮味就唔係好出，所以佢鋪上咗好多䓤上面，混合落去紫菜飯之後，味道有少少似三文魚飯團，其實有好豐富既味道，唯一美中不足的就係佢個丼有啲乾，要keep住飲茶，而佢個麵豉湯都幾ok既。整個飯嘅感覺都唔錯，係個環境比我嘅感覺有啲似立食，迫之餘坐得唔係太舒服，而且堂食係要加一的。相信因為咁，佢平日主打嘅係外賣自取。…查看更多

今日去食魚生飯，野食質素OK，但女師父冇帶手套切魚生，切切下佢唔記個丼D魚生點會配搭，攞部電話出嚟㩒D相睇，之後竟然冇洗手繼續切，我就坐係佢前面….希望佢之前冇攞部電話入過廁所…希望店長可以改善，因為我間唔中都會食……查看更多

自己一個人都可以享受日式壽司小店風味餐廳地方不大 座位全部都是吧枱隨意找一個位置坐下師傅會奉上一碗麵豉湯 然後親切地介紹自家的壽司這樣的格局 一般來說價錢都不會特別平話晒都係食日本嘢 又有嗰種師傅會親自serve客人嘅服務但其實一個丼飯$76起已經有交易跟隔離座位一樣 點了個北海道雜錦魚生丼只是$118堆到滿滿嘅魚生 稍一不慎蟹籽會滾下來非常肥美厚切油甘魚 又甜又充滿膠質牡丹蝦三文魚也是非常新鮮 還有一大粒厚肉刺身帶子刺身的份量和質素絕對沒有將貨就價CP值係勁高 …查看更多

鰂魚涌/北角一帶一向多小店，臥虎藏龍.偶爾係七姊妹道發現一間日式魚生飯小店，門面簡單,座位唔多, 全bar 檯, 幸好繁忙時間都設有限時唔算要等好耐.[炙燒魚生丼] 有不同魚生飯組合選擇, 價錢百幾左右, 招牌炙燒魚生飯 用料非常豐富😍 仲可以見到師傅即場炙燒👏🏻👏🏻 魚生大件堆滿滿👍🏻.其餘不同款式嘅魚生丼都唔錯,每日仲有唔同款式是日推介, 上魚生飯之前都會奉上一碗麵豉湯俾大家暖暖胃..總括嚟講,係同區一間幾唔錯嘅日料選擇👍🏻…查看更多

小店好細得十幾個位，全部坐壽司吧枱，可以望住廚師整，好有omakase feel😆午市套餐都有幾個選擇，唔食生嘅都有熟食，價錢中上，但食物高質，都值呢個價！🍴麵豉湯 (7/10)鹹鹹地，麵豉都濃，入面有海帶同白菜，正常ok！🍴角切魚生丼 $92 另收加一 (8/10)魚生有勁多，堆成一個小山丘，蟹子多到鋪滿飯面，真係一夾就跌落枱🤤飯用醋撈過，微微醋嘅酸味，飯粒飽滿唔太黏口👍🏻魚生粒有三文魚，劍魚同油甘魚，夠凍好新鮮，有魚味，一啲都唔腥，蟹子真係卜卜脆好鮮好爽口，加埋青瓜同蛋粒，成個飯都好豐富，食曬啲飯都仲有魚生剩🥰食完覺得份量剛好都夠飽但又唔會太膩。推薦指數: 8/10算係係鰂魚涌食過最好食嘅魚生飯，好食推薦！…查看更多

平時番工食lunch, 偶然同經理姐姐吹開水有得包場， 仲要唔洗過千一個人頭， 12 個人已經可以食晒個場， 有得念就吹雞。食呢家野太吸引， 一日都唔洗已經齊腳同confirm埋日子， 雖然在呢餐前幾日打風， 不過店員好有交帶訂好晒食才。當日一行12人， 前後腳到步， 酒唔該自帶， 小店可以供應無酒精飲品。果晚有兩個師傅幫我地準備食物， 店經理姐姐坐陣。食材新鮮， 由馬屎海膽， 真鯛，拖羅， 赤貝同赤蝦都好對板。 配搭比心機， 火炙刺身和壽司做得唔錯 (我覺對得住個價錢有找)。 果晚住要係食生海鮮為主， 最回味係個火炙馬屎海膽帶子同埋個赤蝦麵豉湯 ( 商業用大煲都比我地12人飲晒), 其他嘢都好比機心， 場細細溝通舒服， 好有心情味嘅小店。小店包場食我都唔多， 不過今次感覺好好。其他細節已經唔係好記得， 可以果日帶多左酒， 飲到冇左好多記憶。🤣🤣🤣…查看更多

今日係公司附近食咗個性價比高的lunch set, 介紹下前菜係醃左的八爪魚，我就覺得正正常常，我中意食佢壽司set多d壽司每一款都唔同而且好新鮮，我中意食佢帶子同北寄貝。北寄貝爽口，唔腥，好正。帶子就好新鮮，大大粒，點埋醬油仲帶出佢嘅鮮味！…查看更多

❥ 角切魚生飯 （外賣價$78）+  紙包飲品 （$2）每次午市去到都買唔到角切TT 員工（老闆？）話要十二點半前去到 (然後嗰日早左落去終於買到，好開心🤩）刺身份量同款式都好多（雖然無我鐘意嘅帶子同蝦：/）同埋食落都好新鮮，同埋食落魚脂比例好好😋 飯軟硬度適中，亦都唔會話醋味好重～啲飯素同紫菜令到個飯更加香同有口感～ 同埋份量好多，男仔食應該都好夠飽～（如果比較細食嘅話可以叫少飯～食唔曬唔好浪費喔～）另外，外賣嘅話佢會將飯同埋魚生分開兩隔裝住，可以分開食同一次過撈都可以～～同埋佢放得好靚，覺得好打卡able🤩🤩個飯本身係無飲品嘅，但可以加兩蚊要紙包飲品 （蜂蜜綠茶），都幾抵～佢仲要其他款式嘅魚生飯，遲啲再去試下😋😋…查看更多

喺鰂魚涌近K11，有一間唔起眼嘅平民簡樸壽司店，沒有華麗裝修， 只賣食物質素。 K11附近根本只得呢一間日本餐廳， 喺附近返工又想食日本嘢嘅人，一定會知道呢一間壽司店嘅食物絕對優質。甚至懷疑兩位企喺度整壽司嘅師傅曾經去過日本學習， 因為壽司嘅溫度，煩嘅軟硬度，食物嘅味道，同以前喺日本食嘅好似 。坐喺吧枱自己Tick要咩食物， 壽司師傅收到後，會按order睇你面前新鮮製作， 今晚一人晚餐，為200蚊左右， 這間簡樸日本壽司店， 絕對值得推介。…查看更多

呢間餐廳好啱喺鰂魚涌返工嘅人去食，前排夜晚嗰陣係呢頭附近收工，好想搵日本嘢食下跟住就嚟咗呢一間丼鮨，覺得都要俾個讚俾佢哋嘅食物質素👍🏻佢呢啲食物其實都好新鮮，而且價錢都合理，喺鰂魚涌呢個地方都搵到好味嘅日本嘢食其實都幾難得，不過佢哋嘅食物擺設同埋外貌方面，就真係比較樸素，但食落口會令到我覺得有啲驚喜😋如果住喺附近嘅朋友，有時落街想食下日本嘢都可以試吓食呢間，整體其實食物質素真係唔差🥰我就叫咗以下嘢食:飛魚籽軍艦$12 一件👍🏻👍🏻👍🏻吞拿魚刺身三片$48 👍🏻👍🏻👍🏻👍🏻蟹籽沙律 $18 👍🏻👍🏻👍🏻👍🏻日本蟹丼$92🤩👍🏻👍🏻👍🏻…查看更多

今晚收工經過鰂魚涌地鐵站唔知食咩好， 突然間見到有一間剛開嘅壽司店，就抱住試一試的心態，點知 入到去店員好有禮貌甘上前打招呼問我堂食定系外賣，我話外賣跟著問店員有咩好介紹，服務態度非常殷切好細心咁樣介紹每一樣嘢 ，到最後我叫咗個角切魚生丼，每樣魚生都有啲，食材新鮮性價比高，乾淨衛生值得推介…查看更多

近鰂魚涌K11一帶終於有間高質壽司店😀 早幾個月嚟食堂食，刺身好新鮮，處理得好好，老闆亦都好友善，會問客人有咩改善地方，食物點樣，而店內座位不多，所以整個環境同用餐經驗都好親切。記得之前老闆表示外賣只有丼飯，無壽司。但自晚巿禁堂食之後，佢哋都開始有得外賣壽司。當晚7點去到，可能疫情影響入少咗貨，好多貴價壽司(呑拿魚，池魚) 都賣晒🥺 好彩仲有北海道帶子，仲平咗$2速銷，但質量同之前堂食一樣咁鮮甜大隻🤩唯一可惜嘅地方係啲紫菜真係好林😂由買到食應該15分鐘時間，大概呢個就係佢哋當初唔想做壽司外賣嘅原因之一？😂整體嚟講，呢間嘅質素的確唔錯，但係外賣嚟講都算偏貴，如果老闆可以有外賣9折作招徠，應該可以吸引多啲人幫襯😀…查看更多

番工既日子，唔夠時間行太遠又諗唔到食咩..就會諗起佢夠晒近, 又夠快.其實我食黎食去都係北海道魚生飯。魚生有: 三文魚、大大隻蝦、油甘魚, 同埋我最鍾意既帶子呢間鋪既魚生係好新鮮👍🏻而且魚生飯唔係普通壽司白飯，加埋啲飯素？🧐🧐有紫菜碎芝麻，食慾大增😝平時啲飯都唔會食得晒，唯獨呢間既飯會食多左個人都幾欣賞呢間食店，食物乾淨衛生，鋪頭乾淨企理，同埋staff都好有禮貌。會繼續幫襯😝😝😝😝😝…查看更多