影片
港铁湾仔站 D 出口, 步行约3分钟
继续阅读
电话号码
93918775
营业时间
今日营业
12:00 - 15:00
17:00 - 22:00
星期一至日
12:00 - 15:00
17:00 - 22:00
以上资料只供参考，请与餐厅确认详情
今日去咗湾仔厦门街嘅日本料理。依间餐厅真系可以叫做系亲民又隐世呀！餐厅晏昼主打丼饭，而夜晚就有其他特色嘅日本料理食。呢度嘅刺身真系好新鲜，真系不时不食啊，佢会推介一啲新鲜嘅食材，俾我哋去拣。我哋5个人叫咗八至九样嘢食都已经觉得好饱好满足1.牛他他平时食开嘅牛他他都系切开一条条，然后捞埋一齐食， 而依个牛他他，系成块去切出嚟食真系好好食，脂肪分布平均，所以食落唔会觉得太油腻，而又觉得好有油香，肉质都好鲜嫩，食落唔会有筋！就咁见到个样都已经可以流晒口水喇2.蜜柑鲷餐厅啱啱翻咗新鲜嘅鱼生，推介蜜柑鲷，顾名思义鱼肉有蜜柑嘅味道，因为依只鱼系蜜柑大，所以会有蜜柑嘅味道。鱼肉非常之鲜嫩实肉，食落好有咬感，但又冇筋而又有一丝丝嘅蜜柑，味道真系好特别。 咩都唔点就咁食都已经觉得好好食。 如果点埋佢附送嘅酱汁一齐食， 哇，真系觉得好正啊！佢个酱汁系经特别调制过，令食物嘅味道更加提升咗。3. 令和之怪物讲起食日本蚝，就梗系唔少得令和之怪物啦，真系好大只呀。平时食蚝都好怕食到咁大只。 因为通常都冇乜味道，亦都唔系话好creamy。但呢个蚝真系好肥美，好有味道净系加少少柠檬汁就已经令佢个味道就更加升华，好鬼好食，好鬼满足4.沙甸鱼寿司厨师是日推介沙丁鱼寿司，对于我嚟讲沙甸鱼寿司好似好奇怪咁样，但食落又真系几好食，鱼肉够晒。 嫩滑食落唔会有平时食沙甸鱼罐头嘅味道，而且最重要系佢啲寿司饭真系好好食，好多贵价日本餐厅做嘅寿司饭都唔好食，而呢度嘅寿司饭又真系估唔到做得好好，因为饭粒软硬度适中，调味做得好，令饭唔会抢咗鱼生嘅味道或者个饭冇味。 而且握制时处理得好，所以寿司饭夹起唔容易散。 但系摆落口真系易散开，非常正5.串烧我哋嗌咗啲串烧 佢推介都鸡嘅内脏，佢依度啲内脏处理得好。 所以唔会有雪味，亦都将内脏嘅独有味道减到最低，所以烧出嚟味道容易入口，好岩好怕食内脏味道嘅朋友仔试下6.鱼汤我本身个人系非常之怕饮鱼汤因为觉得腥。 但系呢度嘅鱼汤我都饮得到， 鱼汤味道够晒清香又饮到鱼嘅味道，但又唔会觉得腥，食完饭刺身后饮返一碗热辣辣嘅鱼汤，真系好舒服7.刺生丼饭依度本身主打当饭，就梗系要试吓啦 海鲜丼饭上面嘅海鲜样样都非常之新鲜，海胆非常鲜甜。，而虾食落亦都爽口弹牙非常之正，其他嘅鱼肉刺身都好新鲜。 带子亦都非常爽口。 加少少豉油捞埋啲饭一齐食。 哇，真系好正啊整体嚟讲，餐厅食物质素非常之高，而且价钱易亦都非常之抵。如果依一餐喺出边日本餐厅食应该都要几千蚊落楼， 但系呢度只不过系千零蚊非常之抵食。呢度又平又好食，真系好啱一班好钟意食日本料理嘅朋友仔嚟食返餐
继续阅读
Late lunch想食带子刺身。行过湾仔呢条可以叫食街嘅厦门街，日式舖头都有唔少。行近电车路口俾呢间menu色彩鲜艳嘅舖头吸引入左去。间舖头细细，大概可以坐20个人，木系装修。午市套餐每个餐都跟沙律同面豉汤，可以加15蚊转佢哋个招牌鱼汤。我拣咗有牛油果嘅火炙三文鱼带子丼。等咗一阵就上咗例牌嘅汤同沙律。到个主角，个丼饭都几大碗，有四大块三文鱼，三只一开二嘅带子，牛油果占咗三分一碗面，仲有啲蟹子。三文鱼都几肥美，火炙过都唔鞋。不过带子就令我有少少失望，可能因为火炙到半熟佢有啲鞋，亦食唔到带子应有嘅鲜甜味。反而牛油果同蟹子加埋醋饭就出奇好食，口感丰富，又creamy,又pop pop，咸得黎又有啲甜，甜得黎又有啲咸。
继续阅读
最近又揾到一间高质嘅日本刺身丼饭专门店🥰位于湾仔厦门街嘅「丼盛日本料理」，地铁站行过嚟唔使3分钟就到，非常就脚👣醒目嘅招牌大大只字写住店名好易认👁️《 牛肉他他 》 $88 4 / 5埋位冇耐已经上咗前菜「半熟牛肉他他」🐂 全生嘅食得多，估唔到半熟嘅牛肉他他肉味更浓，而且咬落去仲好有筋道，越嚼越香😝夹块生洋葱片，点埋店家嘅秘制酱汁，微辛又爽脆令到味道同质感更有层次～《 茶碗蒸 》 $78 4.5 / 5跟住就嚟一份豪华版「茶碗蒸」，上汤蒸鸡蛋滑捋捋，海鲜配料有鲜甜嘅海胆、大大只爽弹海虾同肉质厚身嘅带子🐟 鸡蛋吸收晒海鲜嘅精华，仲暖笠笠添～《 厨师发办丼 》 $268 4.5 / 5前菜已经咁高质，估唔到主食更精彩！厨师发办丼嘅新鲜刺身铺满饭上边好似聚宝盆咁满🤩新鲜大拖罗油光满满，鱼香冇得顶！太刀鱼经炙烧焕发出炭火嘅香味；赤背裙边用海苔同青瓜包住手工一流，入口清爽😋 海胆拌青瓜更加系鲜甜滑溜，珍珠米饭索晒鱼油香，成个丼饭真系好满足！🤤《 寿喜烧 》 $118 4 / 5浓味酱油汤底滚吓滚吓肉香四散🐮牛肉肉质饱满，酱油嘅香甜渗晒落肉入面，锅入面仲有粉丝、野菜同豆腐等越食越开胃👍🏻总括嚟讲佢哋嘅食材真系舍得用靓料，尤其是鱼生真系食得出新鲜冇雪藏味，师傅嘅手工亦都好好！😎👍🏻 主打嘅丼饭仲有好多唔同嘅款式，期待下一次再试佢哋嘅靓丼饭！———————————————🏠环境舒适度：💛💛💛💛👅舔脷回头度：💛💛💛💛💛📸打卡able度：💛💛💛💛🙇🏻♀️服务满意度 ：💛💛💛💛————————————————
继续阅读
很少写食评，但真心推介这里给各位。这里的寿司材料新鲜，价钱相宜。海胆军舰新鲜，紫菜脆。墨鱼寿司，爽脆冇渣。三文鱼腩寿司，大件夹抵食。最推介的是他们的鱼汤，超浓的鱼味，用料充足，一试返唔到转头！饮得出系用咗几十条鲜鱼用咗好多个钟头熬出嚟先会有呢一种味道！他们的串烧也是有惊喜！豆腐先炸再烧，在其他餐厅未食过这种口感。烧鸡皮将所有油分迫了出来，十分爽脆。员工十分亲切。已经多次光临，就算唔系住湾仔都特登过嚟， 130相信未来还会继续帮衬。很少写食评，但真心推介这里给各位。这里的寿司材料新鲜，价钱相宜。海胆军舰新鲜，紫菜脆。墨鱼寿司，爽脆冇渣。三文鱼腩寿司，大件夹抵食。最推介的是他们的鱼汤，超浓的鱼味，用料充足，一试返唔到转头！饮得出系用咗几十条鲜鱼用咗好多个钟头熬出嚟先会有呢一种味道！他们的串烧也是有惊喜！豆腐先炸再烧，在其他餐厅未食过这种口感。烧鸡皮将所有油分迫了出来，十分爽脆。员工十分亲切。已经多次光临，就算唔系住湾仔都特登过嚟，相信未来还会继续帮衬。
继续阅读
叫左一碗饭、一碗面、一杯酒。等左20分钟，全场得3枱客。（一枱食紧，一枱刚到）见刚到既客都有酒、茶但得我地咩都冇（酒、茶都冇），要主动问！原来拎漏左杯酒（倒杯酒都系10秒既事）、未煮面（味精汤既简单牛肉乌冬）但戏肉系！！追单个阵，问左句：请问我地个枱有冇漏单？个待应话：我地得一个厨炸，我帮你唔到啊！???????咁既态度？其实简单覆句：「帮你追下」…咁就得啦！仲要同早到既熟客不断咁单单打打我地，讲d有骨既说话比我地听，话自己都冇办法帮我地、点做姐…
继续阅读