丼吉日式吉列豬排專門店 (新城市廣場一期)

营业中

休息中

香港有好幾間吉列豬既專門店當中丼吉係我最喜歡既一間不論係裝修 到味道 到椰菜絲既醬汁都係最對胃口既今日突然間好想食好味既日本米飯再望望商場既水牌毫無懸念咁揀左丼吉因為佢既米飯係又香又黏又好味加埋個吉列豬 真係非常夾今日同老公2個人叫左一個吉列豬柳定食 同埋一個天婦羅蝦拼帶子定食侍應哥哥都好貼心咁幫我地放埋一個碟等我地SHARE飯同椰菜絲都係任加既椰菜既醬汁有柚子同紫菜2個味 都非常開胃吉列豬柳有4件 再CUT一半即係一份有成8件個吉列係一D都唔油膩 淨係食到鬆脆豬柳有肉汁之餘 仲係嫩既! 之前有揀過豬扒但總會有D鞋 豬柳就完全無哩個問題另外個天婦羅蝦都好好食絕對無楂流灘 隻蝦都食得出係甜既大蝦帶子就一般 大大件但無乜驚喜定食仲配埋味噌湯同埋甜品/水果一人大概三百拎蚊唔算好抵食但一定物有所值

I’m Japanese Ameand have eaten Japanese food all over the world including Japan. This was one of the best Japanese restaurants we have ever been to. The food, chicken katsu and the katsu donburi were fantastic. The service was equally fantastic. The food quality here is excellent, the service excellent, their prices reasonable, but can be very busy during peak hours, so will often wait in line. We will definitely return on our next visit to Hong Kong! Check this place out, but perhaps during off

沙田新城市一直有間吉列專門店好想試下，今日適逢友人生日，而佢又比較喜歡食吉列一於到沙田慶生我地點左兩份定食，大家可以share 鹿兒島特等厚切豚肉定食$328食美食前先勞其筋骨，磨下芝麻先，一路磨有路聞到好香芝麻味，之後再加點豚肉汁食鹿兒島特等厚切豚肉鮮嫩多汁點上特制醬汁好香吉列宮崎牛肉定食 $398宮崎縣黑毛和牛夠矜貴入口即溶，又唔油膩黑毛和亦可選擇點海鹽或芥末定食有飯、椰菜、麵豉湯、漬物及水果（飯同椰菜還可以無限添加）椰菜有兩款醬汁自由選擇，1.柚子汁2.紫菜汁，感覺幾新穎，我喜歡加點紫菜汁麵豉湯味道濃郁，內有花甲、豆腐最尾還送上西瓜🍉生果作結尾枱上放置醬汁可供我們自由選擇整體吉列岀色炸得很脆口，又唔厚粉

同朋友都好懷念一齊喺日本食炸豬扒嘅時光,決定相約喺呢度重拾日本嘅味道由於book咗位,所以兩個人都畀咗卡位我哋 座位好闊落,食飯傾偈好舒服。不過呢度部分卡位嘅設計,同隔離卡位並唔係完全隔開, 私隱度相對就冇咁高。叫咗一客前菜,芝麻醬豆腐,一客二人套餐,吉列豬扒拼豬柳,同埋一客豬肉湯。落單之後,侍應會畀芝麻我哋自己磨,隔咗一陣好快就有嘢食啦。吉列豬柳有四件,cut開分成8件,肉質好鬆化,而且唔肥,炸得好鬆脆至於吉列豬扒肉質就會硬身少少,有四分一嘅脂肪,有啲肥。個人就比較prefer豬柳,肥瘦適中好好味芝麻豆腐好滑,絕對係靚嘅豆腐所製成。豬肉湯我就冇飲啦飲咗麵豉湯,唔會太鹹,裏面有豆腐,海帶同埋少少蜆肉,唔錯既。不過豬扒如果放得耐咗一陣就失色好多,所以一定要趁熱食。順帶一提呢度嘅服務都幾好,由於白飯同埋菜絲係無限添加,店員會經常走埋嚟問你需唔需要加菜,好細心。

丼吉吉列店香港人絕不陌生也是我在中學時代約會的地方吉列炸物售價絕不便宜但我敢說絕對是香港數一數二的吉列店除了吉列炸物還有小食烏冬等我當然專注他們的強項吉列二人最好點二人吉列套餐先送上炸軟殼蟹一隻炸得外酥脆內軟嫩二人餐有豬扒豬柳炸蝦炸蠔豬扒比豬柳肥一點味道更甘香吉列大蝦體型極龐大吉列炸蠔絕對是水準之作外層酥脆內有蠔汁大滿足套餐有麵豉湯飲料和甜品甜品只是數件西瓜有點小失望總括而言這裡吉列水準超高絕對是我的香港第一吉列店

今日經過新城市廣場，晚上到了七樓吉列豬排專門店食飯，店內和風設計,空間寬敞,不會坐得太擠迫,睇了 餐牌， 除了招牌炸物， 還有不少刺身選擇我們點了炸豬排吉列蠔套餐，另一份是吉列豬柳套餐 未上主菜先給我們一碗芝麻 店員教我們先把芝麻磨碎再淋上醬汁， 在麻芝麻期間， 芝麻的香氣散發出來， 十分開胃， 等了一會主菜終於上了 先喝一口 麵豉湯， 麵豉湯內有豆腐， 蜆肉 麵豉湯不會太鹹 ，吃得出蜆肉是新鮮的 吉列蠔外脆內軟 不會炸得太乾 炸豬柳十分juicy， 竟然有肉汁 估不到， 另外出面的炸漿也不會和肉分開 令人一口接一口 吉列豬扒也十分好吃， 就算吃到最後一件，外層的炸漿也是脆的不會油膩 最後吃完晚餐還會附送西瓜一客滿足

同朋友慶祝生日去食日本嘢，4個人為就腳而選擇係新城市廣場喥食。當中生日嗰個指定話想吓呢間「丼吉日式吉列豬排專門店」。原本我朋友以為呢喥會有壽司食，但睇完menu之後先發現係無嘅～😂所以都係唔好諗咁多，直接揀佢哋最hit嘅吉列定食嚟share喇！點好餐後，店員就會先嚟一人一碗芝麻同一枝木棒，磨碎啲芝麻之後再加埋醬汁就可以等我地嘅主角出場喇～🤘🏻本店特選吉列定食 $738呢款定食包括咗豬排、豬柳、大蝦同蠔！吉列豬柳定食 $238所有炸物外層都好酥脆，內裡一啲都唔乾！吉列豬排好大塊，點埋一開波整嘅醬汁真係無得彈！👍🏻吉列蠔好重蠔味勁juicy～大蝦🦐夠大碌！而我最鍾意嘅其實係佢哋嘅吉列豬柳，豬柳🐖本身好厚，食落去你會覺得吉列同肉嘅比例配合得好好！大大啖大大啖咁食，好滿足！順帶一提，定食入面嘅椰菜絲同白飯店員都會主動幫你無限添加～配埋紫菜/柚子醬汁可以大大減低食吉列時有嘅油膩感。

是日返到公司，都未開始做野，就已經見到新聞話天文台會係十二點至兩點改掛八號風球。好唔容易先過到一個上午，終於可以回家渡過難得嘅「風假」。去到屋企附近嘅超市，貨架上空空如也，屋企又無咩存貨，晚餐就唯有去附近商場解決吧。傍晚六點幾去到新城市廣場，唔知係因為最近嘅政治環境定係點，商場真係唔多食肆開，最後搵到位於七樓嘅「丼吉日式吉列豬排專門店」。聽餐廳名都知呢度出名嘅係吉列豬排，我地又點可以唔試下呢？我地一行三人，叫左兩個餐同埋一個沙律。落單後，店員就俾左芝麻，碗同棒我地，等我地磨過後加豬扒醬，磨嘅時候散出陣陣香味，真係令我地未食野都已經流晒口水呀。特上刺身沙律：呢份沙律份量都算多，刺身足料之餘仲好鮮甜。 刺身有三文魚、油甘魚、帶子同埋飛魚籽，全部都切到細細粒，容易入口，粒粒都相當肥美，加埋新鮮爽脆嘅沙律菜，配上酸酸地嘅柚子汁，味道真係非常夾，食落好開胃。滑蛋吉列豬扒定食：滑蛋豬不嬲都係我嘅至愛，半生熟嘅蛋加埋炸得剛剛好嘅吉列豚肉，只係賣相已經好吸引，豬扒厚身大件，咬落去外皮半硬半軟，肉質又鬆化又有口感，加埋滑蛋，味道帶有濃郁嘅蛋香味，真係天衣無縫嘅配合。  滑蛋吉列豬扒可以跟丼或者定食，想食

自從上次在IFC吃過這間 後一試難忘，這晚轉戰其他分店，來到了沙田新城市廣場，餐廳半開放式，被安排到卡位，座位十分舒適寬敞。小食點了一客炸軟殼蟹 $138，還有兩個吉列定食，分別是吉列鰻魚定食 $248及吉列生蠔豬柳定食 $288。炸軟殼蟹炸得香脆，內裡滿滿的蟹膏， 蟹肉鮮甜，而且炸粉漿很薄，啖啖肉。吉列鰻魚定食， 鰻魚通常都會以蒲燒鰻魚製法， 吉列鰻魚倒是第一次吃，吉列鰻魚外脆內軟，口感層次分明，加上鰻魚汁十分惹味。吉列生蠔豬柳定食，炸生蠔外脆內juicy，充滿海鮮味道; 炸豬柳厚切有口感，肉質鬆軟，沾上即磨芝麻豬扒汁，味道立刻提升。另外其日本米飯及椰菜絲沙律是無限添加的， 日本米飯粒粒通透，飯味香; 椰菜絲沙律清新，配上西柚汁很醒胃，店員不時主動幫忙添加。最後飯後果是一杯清涼西瓜，頓時降火解熱。

夜晚放工和弟弟在屋企附近晚餐，因為他愛吃炸物，所以就去吃吉列豬。吃日式吉列豬都是要自己磨芝麻的。*特上刺身沙律 ($148)先來一個沙律開胃一下；沙律汁酸酸的，刺身很鮮甜，沙律菜很爽脆。*脆炸軟殼蟹 ($138)除左吉列豬，炸軟殼蟹都炸得很香脆；不過個人覺得味道偏咸。*特上豬扒豬柳定食 (兩位用) ($438)這份兩位用的定食，份量是可以給二至四人，可能是我們太細食了！豬柳厚厚的，肉質有彈牙；炸粉很薄，而且口感酥脆；有兩碗飯麵豉湯豬扒肉質會juicy一點！豬柳豬扒*水果吃了很多炸物，每台都有免費的手果可以消膩。

food is good, but absolutely not THAT good.Commeents on food:Tofu: okSashimi: genki quality maybe?Fried: nice quantity, but not juicy and not hot enoughEnvironment: okService: okIf the price is halved, I will consider visiting again.

話說是星期六去食，我們排了1個多鐘才有位！所以想去食就最好預早一點去！🔸「限定版鹿兒島吉列豬扒180g」🔸豬柳好吃，炸得好脆，店員介紹豬柳的肉汁會比豬扒多，但畢竟是豬肉，也會有一點點乾。這份餐好大，一碗飯，湯，豬柳跟沙拉，食不完！.🔸「吉列大蝦定食」🔸我們叫了珍寶版的，蝦超級大隻，肉質有彈性，感覺似食龍蝦一樣，推薦！.🔸「泡菜豬肉溫泉蛋飯」🔸泡菜的味道偏甜，比酸的好食。泡菜跟豚肉的份量多，多汁，配珍珠米好味！.🔸「吉列薯蓉」🔸不好食，好像完全沒調味，一點咸味都沒有！.🔸「吉列神戶牛肉薯餅伴大蝦定食」🔸這個蝦比較小，但是都好新鮮，肉有彈性，神戶牛肉薯蓉就普普通通！.最後有生果送，西瓜都夠甜多汁！.服務方面好一般，我們六個人，竟然問我們坐不坐四人桌！！每人叫一個餐，請問可以放的下嗎？！同行有孕婦，不能飲茶，就另外叫一壺水，飲完添水的時候竟然給我們添了一壺茶，整個無言！還有吃到後半段時間，食物剩一點點，可能我們停下在聊天，就開始不段黎問我們吃飽未，要收走餐盤。趕住上生果......食物方面很不錯，就希望之後服務會有改善！

上次食完 join 咗 member今次就帶埋屋企人嚟唔好成日食中菜啊嘛今次叫咗個 蝦x豬扒二人份 + 一份豬柳餐最鍾意係佢會 combine 一碟可以 share 之餘又溫馨啲啊嘛(次次都唔記得豬扒定豬柳好味結果係次次都叫晒兩款)豬扒就有油香半肥瘦咁樣好香口豬柳就比較瘦個人嚟講就麻麻地因為會鞋少少蝦今次叫咗大蝦, 筷子咁大隻又好爽口可以 encore 啊下次!!每次都不停 refill 佢嘅菜配埋柚子汁 清吓油膩感同時又減低吓罪惡感😂

食物有質素, 服務周到, 侍應有禮, 午餐愉快! 如同其他食評餐廳寬敞, 環境寧靜, 適合同朋友聚舊~ 入座後, 侍應先送上熱茶雖然呢幾日天氣好熱, 但都唔會想拒絕熱情招待. 另外部長放上方便客人隨時添熱茶, 同埋放上+介紹各醬汁點用雖然醬汁都有標示, 但欣賞部長細心耐心講解~ (配木魚絲) 夠哂凍, 夏天啱哂! 波菜算新鮮, 份量以小食黎講都合適. 有蜆! 好感動 好脆! 新鮮炸, 廚師應該有再番炸, 先做到呢個效果~ 唔太油膩, 亦唔會太多漿~ 豬扒好嫩, 咬落有汁, 中間夾左少少肥膏, 唔會太乾身/韌 沾柚子汁最好味, 侍應見我快食完, 有主動問需唔需要再添 (甜品) 夠沙+夠凍, 超讚為成個set錦上添花!所以呢餐係值既

同女朋友係沙田新城市睇戲，之前揀係商場內醫肚。我倆口子都鍾意日本菜式，固之然這間＂丼吉日式吉列豬排專門店＂很易吸引我們幫襯。舖位門面對開是樓層走廊落地玻璃，沒有太多牆身，感覺開揚。等位廚窗見到食物模型好大件，心諗唔知真的食物size係咪一樣咁大件呢？埋位後，先見到枱面已預備了西柚汁、紫菜汁連芝麻用來稍後沾吉列物及菠菜絲。我們叫了＂吉列神戶牛生蠔定食＂及＂吉列豬朳定食＂。大大件吉列豬朳、牛都炸得香脆鬆化可口，肉質肥瘦適中；菠菜絲更可以任加。另外小菜＂冷菠菜＂亦做得出色，配上醬汁及木魚食落醒神開胃。最後奉上甜品西瓜（意想不到有西瓜），今餐食得既豐富又滿足。（回應之前話係廚窗見到好大件食物模型，原來真的上枱食物都真係做到咁大size的）