影片
营业时间
今日营业
11:30 - 22:00
星期一至日
11:30 - 22:00
以上资料只供参考，请与餐厅确认详情
有关奖赏计划
相关文章
四月是霖迪的生日月，也是忙得不可開交的四月。這天來到九龍塘工作後，同事記得是霖迪的生日，便去吃頓豐盛的生日飯。數訪又一城的丼吉，自是知道這家定價不低，午市相對化算豐盛些，而近日更推下午茶，同事嚐過覺得划算，同時買下現金券，是故這夜同事請客在此謝過。近日過著大魚大肉的生活，自感罪過萬分，丼吉並非霖迪首選，但這家水準穩定又是個事實。晚市定食料理價位在$300以上，包含吉列主食、白飯、吸物和前菜，亮點是在無限添加的生菜絲，可稍稍減輕瘋狂吃煎炸肉類的內疚感。選期間限定特等厚切即鹿兒島吉列豬扒定食($328)，以及吉列廣島蠔配炸蝦定食($318)。特等厚切即鹿兒島吉列豬扒定食($328)被譽為極上之豚，對此味甚是期待。一整塊吉列豬扒比恆常的份量更多，雖未有預想的厚切，但感覺仍是比較實在。豚香未算濃厚但肉質軟嫩，邊位帶一點脂膏，能嘗到脂香又不會太肥膩，對愛豚者來說算是上選。至於同事選的吉列廣島蠔配炸蝦定食($318)，是丼吉的穩陣王牌之選。炸蠔肥美鮮嫩，吉列炸皮厚度恰恰好，而炸蝦就是最熱門的配搭。同事加配了刺身拼盤，店員強調那是一人前，霖迪覺得價位偏高了所以沒選，不過擺盤帶高級感，也算是賞心悅目的。店員表示四款飲品做推廣優惠，於是點了蜜桃梳打和梅子梳打，梅子梳打沒有想像中的清新，屬醃製的梅子醬汁，配梳打仍是有點太甜了。這家的汁醬主要有三款，不怕甜膩的就選豬扒醬來蘸吉列，而柚子醬、紫菜醬就是椰菜絲的最好搭配，不過是次的生菜似乎非最新鮮的狀態，有點泛黃，作為丼吉的亮點，是次有點失色，畢竟丼吉的平替版京都勝牛就弱在菜絲的一環，作為吉列高級版便不容有這些落差。時常選丼吉的原因，絕大部分是因環境與服務。有說這家侍應有點催逼，誠然吃到尾聲，整理餐桌、端上水果是有點趕客的意味，而當晚入座率不及一半，其實沒有翻桌的壓力，不過是晚我倆也算在店內待得挺久的，正所謂「阻人收工猶如殺人父母」，還是識相離開好了。二人就餐這家還不算便宜，倒是覺得在午市前來，透著陽光的用餐環境，加上豐盛的午餐定食，是丼吉的最佳選擇。感謝同事的生日飯！工作順利就是最好的生日禮物。
继续阅读
今日去了這間香港有好多分店的日式炸豬扒飯。食完之後仲買咗佢嘅優惠券，$1200可以減$200。同爹哋媽咪同埋細佬食，4個人。叫了2個2人餐。佢嘅醬料好特別，有芝麻同埋醬汁好似要揼碎啲芝麻後再落醬汁，除咗呢一樣之外仲有其他嘅醬汁可以撈沙律菜。爸爸就最鍾意食嗰個菜，即刻問咗侍應係咩菜，侍應話係普通椰菜🥬。爸爸話好甜好鍾意食，而家佢年紀大啦，好多食物都唔係好啱食，好在今次嚟到呢度佢都鍾意食呢度嘅菜式。菜有得添加，好平衡，有肉有菜🙂↔️。豬扒炸得好酥脆，用了麵包糠。餐廳有少少露天位置，坐得得好舒服同埋侍應好有禮貌教我哋點樣用醬汁。
继续阅读
今次同朋友叫左吉列豬扒定食和吉列炸蝦定食。吉列豬扒定食，真的是太好吃了！豬扒肉質鮮嫩、口感十足，加上獨特的醬汁，簡直就是絕配！定食還附上了味噌湯、日式沙拉和鹽漬菜，讓人吃得很滿足。😍接下來是吉列炸蝦定食，外層酥脆，裡面還有著鮮美的蝦肉，吃起來真的是超級好吃。同樣地，定食還附上了味噌湯、日式沙拉和鹽漬菜，讓人感覺很健康。😙除了食物的好吃之外，這家餐廳的服務也是相當不錯的。員工態度親切熱情，讓人感到很受歡迎，而且上菜速度也很快，讓我們不會等太久。👍🏻
继续阅读
每次去又一城睇戲都會見到呢間日式炸豬扒餐廳門口都係排緊長龍，想試好耐，剛好朋友同我食生日飯就拉埋佢陪我排一次😝好彩可能因為係平日關係，七點鬆啲去到前面都係得兩枱就到我地，大約等左半個鐘就有位。入面座位都闊落，整體環境整潔。•🔸上級吉列豬扒，豬柳，深海大蝦定食(二人餐)🐷🦐 $518由於我樣樣都想試所以叫咗個有大蝦、豬扒同豬柳既二人餐。二人餐包括左漬物、蜆肉麵豉湯、炸物、白飯、沙律菜同埋生果，好豐富。漬物、白飯同生果都不過不失。蜆肉麵豉湯，麵豉香味唔突出主要得鹹味，試過一兩啖就算😅畢竟唔係主角。重點炸物方面整體炸皮薄身得黎非常酥脆，炸得好好而且保留到入面部份嘅肉汁，有加分。🦐炸蝦好大隻肉質有彈性，好食！🐷炸豬扒味道肉味較濃，但係有啲筋，部份位置比較難咬。炸豬柳肉質柔軟好易咬，雖然肉味冇咁濃，但比起豬扒我更鍾意豬柳個質感。而最有驚喜嘅竟然係椰菜⭐️，出奇地非常之清甜爽口同之前食過其他店完全唔同，淋上佢地提供嘅兩種沙律汁(紫菜汁、柚子汁)，非常開胃，同時平衡到咋物既熱氣。紫菜汁帶昆布少少咸既味，柚子汁就酸酸甜甜咁，連平時唔係特別中意食椰菜既我都同朋友refill左4-5次。🔸巨峰梳打🍇 $42味道唔算太甜少少乳酸味幾好飲。—————————💬整體餐廳環境同服務都唔錯，食物都係中上嘅水準，但性價比唔算最高，同埋聽朋友講佢地原來有收茶錢$9一位，而且大部份時間都要排隊，不過食炸豬炸蝦黎講都係會回頭嘅店黎😆
继续阅读
🐷🐷🐷去完日本旅行好掛住日本吉列豬，返到香港又要食一食止下癮先🤭🤭今次依間連鎖吉列豬扒店開左好耐，相信好多人都有試過，但既然食好野，緊係點都介紹下先有一碗芝麻自行磨碎，芝麻味好香可配三款醬，一款清甜帶蘋果味，中間係微微醋酸既炸豬扒汁，第三款係第一次見嘅紫菜醋，按口味配合返炸物或野菜同日本餐廳一樣，白飯同椰菜絲都係免費添加吉列豬柳定食($238)主食黎到好香，即叫即炸，有豬肉甜味，肉質鬆軟juicy，唔會話炸到好乾好鞋，仲keep到豬柳入面有肉汁👍🏻👍🏻👍🏻配合秘製豬扒醬的確攞滿分，碟邊附有黃色芥末都係唔錯既選擇依個定食比貴日本好多，但出奇地更好食日式豬肉湯(定食加$36）可以將定食既麵豉湯轉做豬肉湯，加錢嘅豬肉湯同其他炸豬扒店嘅有唔同，加左切片香菇，層次豐富咗，多一種鮮味，入面既豬肉就算煲左湯黎，配返紫菜醋都好好食，加埋飯落湯度食，亦都相當好味👍🏻👍🏻👍🏻最後都有飯後果西瓜同玄米茶作總結，西瓜起沙但唔夠冰凍，不過都已經非常滿足
继续阅读