影片
丹山 (深水埗)深水埗钦州街37K号西九龙中心6楼美食广场6FC21-23号舖味道指数：⭐⭐⭐⭐⭐抵食指数：⭐⭐⭐⭐⭐环境指数：⭐⭐⭐⭐服务指数：⭐⭐⭐⭐食物推介：韩式炒面 $45，烧汁 $15，吉列猪扒 $15，吉列炸虾 $15，温泉蛋 $5韩式炒面：炒面炒至恰到好处香喷喷, 配料有银芽、泡菜和粟米粒, 所以一次过品尝到银芽清脆的口感、泡菜酸甜的风味和粟米自然的甜味！😄😄😄烧汁肥牛：鲜嫩可口的牛肉, 经过烧烤后表面呈现出诱人的焦香,内部则保持肉质的软嫩,配合上浓郁的烧汁,呈现出甜咸并重的绝佳滋味！👍👍👍吉列猪扒：猪扒经过吉列烹调后,表面酥脆金黄,内部却依然保持肉质的嫩滑,啖啖爽脆滋味！😍😍😍吉列炸虾：虾肉经过吉列烹调后,表面酥脆可口,内部却依然保持鲜虾的甜美多汁, 大人同小朋友都爱食！😋😋😋温泉蛋：精心烹调的鸡蛋,蛋黄呈现出半固体的质地,散发出浓郁的蛋香,配韩式炒面一 流！❤️❤️❤️
继续阅读
今天经过西九龙中心见到有间韩国菜仲见到居然有我最钟意食嘅关东煮，所以决定入去试下！关东煮乌冬（$40）首先汤底真系超级清爽，味道鲜美，喝一啖都唔觉得油腻，入面的竹轮口感弹牙，咬下去有种爽脆的感觉，而蒟蒻则带有一点韧性，嚼劲十足。大根萝卜吸收了汤的精华，甜中带点清香，真系好好味！再加上照烧鸡肉，鸡肉嫩滑多汁，酱汁的甜味和咸味恰到好处，令整碗关东煮更加丰富，吃得我意犹未尽。韩式炒面（$45）这道菜的颜色就已经好吸引到我，金黄色的面上面仲有银芽、泡菜同粟米粒的点缀，炒面的火候掌握得好好，面条炒得香脆，唔油腻，银芽的清脆感和泡菜的酸辣味道令整个炒面更加开胃。特别是搭配烧汁肥牛，牛肉切得厚薄适中，肉质鲜嫩，酱汁的味道浓郁却不会盖过面的风味！我对于这次的用餐体验好满意，无论系食材的新鲜度还是味道的搭配都让我感受到韩国菜的魅力。下次我会想试埋佢个砂锅味噌乌冬！丹山 (深水埗)深水埗钦州街37K号西九龙中心6楼美食广场6FC21-23号舖
继续阅读
近期见到好多社交平台都开始提及西九龙中心Food Court食肆有好多隐世平民特色小店，今日同另一半收工后专登去朝圣。首先今日介绍既小店系6楼C21-23店，佢开系意大利手工意粉店斜对面，系一间卖日韩食物嘅特色小店。呢间小店门面正常唔太花巧做作，我哋安顿好座位后睇下个餐牌， 餐牌款式唔算多，但老板介绍比较好食嘅系关东煮同埋咖哩系列，而且所有嘢都系即叫即做。最后，我哋每人一个餐加埋啲小食。系老板专心烹调嘅时候我哋就舒舒服服喺吧台倾下偈。成个Food Court环境好开扬有好多唔同款式多国菜，有需要亦可以系旁边小店购买手摇饮品，所以Food Court嘅性价比真系相当高。等咗十分钟左右所有食品都陆续上枱啦~~~ 首先介绍个关东煮乌冬，入边配料有大根萝卜、竹轮、蒟蒻同温泉蛋，食材都好鲜甜入味。大根萝卜一啲渣都无好入味；竹轮有几条，味道都系坊间嘅味道；蒟蒻大大件，口感烟烟韧韧好饱肚；温泉蛋卖相吸引大大只；加上手打赞岐乌冬相当挂汁，所以捞埋温泉蛋一齐食质感烟韧口感丰富，亦有香浓蛋香味。到日式咖哩乌冬配汁烧肥牛，首先肥牛好嫩滑而且份量好多；日式咖哩汁系自己调配，唔似坊间日式咁死甜，佢有少少辛辣既惹味；配合手打赞岐乌冬挂汁强，搅拌好食成件事好刺激好惹味。配合埋分汤上既油扬豆腐真系好有惊喜，入口多汁甜甜地好有日式嘅味道。另外不得不提两款小食照烧鸡扒及吉列猪扒，因为系即叫即做所以上枱时好够热，份量正常。汁烧鸡扒烧到外皮香脆，肉质鲜嫩多汁惹味；吉列猪扒即炸非常烫口外皮酥脆，猪扒嫩滑多汁，两个主食加埋小食质素都好满意，埋单每人都系$60蚊左右，价钱好抵。最后帮衬埋隔离小店两杯手摇饮品，整餐饭平靓正，下次经过西九龙中心可以光顾下支持用心经营嘅小店。
继续阅读
西九六楼开多左好多食店，是晚试下丹山，主打铁板炒面同关东煮😋即叫即制制作需时，大概二十分钟就有得食啦，上枱时香喷喷👍⭐韩式炒面叫左份炒面，本身有泡菜、芽菜、粟米粒，再加左烧汁肥牛、温泉蛋、油扬豆腐，满满一盘几吸引😋温泉蛋蛋汁拌面劲正，面条弹牙有咬口，肥牛嫩滑。⭐关东煮乌冬另外仲叫左关东煮，呢份餐就配乌冬嘅，加了秘制咖喱酱，再加配吉列猪扒、油扬豆腐、年糕福袋🤤日式咖喱酱甜甜辣辣几香口，猪扒香脆，关东煮咸鲜好味，萝卜吸满汤汁好正。老板亲民有诚意，多多支持小店呀！
继续阅读
#HTB美食推介【📍深水埗｜必试秘制咖喱酱】🐨关东煮乌冬 $40推荐度：⭐️⭐️⭐️⭐单叫关东煮已经包括咗大根萝卜、竹轮同蒟蒻，真系行过路过食个tea都觉得抵呀！！关东煮汤底清甜冇味精，萝卜都煮得好入味清甜而且冇渣。乌冬系粗身有咬口嘅一款，份量都非常之多～小编仲贪心更加多咗只温泉蛋（+$5)，有助令乌冬入口更加顺口，口感更加丰富！！.🐨吉列猪扒 $15推荐度：⭐️⭐️⭐️⭐见到佢有得加配吉列猪，仲要只系$15性价比极高！！吉列猪炸即叫即炸热辣辣上枱金黄色，吉列做到外皮松脆，猪扒又咬口而且唔怕韧～另外因为坐Bar枱嘅关系，仲叫我试埋佢哋嘅秘制咖喱酱🥹认真真系一试难忘！！.🐨秘制咖喱酱 $5推荐度：⭐️⭐️⭐️⭐⭐秘制咖喱酱系由印度偷师，再加入厨师哥哥日本咖喱酱二合为一而成！！完全感受到秘制嘅感觉～咖喱酱甜身微辣，入口唔抢食到香料味，甜甜地好惹味。味道新鲜，整体非常平衡，有一啖接住一啖想食嘅感觉😍——☼——☼——☼——☼——☼——丹山📍地址：深水埗钦州街37K号西九龙中心6楼美食广场6FC21-23号舖🐨推荐度：😋😋😋😋/5 🪸环境：👾👾👾👾🗣️服务：👍🏻👍🏻👍🏻👍🏻👍🏻📸食物打卡度：💡💡💡💡🛠️分类：#HTB深水埗 #HTB日式
继续阅读