影片
以上资料只供参考，请与餐厅确认详情
食家推介
招牌菜
黄埔珍珠奶茶店「丸作食茶」，饮品选择几有特式㖞，有仙人掌、凤梨绿，现场见有一部珍珠制造机好吸睛，原来珍珠系自家制！成件事即刻吸引左😎。黑芝麻珍珠绿拿铁($32)/招牌之一，要左半糖。黑芝麻手摇饮料唔算常见，所以每次都唔放过，珍珠真系手工粒粒唔同形状，软糯有韧度多于Q弹口感，黑芝麻酱主要系底，不过不失，唔系特别浓，茶味同奶味同样好一般，无乜惊喜，正正常常咁，唔差唔惊艳。整体嚟讲无伏嘅，冲著手作珍珠，一试无防。
继续阅读
黑糖珍珠拿铁好中意佢呢度嘅黑糖珍珠，唔会好似出面咁得表面有黑糖味，佢地呢度嘅珍珠系食落入面都会有浓浓嘅黑糖味。原来佢地系毎日新解即制架，食落够烟韧，配搭埋红茶同鲜奶底，十分满足。佢地呢个嘅拿铁唔会太重奶味，茶同奶嘅比例都几balance 唔系侧重系其中一边。
继续阅读
我记得呢间茶饮店当初喺铜锣湾开张嘅时候，我同女朋友排左成半个钟先饮到。后来佢喺其他地方都开咗分店，加上人气已经冇咁劲，所以都饮过好几次了。我认为丸作嘅茶底本身都唔差，味道几清香。而佢最出色嘅就系佢啲珍珠，除咗系即整之外，珍珠亦有好多款口味拣，当中仲有啲系期间限定。啲珍珠除咗好fancy之外，佢个口感都好正，因为好Q弹好好咬。呢日我叫咗四季春配仙人掌珍珠同焦糖珍珠。我印象中价钱都只系$2x头，几抵饮。仙人掌珍珠就唔系好食得出系乜嘢味啦，不过就系粉红色。至于焦糖珍珠呢就甜甜地，所以好易认。我每次行过丸作，都会忍唔住买返杯饮吓👍。
继续阅读
黑糖珍珠奶茶/鲜奶！！黑糖味超级浓，唔会好似出面𠮶啲奶粉味！饮落好夹好中意！珍珠够哂味，好浓黑糖味！！！茶底够浓，好厚滑.不过只可以外卖，等候时间都唔算好长，黄店！！要支持，继续大力惩罚！！💛💛
继续阅读
行去搭巴士经过忍唔住要饮一杯 下昼3点几去 好好彩唔洗排队 少有呀！今次叫左杯黑糖奶茶 平时就叫开有珍珠既 不过之后约左朋友食tea 费事咁饱啦 （虽然知道佢主打系每日新鲜自家制造既手作珍珠 不过佢D奶茶本身都好好饮 冇所谓啦）店员好细心 俾我果时提醒我记得摇匀先饮 因为佢d黑糖寻晒底既 味道方面真心好好饮 奶茶好香好滑 就算冇珍珠都好好饮 唔会太甜太腻 好清新 系外表饮唔到呢种味道 真心非常推介！下次会试下佢既芝麻珍珠 好多朋友饮完之后都话好正
继续阅读