串 (已結業)

呢間''串''其實都食過無十次都有八次,開頭幾次真係唔錯 刺身好新鮮好凍既 小食就麻麻地 但過得去200蚊一位 唔覺特別平同埋好食 但至在少人同埋坐得舒服又唔洗等位,  但最近2次去都差到不得了呀先講上上次,入到去 點左刺身幾款,除左三文魚其他都黎晒之後要吹,先話賣晒三文魚,  一間日本料理沒有三文魚賣???我特登黎食三文魚,見其他客人都嘈緊,好失望, 結果佢俾左十塊我地打發左我地 不過算啦 其他都食到就由佢.再講上次, 三文魚點左約3-4轉  第一轉好新鮮好凍既之後黎既全部都 好差!:( 全部都係唔夠凍,質感差係三文魚都係邊邊位,好似食剩咁好差好差…查看更多

是日有些事情在mikiki附近辦理午餐在mikiki看到這店覺得門面裝修正正常常就選擇了這裡店內裝潢沒什麼值得說，正正常常服務方面，有一個三、四十歲的媽媽級招呼我們沒有什麼不禮貌對待，只是不要期待他們會自動為你加水(即使店內只有三四枱客)食物價格偏便宜我們點了一客魚生飯和一客豚肉鍋沙律同湯都無咩好講我的豚肉鍋...只有辣味「亮」點來了...是魚生飯見到個樣已經知道中伏啦(圖為未開始食的樣子)...我從來無食過只有兩片薄過紙的三文魚的魚生飯...其他「魚生材料」是八爪角、甜蛋、同蟹柳等...好難食....三文魚又薄又唔鮮又唔肥美...蝦是霉的...連d飯都唔係正常的壽司飯...呢間野真係唔知佢想點...真係不可一不可再...…查看更多

今天一家人去到MIKIKI, 第一次到這個商場, 人流比預期少,因同行有兩個小孩, 所以要找間裝修較好的餐廳進食, 很幸運, 不用等位, 價錢也是嘩一聲的平宜.女兒指定要食日式豚肉生姜定食, 跟一般定食一樣, 有飯, 有前菜, 湯和一個小小的飯. 豬肉是半肥的一種, 但入口不肥膩,最好味的是汁, 這個汁十分開濃, 開胃,  我的女兒竟然成碗飯也吃完, 另要再加7元要多一碗飯, 小朋友的咀巴不偏人的, 這個添飯動作已代表了味道了:), 我自己點了一個滑蛋雞飯, 味道只是一般. 反而叫了一個20元的烏冬, 帶給我們驚喜, 肉,湯, 紫菜全部齊, 並不太細!!!給小朋友食, 剛剛好!!特別一提, 服務員態度良好, 很細心, 更主動提供HIGH CHAIR和細路仔餐具, 整個LUNCH 也不用我們叫他們加水或其他服務,因他們很主動服待每一位客人!!很期待下次再食!:)…查看更多

今晚同老婆1830左右到，所以八折，只係160 位，早食所以成場就得三桌人，所以食物好快到，講真，食物方面，我真係覺得間間放題差不多，但比起乜旺角五xx，金x，松x放題，問心講句，我覺得呢間一定好過佢地，起碼有吞拿魚食下，吞拿魚，八抓魚，三文魚，飽片刺身我覺得算新鮮，同埋唔會first round ok,second or third round把鬼😋，牛柳粒，牛串我幾like,但羊架就唔係咁得，好大塊，無乜味😰，炸物整體都可以，但唔使食蟹拑了，太粉了，全日最差😫，食蝦食天婦羅，其它的鹽燒蝦就真係唔得了😨😨，仲有食過d牛肉煲，普通囉，可能食得太飽了，場地坐得算ok，唉。。。160位，我覺得無問題，可以去馬😚😚…查看更多

本來心情大好咁去位於新蒲崗0既Mikiki Mall影我好喜歡0既Little Twin Star聖誕裝飾，點知我就信錯左一間好@#%#$嘅串燒店「串Kushi」，簡直嬲到我成肚氣.... !%$#$#@$^~!#!^%#@$#(1) 首先8點，成班人企0係佢地個Reception，冇人出過黎招呼、問你幾多位、幫你登記拎飛先、叫你地等一陣....你知啦~有一兩堆人就唔亂，但多左幾堆人就打哂尖喇啦嘛，到時拎飛又搞到「喂...我黎先架喎...」果d老土野喇...(2) 剔左order紙，等左一陣，黎左幾樣野食；然後食X哂都仲未見D野飲來。大佬呀~食串燒呀而家，渴X死人咩想..... 一催之下才得知冇哂Zero。噢...我x你個肺，冇就早響丫，lee d野好基本架咋...(3) 黎左第一輪野食之後，就等X左半個幾鍾都未再有野食。好狗囉LEE D放題，放放放放放乜x0者? 你放x春野題呀我問你?!??! 你燒燒燒燒燒過D乜差野食出黎俾我0者?!?! 真係火都黎X埋...(4) 冇野食都不在講，D招呼幾乎係零架 !!! D侍應唔望人乜滯，舉手佢又唔望你、企0係門人佢又唔理你、成枱空碟佢又唔SO你.... 最後好似要我求幫我收野先俾吓面行過黎應酬吓我咁囉....(5) 仲要佢唔係平架喎~ 一位要成$178加一架 !!!! 俾成兩舊水入去坐住憫喎....我周圍D食客係咁催、係咁小、係咁煩躁、係咁投訴....最後食不夠兩小時就走了.... NO! NO! NO!係坐不夠兩小時就走了 !!!!強烈不滿Lee間野~ 其實我唔想因為地區問題而對lee班金髮0既員工有偏見，我亦覺得，上樑不正下樑歪，冇人教 / 冇人嬌正班0靚仔佢地未必識，但d基本做侍應0既禮儀 & common sense一定要有囉唔該...!!…查看更多

好的 , 這鋪的食物質素在後幾頁的食評已有詳盡介紹 , 很簡單地說這一間餐廳的某些侍應在行為 , 操守上都存有很大的問題食物質素以同等價錢來說只屬中下級水平 , 而且某些員工在落單上有嚴重問題。首先該鋪標榜「愛惜地球 , 珍惜食物」, 但卻給侍應在晚間last order 胡亂點食物 , 與原先客人點的數量有明顯出入 , 食物變相多了 , 1件變3件 , 這樣叫客人怎樣食光?還是故意叫侍應點多然後再叫客人付多錢嗎?送天婦羅的時候理應和天婦羅汁一同送上 , 但侍應沒有這樣做 , 要求(她/他?)拿汁沒有理會 , 而和同事談天說地天婦羅炸得硬身多炸粉唔在講。另外大部分野都係較遲先上菜 , 上枱時大多已凍。為什麼熱盤會比冷盤更快上?雖然如此但熱盤算叫做能入口。感覺上是晚間特價時段因催促害人離開的手段。若果侍應態度更好 , 食物份量和質素更好的話 , 再配合環境應該可以做得更好的。…查看更多

今晚一行10人去依間食2小時任食放題book左9.30, 做左少少到, 所以要等但眼見晚市都只係得2, 3枱客到夠鐘入得, 都只係入左我地同另一枱跟住全晚就無人再入黎坐低寫完紙想搵人入單, 但係人影都無個, 要大叫幾聲先有人應入左第一次單, 等成15分鐘都無野上足足等左20分鐘先上得1碟野罐裝汽水都等成半個鐘先有跟住其他野就得閒上一碟, 得閒又上一碟, 當然係唔岩數唔齊刺身足足等左半個鐘先上, 雖然上岩數, 但係唔新鮮唔凍, 有某d仲要酸酸地:(有一次上菜, 短頭髮果個待應隻手high左落我對筷子頭度佢當無事發生, 諗住放低就走, 我叫佢換筷子, 佢仲要發老脾一手就飛左我對筷子落架車仔度, 嘩, 依d咩態度跟住每次上菜都係突然係我隔離伸隻手出黎, 係勁近隔離果d囉, 係就黎hi到你果隻, 連講聲小心唔該都無, 碟碟野都求其放低就走, 後尾直頭就咁隊埋黎, 要我地自己係佢隻手度拎碟野囉叫加茶, 佢直頭成壺放低叫我地自己斟之後再入左幾次單, 雖然有上, 但又係唔岩數唔齊到last order, 另一個長頭髮札馬尾既女待應print張單出黎叫我地睇有無野漏同落埋last order一睇, 根本之後寫果d紙就無入到單, 連第一次係果d都無上齊到佢再埋黎問有無野加, 我地話佢知根本好多都無入到單, 佢竟然話我唔知, 因為唔係我入單唔係化, 唔係佢入唔可以check番既, 連同客人講句唔好意思都無, 仲要一句唔知就當無事好啦, 入埋last order, 順手叫我地埋埋單今次終於上岩數, 仲要上多添, 10隻炸蠔變20隻, 都算啦, 橫掂都好似無食過野咁, 20隻照食但係上左炸蠔又唔上沙律醬, 又要叫先有, 果d態度好到呢:(:(果隻蠔一入口, 都唔係原隻蠔, 只不過係蠔仔粥仔果d蠔幾隻夾埋一齊炸囉, 咁你就咪寫係廣島蠔啦:(:(:(:(之後上埋3碟天婦羅, 又係無上汁今次問另一個one ling頭既女待應有無天婦羅汁, 佢竟然答我賣晒下, 賣晒? 天婦羅都未賣晒, 反而天婦羅汁賣晒? 張紙有得單點天婦羅汁咩? 黎到依個時候, 個男經理先捨得拎番張咭黎俾我個fd簽, 成晚得果4, 5枱客, 碌咩咭要碌廿幾分鐘?2個鐘頭入面, 最少有一半時間係等, 等, 等野食唔好味都算完全無服務可言上野上得慢, 又甩又漏又錯d待應全部都係游下游下, hea住咁行, 什至厘係廚房入面食野傾計, 態度惡劣次次要搵個人都要大叫我有成十年八年無食過放題, 今次一食, 簡直大開眼界, 直頭要用不知所謂黎形容…查看更多

今天晚上, 約了太太到新蒲崗吃晚飯, 因有商場一些主題卡通人物是太太喜歡的, 但人流太多, 決定吃了才再去影相. 當時見到一間以日本燒烤的自助餐, 任吃任飲2小時, 只需HK$188. 時間約6:00左右, 見無預訂位, 即管問問無妨. 引進後便立刻點菜. 可能寫字有點不清楚. 竟到來了十分多仿鮑魚片, 立即大為震驚, 但仍照食. 因見鄰桌也用相同器具冰鎮上. 現場我是第三圍顧客, 誰料其他食品半小時仍未來齊,而且並無叫的秋刀魚又上了, 因浪費食物是要付款的所以立刻叫人取走. 等到7:30左右, 仍然未見自己喜愛的食物 - 燒三文魚頭及魚腩煲, 便叫侍應了解情況, 因只剩下半小時. 最後, 侍應姐姐覆今天無三文魚頭. OH! 我的天! 我們差不多等了個半小時才知白等, 一方面又怕重複叫而浪費食物, 一方面又剩餘時間不多了, 便立即又點其他菜和甜品(雪糕一杯). 約八時了, 連甜品都吃完, 仍未見任何燒物(雞骨棒及免治雞肉串)來, 又再次叫侍應問過究竟. 當然又是漏單, 但答應可多坐一會直至吃到未上的食品. 如是者, 又過十五分鐘,見到一串免治雞肉串及雞軟骨串, 立刻與太太一人一串. 誰料又出事. 我的雞軟骨就幾好吃, 但太太的雞肉串是不冷不熱, 好像從未處理過.有燒過的食品和無燒過的食物, 從它的木串棒中可見一二唯有又叫侍應來處理. 太太要求見經理, 因未處理的生食物是不合衛生的, 如小孩不知道照食, 後果就不堪設想. 隔離枱的顧客見此亦紛紛找數走人, 並說以後不會再來惠顧. 時間接近8:45, 雞肉串再次到來, 好彩今次是熱的. 最後找數後要求取一張意見書. 但這麼細的一張便條紙根本無法寫完這樣的一個慘痛經歷. 原本一個開開心心的星期天, 竟因為這間日本燒物店而告吹. 見到再熱的燒物時, 就想起太太的面比燒物還要黑- 面燶燶.最後查單,竟又發現又一錯誤,竟入錯單仿鮑魚片20份,就算真鮑魚唔使錢也無人會如此吃吧!打單的侍應, 為何不問問, 用用腦袋想想, 自助餐是想吃多款不同的菜色, 而不是下下叫10至20份同一味菜, 究竟誰才浪費食物呢?…查看更多

想食日式自助晚餐，電話booking4大! 晚上七時半入座， $188(另加一要$207) 食2 小時準時入座，無需等位!地方及環境算okay。入座後，點野食，款式比較一般自助餐少!之後，職員服務態度不太好，沒有職員自動自覺地清理枱上碗碟，要叫幾次才來執拾!他們只是三五成群圍著傾偈。刺生，款式少，完全不太鮮，不太涷，只有三文魚還可以! 熱食又不太熱，而且頗鹹，完全不能接受!例如: 我叫左碟多春魚，來到只係暖暖地，D多春魚唔太熟又唔熱會好難食!從未食過一間如此低水準的日式放題食肆，不去也罷，去了反而是損失。…查看更多

週年紀念日，想食日式自助晚餐，見近屋企，價錢適中，所以試下電話booking 3大1小童 算有禮! 晚上六時半入座有八折，折實 $160 食2 小時準時入座，無需等位!地方算大，但全晚至離座只有6枱客入座後，點野食，款式比較一般自助餐少!之後，職員服務態度不太好，要碗碟叫幾次才拿到!刺生，有D不太鮮，不太涷! 熱食又不太熱，而且頗鹹!我叫左碟多春魚，來到只係暖暖地，D多春魚唔太熟又唔熱會好難食，我唔想浪費食物，叫個職員幫我再燒多陣!點知個職員，取走在櫃台同個經理指手劃腳，乜都無講，當然也沒有再番燒回來!個半小時last order, 無問題，但個職員一行埋黎話last order 就要立即落單我已經取order 紙想點，並回應：「好，我劃完比你」 但係個職員話：「 要即刻落，否則就無!」隨即比張單我埋，心想，你又無客等，我又未夠鐘，仲有半小時，洗唔洗咁快!D職員果然同店名一樣!…查看更多

話說本來今日諗住上OPEN RICE search下有咩放題好食 諗住收工之後同男朋友撐下枱腳 無意中比我見同有客人complain 呢間公司 其實本來都無諗住係道開post講咁多野 但係我又真係覺得上一篇食評係對呢間公司有d唔公平 所以我同男朋友傾完之後決定係到為"串"澄清下...8月31號晚 係新蒲崗OT完around 8,9點到 其實一早男朋友就知我想食放題 咁岩我又醒起MIKIKI有間放題店 叫"串" 平時LUNCH d同事話夜晚有放題食 又唔係好貴 所以晏就BOOK左位 諗住收工去試下啦......可能係weekend 所以都幾多人等位 結果好彩我男朋友有book位 安排左我地坐梳化位, 最深刻既係 好多張平時坐4個人既枱都分開哂做2個人既枱 不過無book位 有得食都算係咁啦....過左大約Last call時間 最深刻既係 見到格黎枱2個男人(一個肥肥地 一個瘦瘦地)聽到有女員工同佢地講" 唔好意思 阻阻2位 你地last call既食物同份量都比較多,需唔需要幫你地hold起d單? 因為食唔哂會罰錢架...."瘦個個男人就話 "OKAY.無問題" 然後有另一個類似係經理既男員工同佢地講返同樣既說話個陣2個男人都答"無問題"... 再過一陣有個廚師又出黎問返同樣既問題 跟住個肥男人就好唔奈返咁話食得哂 個肥佬仲想大大聲咁罵返個廚師TIM.我當時心諗 嘩呢間公司有無搞錯呀? 放題唔係任點任食架咩?有乜理由唔比人叫野食架?! 之後我叮一聲恍然大悟^^ 佢地既食物逐一上茶 一碟好大碟既魚生 1X件壽司 又10幾隻吉烈炸蠔 10幾件天婦羅 大量既炸物同串燒真係小林尊上身都食唔哂啦, 真係見到都覺得飽呀......咁呢2位先生就叫左一個waitress 過去,同個女仔講"喂,跟住d野食唔洗黎啦"我同男朋友都好好奇最後會唔會罰錢? 因為咁樣真係好浪費地球資源囉 係埃塞俄比亞有幾多人無得食呀?咁之個肥d既男人就頂硬上 係咁食 其實邊有可能食得哂..... 跟住佢地諗住走人,個廚師就出黎同佢地講話要罰返每人幾十元 (我記得枱上有hits寫住 好似係浪費食物會罰幾十元/100gm)但係佢地食剩既食物都起碼有過1000gm個廚師都好坦白咁講如果每個客人都浪費咁多食物生意都咁難做其實我都明因為出面有好多放題店都會因為浪費食物所以罰款 如果十個客都食靜咁多食物咁間工司唔洗做啦 可況個廚師靜係罰左佢地每人幾十蚊都算係咁啦我只不個想講呢個社會成日都會出現好多唔公平既事件 點都好啦 我覺得呢間公司做法沒問題 而且服務員態度都幾好 食物質素都ok所以我會再幫襯 點都要講下d食物 有鐵板焼,串燒,天婦羅,火鍋. 比起一般放題熟食比較多…所以下次可以帶埋我最愛既公公 婆婆黎一齊食~魚生方面,都算新鮮,我中意魚生夠凍,唔似有d日本料理咁 同室溫溫到差唔多.簡直係反胃,服務都OKAY同空間比較寛敞 燈光都幾柔和~…查看更多

今晚一班好朋友為我慶祝生日，選擇左哩間好得意嘅日本餐廳名 ''串'' 食放題。因為朋友都已book位，所以唔使等位:) 間鋪好大，裝修唔算。我地驚出野食會耐，夠鐘都食唔飽所以我地一開始咩都唔理，畫左好多樣野食，唔知係咪肚餓，咩都想食,,,,,款式都算多入咗單不久，野食好快就到，出野時間比我地想像中快:)今次我地都係選擇食刺身、壽司及燒物為主: 刺身有三文魚、馬刀貝、鮑片、八爪魚,,,,, 三文魚都算新鮮，薄左少少，如果可以凍D就更perfect馬刀貝夠哂凍，超正...全晚我一共叫了6轉共80片...覺得自己好變態，但係真係超級超級好味鮑片幾鮮味:)燒物:冬菇、脆肉瓜、帶子、雞軟骨串、雞翼、蝦、各式天婦羅.....燒物燒得唔錯，鹹味剛剛好...係冬菇落重手左DD...不過亦算可以接受到必選燒物: 雞軟骨串(超級好咪，我地每人至少食左4串) ，蝦的味道很好，燒得好香，再加上剛炸出的天婦羅，超級好味。一枱 ''串'' 的食物很快就被我們征服了幾轉$168 再加一可以一試 he...he...今晚是免費餐，食得超飽超開心!! 多謝各位介紹我食哩間，我一定會再光顧 ^-^…查看更多

服務態度差到如其名'串', 日本放題中最差食店, 等待上菜時間長! 服務態度差! 食物質素一般! 最後你有食剩的食物以每100g $38 同你計, 仲要加埋一, 隨時貴過每位正常收費! 小心! 最經典就係污糟的廚師從廚房出來, 在你的桌上用磅幫你磅下你食剩的食物同你計數, 重要大大聲報數驚死有人知!!! 食野都係求開心, 這樣的服務態度實在難以接受!!! 如果你想食到一肚氣, 不妨一試!…查看更多

在 Mikiki 吃過多次飯，光顧過五六間食店，最差的都算是這一間:(:(:(。放假的某一天，又來到 Mikiki 吃東西，見這間「串」的午餐價錢不算昂貴，食物選擇也多，便入內試試。可惜這次是一次失敗的嘗試，這間餐廳，無論食物和服務都未能令人滿意，難以讓自己給予它及格的評價:(:(:(。其實這天餐廳內的客人不算多，可惜店內的侍應更加少，根本沒有足夠的人手招呼客人，而且服務效率也偏低，就連最簡單的定食沙律也要等待良久才送上來，而且還要在主食送來之後，你說是不是十分過份:(:(？其實這些套餐沙律就和麵豉湯一樣早已整定，遲遲還未送來可真是令人感到莫名其妙。更有甚的是，這天我吃的午餐是連飲品的，但一杯簡單的汽水也要等十多分鐘才可以送來，這樣的服務效率試問又怎能教人滿意呢:(:(:(！再說食物，這天我夫妻叫的是餐牌中「鐵板定食」中的「帆立貝拼牛柳定食」和「三文魚拼金菇牛肉卷定食」。麵鼓湯和沙律都是普通貨色，不談也罷。帆立貝雖然細隻了點，味道尚可，但牛柳卻絕對是失敗之作:(:(，如果每間餐廳的牛柳都是這樣韌和難咬開的話，那麼以後我都不會再吃牛柳了。三文魚雖然烤得較乾，尚算正常一些，但金菇牛肉卷我完全沒有吃，那便不予置評了。還要一提的是那些顏色偏黃的蔥和什菜，明顯地是早經烚熟然後再在鐵版上兜熱上桌的，這餐廳馬虎的能度，可見一斑:(:(:(:(。 Mikiki 商場中比這間「串」好的食肆多的是，如無意外的話，這間「串」相信我是一定不會再來的了。…查看更多

這個商場位置不太方便，人流較少卻逛得舒適，連吃飯也不需排隊等位。串燒：好孤寒，雞腎切到細細粒，仲細過雞軟骨，牛肉粒串無到過，免治雞肉串算唔錯；炸物：好油，尤其係天婦羅蝦，吉列蠔還可以，厚炸皮，其他炸蔬菜類一般；雞翼無味，肉鞋；煮物：蜆有沙，不過份量足，汁煮豬軟骨，味道對板；刺身：種類好少，得六、七種，品質可以o既。六時半入座，有八折，每位160，這個價錢和大喜屋、蒲和差一截，但種類既然不多，質素為何不做好一點呢？上菜速度亦如其他食評提及一樣，名副其實 --- 慢！我們已經是慢嚼，但上菜總是追不上，很肚餓的話，那種等待是十分難忍，個半小時很快就過，帳單倒是很快到，侍應問還有沒有食物未到，可以在帳單上圈出，結果最快上菜的時段就是最後的十五分鐘。如果是抱著吃個普通晚飯，不計質量，只求坐得舒適，傾得輕鬆，間中有一兩道小吃奉上，兩個小時是足夠有餘的，但請不要抱著吃放題的心態去才好。…查看更多