影片
以上资料只供参考，请与餐厅确认详情
食落好开心😋，个烧鸡翼咬落去，外皮焦香得嚟唔过火，肉汁锁住晒，一啖肉一啖汁，食得我真系「嗌得又揸得」！再嚟个牛油菇串，真系攞足分，菇肉香浓味啱，烟韧得嚟唔失菌嘅鲜味，仲要孜然粉掂到不得了，食落「过瘾到弹起」！当然唔少得啲甜品，试咗个炸奶黄包，系真正「甜入心肺」嘅存在，外皮炸得脆嘶嘶，奶黄流心啱哂甜品控嘅口味。系咪好嘢，呢间串烧店真系「出品有保证」，架！下次想试埋其他款，嗌串烧，就嚟呢度喇！👍🍢🍡
继续阅读
今晚去朋友屋企食饭，刚好路过一间卖串烧嘅铺头，一于今晚加𩠌😋烧大茄子🍆佢嘅茄子比出面食开嘅大好多😍用上特制嘅蒜蓉去烧🧄一打开个盒果时，蒜蓉嘅香味出晒嚟，味道又有少少辣，真系必食之选👍🏻烧生蚝，少少辣好多蒜，生蚝鲜甜，仲好Juice😋烧羊架，入面烧到刚刚好，肉质好嫩滑，带有少少羊膻味，爆正👍🏻烧猪颈肉有口感，烧墨鱼咀好烟靭👍🏻烧一口牛，一入口啲牛肉汁爆晒出嚟，超级香，口感嫩滑又唔韧有惊喜💖💖💖烧鸡软骨，有口感得来咬落脆卜卜，好搅笑🤣烧牛脷，原本我唔食牛脷，见我老公食完话好好食，所以我都试咗一块，又真系好好食㖞，重牛味仲好Juice👍🏻👍🏻呢间嘅串烧超级好食😋包装非常窝心，我攞到去朋友屋企食饭都冇冻👍🏻希望大家嚟支持一下呢间小店🙏🏻
继续阅读
今日出去做嘢喺宝达邨附近收工，睇下附近有无好嘢食👀 原来宝达商场街市有好多小店😍 呢间串烧性价比都唔错😇 外卖仲送个保温袋袋住～搭巴士返到屋企仲够热😍 加分！！卡邦尼意粉（$48 送汽水）呢个价钱包埋野饮，咁抵食得唔得㗎😍拎到翻屋企仲出烟🤣意粉软硬度适中，好creamy🥰香烧鱿鱼筒（$68）鱿鱼手掌咁大🤣🤣夸张！！烧得啱啱好🥰唔会太干身极上一口牛（$30）& 香烧黑豚肉（$18）肉类食落都好惹味😝 好重孜然味😬厚烧菠萝（$20）& 烧翠玉瓜（$15）菠萝同翠玉瓜都好juicy🥰 菠萝咬落仲爆汁🤣🤣要小心🫢
继续阅读
平时经过街市 离远就已经闻到好香既烧肉味 今次终于忍唔住叫左好多串烧医肚🤭 🍆见唔见到呢个茄子真系 好 大 只 呀！ 我系一打开个盖就😯😍 茄子上面铺满左金黄色嘅蒜蓉 蒜蓉量惊人 食落去系满口幸福既感觉 唔会好油腻 之前食过有啲店既茄子皮会烧焦左 而今次呢间系可以连埋个茄子皮食落肚 必叫🍍烧菠萝最紧要既系烧得尼保留到菠萝juicy既状态 烧完既菠萝系会特别甜 食住啲肉类 再食呢串咁大旧既菠萝解一解滞系必须嘅，必叫x2 蔬菜类来讲，翠玉瓜系我常叫既选择 呢度既调味做得刚刚好 唔会抢左翠玉瓜既清甜 烧得又脆又多汁有冇人同我一样平时对韭菜冇乜特别嘅感觉 但钟意食烧韮菜 韮菜同烧韮菜系唔同既境界 👍🏻 老板烧既菜keep到水份唔会干争争 好少可食菜食得咁滋味🦐🥩🐑🦆呢度既肉类串烧好足料 鸭胸成寸厚 虎虾手掌咁大只 牛舌 羊架既份量都很可以 辣度方面可以拣小辣 中辣 大辣， 个人钟意小辣 小辣尼讲唔会掩盖食材本身嘅味道 如果钟意食辣都可以挑战一下中辣果种刺激感 天气转凉可以食到暖笠笠😂
继续阅读
今日晨咁早揸车去观塘区做嘢，搞掂晒啲工作已经过晒食饭时间... 既然唔驶返公司，咁就陪个同事睇下有乜好食啦。最近呢期钟意左食串烧，咁啱个女同事话佢住个头有间食开，所以都极力介绍话好食又抵食。泊好架车之后咁就带我去，食店喺宝达邨嘅街市正门位置所以劲容易揾，而且好彩下午茶时间人流唔算多，啱晒唔钟意排队嘅我。佢呢间舖头有样系好欣赏，就系环境卫生都做得好好，有的串烧整到好多油烟或者啲食物都会乱咁放 ，但呢间卫生做得好好，所有嘢食都系落单后先攞出嚟烧，令人食得放心。同事话呢间佢成日食嘅，因为烧得好香而且价钱唔算贵，咁就食餐丰富啲啦。见佢餐牌上面都有好多唔同类型嘅串烧，除此之外仲有啲意粉餐亦有啲小食，咁既然嚟到梗系想食串烧多啲啦，问下个老板(应该系)有啲乜嘢出名，佢都有建议几款，好似鸡翼、茄子、鸡髀等等。不过大大只炸鸡髀佢话中午已经俾好多同学仔卖晒... 不过无所谓啦，入黎都系专程食串烧，睇咗一阵间我哋两个就点呢几样：串烧嘅就有烧冬菇、花枝丸、司华力肠、鸡皮、黑豚肉、一口牛，另外小食就嗌咗炸鱿鱼须、一口鸡粒同埋瑞士汁鸡髀。由于烧制需时所以老细都叫我哋行一阵先，大约十几分钟就有得食。题外话，平时好少去秀茂坪呢头， 不过商场同街市配套原来已经好多元化。行咗个圈之后返去攞嘢食，终于都上枱啦~ 点解外卖店会上枱? 原来依家街市嘅食肆已经有座位可以俾客人即买即食，本身都谂住堂食，不过见女同事话想买其他野，咁不如喺架车度食啦，衬佢买紧其他嘢我就影下相先啦，跟手叫老细帮忙打包，但居然吓左我一跳，佢净系外卖用既器皿同个袋都好干净又卫生，感觉高质。离开𠮶阵时见到佢做紧世界杯Promo劲有Heart㖞，买同款串烧买二送一，学生哥食意粉餐都有得减价，一间良心食店。好啦讲返正题，坐定定打开啲嘢食时架车已经香喷喷，闻到串烧有孜然同黑椒味，未食就知好惹味，而且佢个兜都好特别，可以放晒的串烧又唔会焗住。首先试呢个极上一口牛，牛柳粒份量正常，上面加左黑椒劲香，肉质好嫩滑亦好有牛味，正~ 招牌烧鸡翼，佢有两大只都好饱满，外皮烧得卜卜脆，入面就好Juicy且肉嫩，亦有好香嘅孜然味，连好有仪态嘅女同事都忍唔住话要食一只，味道一流~ 香烧黑豚肉，佢呢个豚肉都系一粒粒，上面都洒有黑椒，佢油脂好丰富烧出嚟劲香，食入口𠮶阵时都非常Juicy肉都好嫩。香脆烧鸡皮，呢个系用现成嘅食材烧，不过老细烧得好有心机，烧完出嚟之后好香脆且无雪味，啱晒钟意食鸡皮嘅我。到司华力肠，佢唔系原条上嘅，切咗有四片亦都喺上面加咗啲孜然粉，烧出嚟外脆肉嫩但又唔会烧过头，所以呢款都几好食。烧花枝丸，系我其中一样必食嘅串烧，佢好细心切开咗一半烧到两面有少少脆，而且每粒入面都有墨鱼肉弹牙爽口，好好味~ 最后嘅串烧仲有烧冬菇，主要都系我女同事食嘅，佢话烧得劲香但唔会好干身，入口时仲好Juicy肉厚，佢既推荐~ 串烧外仲叫左三个小食就系炸鱿鱼须、炸一口鸡粒同瑞士汁鸡髀，首先讲佢个鱿鱼须份量都大份，炸得好香脆但粉浆一啲都唔厚，食落口时都会食到鱿鱼香味，推介之一~ 炸一口鸡粒，老细话好多学生都会食呢一个，咁就即管试下啦。佢呢个一口鸡粒份量都好大份又抵食，每粒鸡柳炸到好香脆，而且粒粒都好嫩唔会炸到好干身，值得一试~ 最后到瑞士汁鸡髀，鸡髀卖相已经流晒口水，份量正常，佢个瑞士汁非常入味又甜甜地劲钟意，而且煮嘅时间又唔会浸过长，鸡肉好嫩滑唔会太咸，最后一个人鲸吞晒一只。女同事食食下都眼阔肚窄，两个人食到饱饱都系每人$90蚊左右，性价比都算高。不过最重要系每样嘢都烧得好好，见老细有耐性慢慢咁烧，烧出嚟嘅嘢一定好食，所以呢间就做得到啦，俾个赞~~~
继续阅读
您可能会有兴趣的...