串燒叔叔 (已結業)

夜闌人靜最啱就梗係食宵夜啦🤤今次係户户送見到呢間新開既串燒就決定係佢啦串燒叔叔 都幾多選擇🍢性價比都非常高👍🏻值得推介比大家試下 💁🏻‍♀️.叔叔套餐A HKD60雞肉串燒 雞肉好嫩滑 一啲都唔柴✨醬汁好惹味薯蓉沙律 沙律入面有蛋白同火腿 調味適中🥗-芝士火腿飛碟 HKD22拉絲芝士🤩味道正常發揮唔算太特別-蒜爆雞軟骨 HKD34鐘意蒜蓉既朋友必食‼️每一啖都滿滿蒜蓉 超級過癮好食🤤-回鍋肉炒烏冬 HKD54

早2日經過買左串燒、蒜爆雞腎同雞軟骨串燒算正常，冇咩特別但蒜爆雞腎同雞軟骨真係淡味到一個極點，完全無咩蒜爆味，得d豉油味，拎到返屋企宵夜，完全冇胃口，食唔落………..見到d員工炒之前，用滾水烚熟之後先撈起黎炒，完全都唔使醃咁，真係食過一次都唔會翻轉頭再幫襯。再加上見到個爐其實都幾污糟，好多千年油積，衛生方面真係要再加強好多。眼見間鋪員工都3-4個，咁充裕人手就好心加強下食物既質素，烚熟呢下真係趕客走。

要留肚去生日會，只能淺嘗即止。推廣價$8 兩件勁邪惡牛油+勁蒜包包，兩人分享。香脆，好食又抵食👍🏼👍🏼👍🏼😋😋😋小店在山景村，對外面食客比較「吊腳」（今次去探朋友經過），下次有備而來食多啲。