中記

营业中

休息中

中記係駱克道街市都好耐歷史，之前一直食開佢地既小炒，幾有鑊氣，今次就黎到食午餐，出左幾款特價套餐，只需要$32包埋例湯，真係幾抵食👍🏻我見檯檯都有叫古法鹽焗雞飯，出菜快，雞同飯既份量都幾多，好似幾好咁唔食特價餐，仲有常餐、炒粉麵飯、粥等等，價錢係經濟實惠，不過環境比較污糟，地板好滑，檯凳都可以叫店員再抹一抹，店員服務都唔錯乾炒豬扒烏冬 $40店員好快就為我地上左例湯，湯渣好多，不過味精較重🙈由於係即叫即炒關係，等左約15分鐘左右就有烏冬，顏色唔錯，色澤平均，豬扒肉質幾鬆軟入味，烏冬都幾夠熱，鑊氣十足😋雖然配料唔多，但主角豬扒同烏冬味道都不錯，唔會過咸，食完亦冇好口渴

街市唔好要求啲咩環境氣氛不過都算坐得舒服咁嘅價錢其實都幾超值作為一個下午茶絕對達標豬扒包塊豬排超酥脆只係個包懷疑焗過火乾曬水硬掘掘但點都唔夠我媽個熱狗勁硬到掉落檯都唔會碎🤣🤣🤣——————————————————∺ 豬扒包拼薯條 $23∺ 豬排星洲炒米 $28∺ XO肥牛炒公仔麵 $28

今天一個人去灣仔熟食街市吃晚飯，正在猶豫吃什麼的時候看到這家中記有中式串燒提供。國內我經常吃烤串，但在封關後已經很久沒有吃。決定嘗試香港的味道和國內有沒有分別。點了一條粟米，一條茄子，一串香菇，一串雞腎，和3條多春魚，再加一罐零度可樂共74元。我沒有點辣，衹要求加了孜然粉和沙爹醬。說實話沒有國內那麼好吃。粟米的味道比較淡，沒有蜜糖的香味。最好吃的是茄子，孜然粉夠多味道和國內差不多。香菇和雞腎都是一般般。多春魚相對好一些，但是體積比較細。吃烤串還是國內做得好。

每次灣仔收工都會黎中記食飯太耐無打過邊爐，今次打邊爐養生*醉雞煲*成日係到諗師傅擺到甘靚仲咩🤔應該係比我影相😂湯底夠濃夠入味，藥材足料到爆仲嗌左肥牛生菜呢啲打邊爐必叫既野甘平仲甘新鮮應該同樓下就係街市有關😂

在灣仔區工作,如果不是特別執著於高級美食,想尋找價廉物美的茶餐廳,那麼灣仔熟食街市就是您的不二之選。好處:1. 價錢大約40元左右就有碟頭飯+冷熱飲品2. 不大機會要等位(5人或以上就要等)3. 上菜的速度都算快 (10分鐘內會上到)壞處:1. 衛生條件一般2. 沒有服務(但沒有+1收費)3. 不是特別乾淨(但這個街市還好)街市內幾家茶餐廳都不錯,這次分享的是中記,最著名的是湯飯,但一定要等20分鐘或以上。本人大汗淋漓,所以不會選擇湯飯,反而本人喜歡碟頭飯/炒飯,所以今次就選擇了我其中一款最愛 - 芙蓉蛋飯。芙蓉蛋飯 4.5/5分 - 份量十足,應該有2碗飯,而且蛋餅成功覆蓋所有飯粒,洋蔥火腿豬肉粒都均分在蛋餅內,只要視乎自己對豉油的喜愛而添加就好凍咖啡  1.5/5分 - 冰塊太多,淡而無味,影響了咖啡本身的味道總結: 性價比極高的街市茶餐廳,對於藍領/喜歡小炒的人士非常適合。

銀芽抄三絲$50 椒鹽鴨舌$68白飯魚煎蛋 $50中記小抄皇 $60個人認為中記 CP值偏高，以熟食中心既大排檔水準以言第一，較好坐和整潔第二，價錢平，50－60嘅餸亦好多選擇第三，味道可以，平均熟食檔既中上。第四，部份菜色有驚喜炸子雞 上次食，今次冇叫, 所以冇相，但一定要寫。雞滑，皮脆，十分高汁，打贏坊間不少對手，推介之首。燒茄子 $19 茄子燒得好不容易，而中記處理得不錯，香軟滑而入味，推介之二。依家茶記食個晚餐，閒閒哋都$7-80，仲要高機率唔好食。所以中記算交足貨啦。

食大排檔食物就是 comfort food，令人感到好滿足，好舒服。雖則熟食中心周圍大油煙味，成個地下油淋淋，但無阻我去搵好野食。一班老友，可能年紀大了，不想去酒吧蒲去劈，反而在附近酒店訂了一晚房，帶支優質威士忌和冧酒，食住令人舒服嘅大排檔食物，不用擔心趕住交枱，relax 地過了一個愉快嘅晚上。講下食物。我地嗌左：鹵水鵝腸：至愛！夠爽夠滑夠味！仲有芽菜喺下面，夠爽脆！炸大腸：香到爆炸！酥脆唔多渣！大量串燒：有雞翼，韭菜，雞軟骨，豬仔骨，豆角，牛舌，雞腎冬菇，司華力腸等等！即叫即燒，大大串，熱辣辣！極力推薦!!! 又經濟又抵食！正！好滿足！

D例湯只得個咸字，其他嘢味道都好普通， 芙蓉蛋冇义燒又冇蝦！出菜都好快，一味得个平字，員工態度麻麻! 問 清楚啲都畀佢鬧， 環境一般 也算乾淨，冷氣亦夠冷，碟头飯都好大碟。

芝士琵琶豆腐～🤤🤤好多芝士好多粒，我以為會稔稔地，始終有豆腐嘛，但原來佢偏向硬身，好似粒丸咁，雖則食唔到裡面係咩，但都ok ge👍🏻西檸雞～肉質幾滑，而且一啲都唔乾，仲幾juicy tim唔錯喎👍🏻魚香茄子～叫左佢少辣，點知變左唔辣😂但都多料好食既👍🏻金銀蛋浸白菜仔～見到隔離枱咁叫🤣好大碟！白菜仔大大條，皮蛋呀豬肉料都幾多👍🏻黎得中記🤣都唔要求地方環境要點靚點好點乾淨，服務要點咁周到，但佢地都唔差既，有時忙啲就要等多陣囉～黎呢到係食佢夠鑊氣夠本土夠風味夠麻甩😂😂，親戚知己叫支酒，叫幾碟小菜，餸個靚仔，不知幾咁爽皮😏😏👍🏻

一坐到入去揮手10分鐘無人理 有人理之後話等等 又等10分鐘再揮無人理 仲要擺明見到都唔理 之後30分鐘行埋去同佢講唔好意思我等左好耐可唔可以幫我落單 再同我講等等先啦 仲要兇啤我 大家去食有心理準備等

街市熟食中心一向是在鬧市之中的平價抵食之選。今天去了駱克道街市的中記。街市大排檔不外乎都是吃炒粉麵飯、咖啡奶茶，看了看餐牌，點了個叉燒炒蛋飯配凍奶茶，也不用$40。叉燒炒蛋不錯，賣相一流，蛋炒得嫩滑有蛋味，配上叉燒、葱和豉油汁，吃起來非常香。可惜可能因為人多的關係，飯未算完全熟透，失了些分數。叉燒亦偏少。港式奶茶都不錯，茶香有奶味，不過冰比較多而且偏甜。雖然街市整潔程度有待改善，但絕對是抵食之選。

平日午飯時間灣仔餐廳選擇雖然唔少， 不過求其搵間茶餐廳食個普通碟頭飯都要五十幾蚊。之前同事話駱克道街市熟食中心入面有間大排檔幾好食，價錢又平，今日終於跟咗去試下。熟石中心喺街市二樓， 一入去就見到最大最多人果間就係。講真街市入面環境就一定麻麻，所以食客要男人為主，藍領白領各佔一半。各種炒粉麵飯都有齊，款式都算多。見到廚房一碟碟炒出黎都好有鑊氣，份量又多，連飲品都係$37左右。我同事叫左芙蓉蛋飯，我叫左叉燒炒蛋飯，等左十幾分鐘就有得食一睇就feel碟飯岩岩炒出黎，夠晒鑊氣，啲蛋炒得好嫩好滑，真係好好食見到同枱其他人啲碟頭飯都好似好掂，唔怪得知全場得呢間會坐滿客。除左環境差左啲外，性價比真係好高，款式又多，我諗一星期食足五日都可以，絕對係灣仔 鬧市中的平民食堂。

經上次大夥兒聚餐非常滿意後，呢間中記都進入左我嘅口袋名單。除左價格因素外，呢度你想食邊爐、雞煲、小菜、串燒都有！今次一行兩人，主要就想食呢度嘅串燒，10幾蚊一串仲要大大串ga! 黃金鮮魷 $68呢度嘅黃金鮮魷咸蛋黃部分真係造到零死角，超惹味。 上次食過黃金蝦$70 都係做到零死角，好正！蠔仔粥 $38 （細）蠔仔肉同肉碎都大大粒，冬菜、芫茜夠味。呢個粥唔只兩人份量。雞翼燒得好juicy。強烈推介：火雞腎大大串，爽口惹味又唔韌。 牛舌串$13咋，同樣爽口惹味。燒茄子$19 用左好多生蒜，係略嫌再要收一收水。一大班朋友聚餐都非常推薦佢地過黎

難得於駱克道打完毛毛球, 順道於駱克道熟食市場食晚飯, 現場所見中記特別多客人, 唔食佢食邊個大部份餸菜介於60-70間, 唔算太貴, 2個人點了 炸大腸、小炒皇、椒鹽魷魚鬚、壕仔粥 + 3支 blue girl  一共$226小炒皇最好食, 送酒同送粥一流, 推薦比大家炸大腸夠脆唔太肥, 但份量較小廚師加靚姐推介, 但真係無特別, 唔夠脆又唔夠熱, 仲要漏單壕仔粥反而值得推薦, 料足, 但掛住食已經忘記相機食先PS: 冷氣比較充足, 熱天食得好舒服

呢一間中記餐廳我相信一定係一間有良心嘅餐廳 因為小菜每樣很便宜 尤其是個芝士牛油蝦好抵食只係$68 前兩天同朋友加埋四個人叫了五個餸幾個串燒都只係三百幾元 真係超抵的飯堂👍🏽