影片
因为一张海报嘅龙虾伊面，就吸咗阿sir入去，入到去见人客稀少，所以成日觉得比班侍应望住，食得唔多自在，不过佢哋嘅眼神系友善嘅，同埋服务都ok嘅。［香芹萝卜大鳝煲 $88］⭐️⭐️⭐️大约有8件鳝，唔算厚身，但肉滑入味皮弹牙，味道不错，白萝卜够甜但唔够腍，仲有啖啖肉嘅烧肉同香滑冬菇，超抵食［上汤龙虾伊面 $188］⭐️⭐️⭐️龙虾新鲜弹牙，一只嚟讲算大只多肉，上到枱已斩开小件好方便食，伊面质感几好仲非常挂汤，可惜面份量少咗dd［花生麦米粥］⭐️饭后送嘅甜品，味道唔太甜，不过我唔钟意食，所以只能比一星，但阿sir两碗食晒二人共消费：$328
继续阅读
个日返完母校香港大学行下，试下由大学站行去坚尼地城睇下有地铁站后周围有乜变化，行到攰攰地见到呢间位处海味街地铺的酒楼中菜厅叫「中华丽宫」，当堂俾佢个名吸引咗，外观唔系最新式中菜厅但不失富丽堂皇，但乜都假，见到入面好多人下㖞，一于入去试下，叫咗几个菜式，有翅有海味有海鲜有腊味有小菜，味道食得出用心炮制，价钱仲有惊喜，无谂过港岛区食到性价比咁高的星级酒楼中菜，行咗一日竟然俾我食晚饭寻到宝(大满足！）唔怪之得咁多人！分享希望大家都支持用心经营餐厅，唔系变哂大家集团回忆！
继续阅读
好好味! 抵食! 好赞仲有好多传统美食，宜家好多港式餐厅都食唔到。烧味好香，师傅话系餐厅自己整，唔系中央厨房，新鲜生猛海鲜唔止，条班鱼煮到啱啱好. 老人家食鱼头和鱼腩都话够滑。仲有鲍参翅肚，可提前预订，之前同嬷嬷祝寿摆酒，花㬵劲大只！溏心鲍鱼没得话，扺食过阿一。寿包好大只！好多名人同埋大厨都有帮衬。听讲餐厅老板就是餐饮界前辈胡珠，攞过铜紫荆勋章，份人好低调！屋企人都好钟意呢间餐厅，啲伙计都好好倾！仲送埋糖水。
继续阅读
侍应黑面，不愿加水和清已食完的点心和碟，「请」她帮忙还受侮辱，有说话听😡咁样赶客太过份！难得同家人食餐饭反要受气，破坏哂一天的心情！作为街坊邻居一定要将事实说出来！食物也不见得有什么特别抵食和好吃
继续阅读
同屋企人出街，不能缺少的节目， 饮茶， 好开心， 叫左成枱点心， 呢间酒楼 good good, 街坊价， 又多款拣， 个个点心都又热又新鲜， 午市，下午茶仲抵 d 添。 味道都怀旧， 唔系新派酒楼， 令我想返细个同阿妈去食有推车仔 d 酒楼， 我觉得猪手， 虾饺特别好食， 又系我 gei 至爱， 不过有一样野可以改善， 就系可以多返 d 甜品选择，甘就更好。
继续阅读