影片
相关文章
西湾河太安楼系扫街嘅天花板级别胜地，可惜好多出名嘅好食嘅舖头都已经消失咗，唯独呢一间老字号仍然喺度坚持即叫即炒，只系做外卖，不过算系第1街仍然经常排长龙嘅舖头，当然味道有返咁上下啦。佢有炒油面炒粗面炒公仔面炒银针粉炒米粉炒河粉炒肠粉，我今晚就拣咗炒面，配料就懒得拣直接叫个杂锦就算数，叫咗小辣少蒜， $36嘅即炒炒面喺边度揾，个面炒得干身而且够镬气，带少少㶶，所以个炒面份外香。佢哋亦都好细心喺个发泡胶盒角落头呢一个窿等𠮶啲倒汗水唔会整湿晒个面。
继续阅读
夜晚经过太安楼就会心思思想去帮衬呢间即叫即炒的炒粉面外卖档，河粉、肠粉，油面、乌冬及公仔面等任居君选择，配料就有火腿丝、肉片、蟹柳丝、芽菜、韭黄、狮子狗鱼蛋片、虾饼条丝、红肠丝、煎蛋等。今次我粉面就就拣咗炒肠粉，配料就因为懒惰所以叫咗杂锦就算数。即叫即炒嘅肠粉，15分钟拎到返屋企仲系热嘅，炒得好有镬气，而且够晒平，真系好掂。
继续阅读
哇喂，中兴美食嘅炒粉简直正到爆！呢次我拣了炒肠粉，虾米肠粉滑唔溜手，炒得啱啱好，镬气十足，香气扑鼻，啖啖都系惊喜。每条肠粉揽住酱汁，口感正到不得了，拖累我唔自觉咁一条条夹住食，根本停唔到口！加埋热辣辣嘅鲜掴牛肉🥩，咬落去香滑得无得输，真系食完仲想再食。成份新鲜够哂水准，真系可以话系平民价钱食到嘅米芝莲级享受。店员仲好热情，推介我另加煎蛋黄🍳，话系经典搭配，唔加就话唔过去。讲真，𠮶粒半熟嘅荷包蛋配埋香辣嘅肠粉，简直系完美至极！再讲，闻到阵阵炒菜香，喺呢夜瞓前嚟点杂锦炒肠粉，仲开心过食鸳鸯火锅呀！无论点，我觉得西湾河太安楼，绝对系扫街𠮶阵，过瘾炒粉嘅唔二之选👌。
继续阅读
终于试到传说中的西湾河太安楼即叫即炒粉面，本来就谂住叫炒油面，但系叫嘅时候见到肠粉，于是改变主意叫咗炒肠粉。叫咗之后可以行一阵再返转头攞， 33系我嘅外卖号码，不过少S同埋一划就唔知代表乜嘢。呢份就系我叫嘅炒肠粉真身，配料就乜都要，入面有红肠丝火腿丝韭菜芽菜狮子狗鱼蛋蟹柳等，由炒好到开始食大概隔咗30分钟，不过仍然有热力，都几够镬气，不过就湿咗少少，如果炒得干身啲应该会更加好食，不过已$28嘅价钱绝对收货有余， 都真系几好食。
继续阅读
太安楼名物头5位一定有中兴份，唔好睇少佢D炒面炒河炒肠粉，够镬气而且平靓正。炒肠粉系我至爱，𩠌就拣杂锦，入面有火腿丝、迷你狮子狗鱼蛋、蟹柳丝、虾卷丝等，落单时建议叫佢帮你炒㶶D，同埋要走芽菜(呢个系个阿姐教我嘅，佢话芽菜会出水所以会另到D肠粉炒得唔够干身)，因为D胶粉比一般D粉面厚身，所以炒㶶D一黎会香D，二黎因为炒嘅时间长咗所以会更加入味。另一份我就拣咗炒油面，𩠌都系叫杂锦因为费事烦，呢个唔洗走芽菜亦唔洗叫佢炒㶶D都已经好好食。
继续阅读