中央飯店

约咗呢间茶楼即刻回到60年代， 所有家私摆设都唔系复古，系真古。 餐牌大部份用毛笔写，手字仲要几靓。 月历系手搣嘅𠮶款，五十年不变。入边无论店员或食客都系想年纪人士，应该系佢哋嘅童年回忆。 一盅一件孖宝只要$33 ，平过深圳。 嘢食正常，都系传统嘢，阿姨手推点心车仔，有feel。市面上好多复古怀旧餐厅，呢间系真旧餐厅，1961年开嘅，希望可以长命百岁啦。 ps：原来古仔同张家辉都系呢度拍过戏，片名叫做「使徒行者」。…查看更多

呢一间深水埗名物屹立多年真系大件夹抵食，啲伙记系年长少少，不过服务好好而且好有人情味，今时今日香港真系好难揾得到。炸大肠份量足且又炸得好脆口，点埋甜酸汁就perfect。粟米鱼肚羹劲大锅，竟然$100都唔使，入面仲系劲多鱼肚，认真夸张。炸腰肝卷系呢度嘅名物，好食，唔多油，虽然知道入面系猪润猪腰呢啲内脏，不过食嘅时候又唔系觉得好邪恶㖞，外层脆浆都几薄，整得几好。最后要咗个虾酱通菜，又系好大碟，非常满足。…查看更多

优点：推点心姐姐积极有礼解说清楚，楼面哥哥补茶水勤快，传统手推点心车吸印仔，茶叶味浓，接受八达通付款缺点：整体食物质素不敢恭维：鸡球大包：体积相当大，但面包干噌噌好重碱水味，肉馅材料单薄烧卖：唔新鲜肉好霉没有鲜味叉烧肠粉：皮厚，叉烧份量足，豉油救全家煎萝卜糕芋头糕：萝卜糕太粉，芋头糕还可，点心姐姐落足心机慢慢煎到好香焗莲蓉西米布甸：吉士味淡，莲蓉太甜，此餐唯一能接受的食物…查看更多

排骨陈村粉就系豉汁排骨再揾陈村粉垫底，d排骨ok，有肉类应有嘅质感同肉味，陈村粉都吸到d排骨嘅肉味。虾肠都唔错，当然唔可以同出面高级酒楼嘅出品比啦，始终价钱差好远，呢度虾都算新鲜，肠粉本身唔算滑，不过都唔鞋。叉烧包系好食嘅，有一种怀旧嘅味道，同埋入面真系有叉烧，唔系只有叉烧酱。鸭脚扎真系好耐冇食过，出面酒楼好少有得食，虽然未系最正宗，不过都收晒货啦。焗西米布甸好浓郁，仲要焗到㶶㶶地，令到个布甸会香d，呢度都算焗得够干身。…查看更多

一间旧式酒楼除咗有推车仔嘅点心车之外，更加重要就梗系有啲怀旧点心啦。鹌鹑蛋烧卖，可遇不可求，一笼有三粒。鸡扎印象中都好似越嚟越少见，鸡扎入面有落鱼肚都算正宗啦，入面旧芋头都够粉。虾饺一定要试，鄙薄馅靓，虾饺入面除咗虾同埋肉之外仲有笋丝，啱晒口味。山竹牛肉虽然好多人都知其实唔会系全部都系牛肉，而且香港嘅山竹牛肉质素普遍都系麻麻地，不过就总系心思思饮茶嘅时候想叫嚟食吓。呢度个凤爪嘅质素都OK，够林够入味。…查看更多