影片
见到近排好多KOL分享天水围有隐世Cafe谂住去朝圣下，点知。。。大中伏原来咖啡店只有户外位置同埋少量风扇而家香港嘅天气 完全唔适合过去chill由西铁站步行到虾尾新村已经出晒汗买完杯咖啡都已经热到顶唔顺同行小朋友块面都已经热到红卜卜🥵Cold brew味道正常 但系唔知点解点解会加冰😂啲冰融咗之后 更加沟淡咗杯咖啡另外叫咗巴斯克蛋糕 同埋烟熏肠牛角酥牛角酥食落似系叫货返黎再加热上边嘅蜜糖芥末酱系干到一嚿嚿不值得试
继续阅读
元朗虾尾新村入面开咗一栋式咖啡店☕️啱晒假期去远离繁嚣或者带埋宠物放电😎呢度有好多室外嘅位置，一楼系佢哋烘焙炒豆嘅私人工场，供应自家咖啡、手工 Sour Dough、吐司同可丽露等。▪牛油生吐司($38)🍞🧈面包超软熟，搽埋牛油，新鲜热辣劲好食▪巴斯克芝士蛋糕($50)🍰芝士味浓郁，口感结实，带有一点烧焦味道。▪可丽露($38)🍮外脆内嫩，甜度刚好，入面有啲似焦糖布甸。同咖啡一齐食真系绝配。▪Cold brew ($48)☕️三款咖啡都用上Fruity咖啡豆，饮落比较酸。你杯嘅冰块中就和左酸味。不过咖啡豆同口味可以同咖啡师夹返🤣▪Dirty ($42)🧊浓郁咖啡配埋牛奶渐层效果，口感滑顺。▪雪糕咖啡 ($55)🍦雪糕夹杂劲多杏仁碎，到埋杯咖啡落去，苦甜结合，有浓郁雪糕嘅云呢拿味，啱晒怕苦嘅人！
继续阅读
ā kafé 系由村屋建成嘅三层高建筑 🏡一楼系专门炒豆嘅空间 唔对外开放而二楼将会用作举办拉花 Workshop 等活动场地咖啡店只占地面位置装潢以砖红色为主 设计简约格调空旷嘅户外空间对宠物友善 🐕想喺城市角落揾个安静嘅空间 慢慢坐倾吓偈或者主人想带狗狗 Chill chill系不错嘅选择Artisan Sourdough 限定口味 ($45) 内有咸香橄榄 🫒酸种面包采用天然酵母自家制作烘焙师不建议加热简单配上法国 AOP 牛油 保留原始风味外皮焦脆 内里弹性十足 🥖巴斯克芝士蛋糕 ($50) 口感扎实酸味突出感觉加入咗颇多乳酪味道不俗 如果有流心更好Iced Matcha Latte ($48) 虽选用著名八女抹茶味道清香但浓度低 无拂打均匀所以杯底有沉淀Iced Latte 偏 Nutty 味道浓郁 ($42)个人感觉整体 Baked goods 比饮品突出店内空间不大 只有少量高脚櫈主要都系露天座位天气热可能会有啲辛苦店主话嚟紧会陆续加返太阳伞同风机另外要注意外面系草地 少不免有小昆虫出没喺露营櫈度睇书系几写意不过五分钟俾 🦟 咬咗七啖（唔小心影到我周围𢯎惹蚊人士搞唔掂 即刻冲返室内 🤦🏽♀️户外有放置烧艾草驱蚊但建议大家都要带定蚊怕水👉🏻 选址颇为隔涉 地胆都表示有啲难揾由天水围西铁站步行需约 20 分钟📍 ā kafé 丫·咖啡元朗虾尾新村128号地舖
继续阅读