影片
以上资料只供参考，请与餐厅确认详情
食过呢间嘅lunch觉得几正，就即刻约齐人去试试佢嘅晚市私房菜~ 个menu系我哋自己拣菜色嘅，拣完佢就报价$880/pax.，虽然拣咗唔少海鲜菜色，但个价钱其实都几进取😂 最搞笑系当日去到得知「炭烧蜜汁叉烧」无货，但佢都照收我哋原价，亦冇补过另一样菜俾我哋，呢个处理手法真系几扣分☹☹嘢食方面又同我上次午市食过嘅水准差好远，整体嚟讲系好失望☹☹ 不过好彩佢嘅服务态度几好，环境又宽敞舒适，成班friend都玩得几开心嘅😂😂┈┈┈┈┈┈┈┈┈┈┈┈┈┈┈┈┈┈┈我哋𠮶日预订咗： ▪️『阮仔龙虾汤饭』 - 龙虾好大只，好新鲜，肉质爽弹 ▪️『咸柠蒸苏格兰蛏子』 - 蛏子蒸得过咗火，有啲韧😐 ▪️『凤梨山渣咕噜肉』 - 啲猪肉应该冇腌过，完全冇味，食落皮肉分离感重😩 ▪️『清汤大根鲜坑腩』 - 明明之前lunch食过好好食，今次上反而差咗好多，啲牛腩又碎又肥，完全食唔到本身坑腩应有嘅层次🙁 ▪️『椒盐南非鲍鱼』 - 普通 ▪️『羔蟹蒸肉饼』 - 肉食饼好散，又系冇乜味🙁 ▪️『四季蜜汁煎金蚝』 - 煎得几好，成餐饭最好食😂 ▪️『炒豆苗』 - 普通
继续阅读
性价比极差，话计人头数，但黎到啲野食，每个人一件都唔会够分，咁点计人头？啲野食死咸，又放到冻冰冰放拎出黎上菜速度极慢，不可一不可再食完仲唔饱肚，私房菜黎讲佢系劲难食
继续阅读
第一次写食评。7人聚餐，极有惊喜。食入门级780晚餐。醉鲍鱼打响头炮，极谂入味，酒香四溢。咸蛋王花竹虾邪恶惹味。大根牛腩清甜回甘。卤水拼盘极大堆头。花雕蛋白蒸花蟹，花雕亳不手软。椰汁蛋白露，唔尝甜嘅我都食咗2碗。东哥用心制作，回味无穷。佢得闲会出嚟招呼客人，非常好倾。免开瓶费，啱晒酒鬼。
继续阅读
久违了的聚会，七个朋友约埋一齐去呢度试吓，之前嚟过食午饭感觉非常好，于是乎约埋三五知己嚟试吓晚饭私房菜，之前同老板东哥沟通好写好菜单，结果全晚食得好开心，冇乜话有边样唔好食首先系吃醉鲍鱼，鲍鱼够淋，可以再入味一些更好，整体上唔错，再嚟虾多士，新鲜热辣，出乎意料的惊喜，卤水拼盘极度入味，陈皮蒜蓉蒸龙趸鱼非常新鲜，而且好够味道，招牌清汤新鲜牛腩，牛腩肉味鲜甜够淋，汤够浓郁，而且萝卜非常入味👍，行汁炖白肺汤足料，最后的单尾豉油王炒面，非常出色，好饱的时候都感觉好味😋😋全晚的味道都没有什么问题，每款都好好味，特别一题系分量十足，食完之后三个家庭每人都可以包走外卖，第二日晚上都唔使煮饭🤣🤣🤣，遇到星期一晚刚刚人唔多，地方清净，老板东哥非常健谈！整体来说，一个极度推荐好去处！
继续阅读
一般坑腩面都比牛腩面贵就众所周知，但呢道既坑腩面食完一定唔觉得贵，简直系扺食！因坑腩肉质嫰滑，口感松软而有咬口，牛肉味会慢慢惨至全口腔，肥瘦比例刚刚好，食到每层肉的新鲜肉汁。每次食粉面都好，碗面一放落黎，我就会闻一闻，继而立即饮啖汤。呢碗面闻一闻就好精神，新鲜香葱及芹菜香味由热汤带出扑鼻而来，不得不立即拎起匙羹饮啖汤，不得了！够热，汤清而鲜甜，一Ｄ油腻感都无，再连埋香葱芹菜夹注面，面质弹牙，虽然面条粗但绝不死实实，仲好有面香味。再试埋旧萝卜，萝卜绝不失礼，清甜够入味。食下面，食下坑腩，食下萝卜，试左好几啖，嗒真原味之后，最后忍唔住都要试埋旁边的辣椒油（其实我一早想试）因呢碟细细的辣椒油，色泽吸引，香喷喷。结果，加埋辣椒油，令成件事再升华，又香又够辣又清甜又有牛肉味，不得了！当然，最后连汤都饮埋，清哂！大满足！如果钟意坑腩面，一定要黎试试。
继续阅读
您可能会有兴趣的...