影片
今日放假，同老公去东涌行吓outlet，顺便饮早茶。拣咗东荟城二楼嘅东荟轩试吓。早茶星期一至六 7:30am – 11:30am小点$8,中点$13,大点$16,特点$21, 茗茶每位$5。仲有智慧型点心，每款只得两件，适合两个人或食得唔多嘅人嚟食，可以叫多啲款式。因为咁早，唔食得太多嘢，一共叫咗六个智慧型点心同一个煲仔饭。 𫠒鱼鸡粒饭 ($9.8) --- 虽然细煲咗啲，但味道几好，因为系第一个上嘅点心，急不及待去吃，忘记影相 京式叉娆包 ($6) --- 汁多，个包够热，OK 奶皇流沙包 ($10) --- 个包好流沙，蛋黄够香甜，好味 红油抄手 ($8) --- 都几辣，我对这个点心就一般，不过老公就颇爱红油抄手，几乎去亲饮茶有呢个点心都会叫 莲藕煎虾饼 ($8) --- 呢个唔错，啲莲藕几爽，而且煎得几香 豉汁煎酿青椒 ($8) --- 老公话都几好食，我对青椒一向都系一般，唔算好钟意食 鲜虾腐皮卷 ($11) --- 呢个唔错，唔太油腻，加上我一向喜爱食煎炸嘢，不过老公话煎得干咗少少。埋单$78，仲可以签卡，唔错。侍应服务都几好，不停冲水，埋单都有讲多谢。
继续阅读
一家廿几人叫了两围晚饭套餐兴祝BB满月, 先唔讲食物好坏, 单单七点半叫起菜叫到八点先至有并盘到已经唔多高兴. 第二味嘅龙虾伊面味道尚可, 谂住加番d分, 点知后续完全唔掂. 每个菜都隔3,4个字先上, 足足食到十一点至埋单. 大佬呀, 间酒楼鬼死咁远, 返到屋企冲得凉上床都一点啦, 第日系星期一要晨早返工架.讲到食物就真系一般过一般, 除咗龙虾伊面值60分, 其余30-40分不等, 个蟹皇翅最冇得顶, 简直系金宝汤加水再沟浆粉, 完全有美女X房试食0分菜式要吐落垃圾桶嘅feel . 好唔明, 装修都算系几企理, 点解要搞到如此水准. 唯一合格系d姐姐的招呼
继续阅读
一大家人来庆祝生日, 坐了两围 26 人, 食物质素一般, 不是很差但亦谈不上好.最后还只给共 4 小时的泊车优惠, 我们 26 人来食, 埋单七千多元, 但却说泊车优惠是每张单计的只给两小时, 我们两张单所以只能给四小时. 这规则简直在赶客, 经理不懂变通, 虽然一小时只是$13, 但还是气得冒烟, 索性贴士都不给便离开, 永远不会再来.
继续阅读
因为其他地方太多人,见呢度有位就系度食,食左好多样菜,味道都系一般,但bb乳鸰就真系觉得唔错,味道够,而且好入味,如果钟意食的朋友可以不妨试下,价钱又平,记得大约系三十几蚊就有一只!不过略嫌冷气过大,d菜黎到就好快冻哂!
继续阅读
上个礼拜日约佐朋友入东涌打麻将，就约系呢度饮茶先，去到已经迟到成个钟，没办法，入东涌真系好远。 我同肥佬去到8个friends已经吃到 7788～坐落，再点佐轮~ 炸鱿鱼点佐两碟都唔够吃，应该几好味，可惜我刚拔智慧牙，所以无缘一试。虾肠好得，虾够大只，d肠粉又滑！ 凤爪好难吃～糯米鸡没乜特别～ 萝卜糕未有机会吃就没晒了，煎堆和粉果 怕太硬没吃。巨地见我唔吃得嘢，临尾叫佐煲鸡粥，我就觉得麻麻，不过其他人吃得津津有味～甜品我叫佐个芒果布甸，一般～ 不过我F食既椰汁炖奶卖相就好好啦～ 埋单$595，真系好似没吃到咩嘢～可能我们来得太迟了，也吃得很匆忙～
继续阅读