東湖小廚聯威餐廳

喺铜锣湾渣甸街富盛商业大厦1楼，地点就脚，但食物体验令人失望。 🍽️ 今日食咩？ ⚠️ 铁板餐（牛扒） - $1XX 净系得一块扒，连基本嘅饭/意粉/薯菜都要 额外加钱，红汤、白汤、面包全部 逐样计，但质素完全唔值！ - 扒类普通，冇咩肉香，酱汁求其淋上去，同以前水准差好远。 👎 伏位总结 ❌ 隐形收费多：汤、面包、主食全部另计，感觉似「逐样㓥」。 ❌ 食物退步：以前仲算OK，而家连基本嘅味道都保持唔到。 ❌环境 & 服务一般：装修旧，店员冇咩笑容，赶客Feel。 📝 真心评价 以前帮衬开，今次真系失望到极！ 『不可一不可再』，留返喺回忆度好啲—— 真系冇得再中伏了！ 😤…查看更多

呢个餐厅我岩岩同父母，男友一齐去食，侍应及收银员啲服务态度真系非常差，问佢地攞水净系攞两杯，我地4个人有咩理由净系攞两杯呢，之后仲要比说话我地听，跟住再叫佢攞多两杯水，佢就好晦气话呢啲能量水嚟架，佢地啲服务态度真系好不知所谓呀，唔怪之得好多人北上啦.永远都唔会再帮衬…查看更多

呢间餐厅成日经过都比佢扒餐张相吸引到我眼球👁️👁️，但从未光顾过。直至有一日夜晚8点，友人想食中餐🥢就向渣甸街随意拣咗一间。。。食评全正数？真定假🥶叫左两个𩠌，沙嗲肥牛粉丝煲同咸鱼鸡粒豆腐煲，另加5蚊转红豆冰OMG！红豆冰嚟到，感觉几足料，但个味有啲怪，唔系饮开嘅味，红豆🫘系煮咗好耐红豆沙果只红豆，成个感觉有啲怪，唔太好饮😢OMG !!先嚟沙嗲肥牛粉丝煲，望个样都觉有啲出事，煲仔嚟到通常都滚紧，但呢个系非常平静，而且颜色似唔入味，点知一试。。。沙嗲味好淡，似翻热再放入煲，味道唔太好，似沟稀落盐嘅芡汁。。。OMG !!!再嚟缺咸鱼嘅豆腐鸡粒煲，又系异常平静😐，豆腐还可以，鸡粒完全无味，食咗一半先发现！咸鱼呢？😑一粒细过鼻屎嘅咸鱼粒都揾唔到，系坚冇，向底有啲啲汁有极少类似咸鱼嘅味🫨，无错，只系类似嘅味。𩠌份量足够嘅，但味真系唔太好今餐系失望😞但比个机会试吓扒餐，因见到人哋叫扒餐，份量好多，个味都几香，先比中评，如果下次。。。都唔知几时😰其实呢，我煮𩠌已经唔叻，我觉得我整得好食啲😱…查看更多

今晚在铜锣湾打完波，一行5人上联威食晚饭。点了4个𩠌，分别系芥兰炒猪颈肉，蒸水蛋，梅菜蒸鲩鱼，咸蛋蒸肉饼。先后已上了三个𩠌，兼且已食晒，还未见蒸水蛋，我就问落单的亚姊，点知佢答：『要蒸嘛，未蒸熟点食』，我跟住同佢讲，梅菜蒸鲩鱼，咁大只鱼尾都蒸熟，而水蛋反而未熟？我讲完呢句说话后，蒸水蛋立即出现，咁大家可以想想边个有问题。最唔要得，亚姊连睇都睇，就敷衍我话未熟。跟住食完埋单，行去俾钱，由于我们大家夹钱食饭，所以细面额纸币比较多，𠮶收银数完后，掷番$2落个兜处，找番俾我，我心谂你当我乞丐呀。呢d员工咁嘅工作态度，间铺等执笠，就系因为有呢d伙计，所以你唔好怪人地大陆抢晒你香港生意。员工服务态度差，如果咁唔钟意份工，你有权选择唔做，唔好得失d客…查看更多

今日晏昼去食饭，本身叫咗个印尼炒饭，点知嚟到个饭系杨州炒饭，我就揾个侍应问吓，我问四眼阿姐我系叫印尼炒饭唔系杨州炒饭，佢话呢个有虾有鸡肉有蛋系印尼炒饭⋯ 我就咁俾佢硬食咗⋯今日年初四服务费加2，$66x1.2，$79，平时都唔写呢啲嘢，不过越谂越嬲猪，写出嚟舒服啲。…查看更多