影片
营业时间
今日营业
07:00 - 16:00
17:30 - 22:30
星期一至日
07:00 - 16:00
17:30 - 22:30
公众假期
07:00 - 16:00
17:30 - 22:30
以上资料只供参考，请与餐厅确认详情
-
网上订座服务暂停
相关文章
我从来都不写食评，也非这个网站的会员，但为了要出这个食评，所以逼不得已登记做了会员，方可发泄心中的极度不满 昨天中午突然需要在青衣城安排商业接待，去到商场游荡了一会后见到这间中餐厅，见门面装修可以，往内一看也感觉企理，于是取位入内。打开餐单一看，感觉是中上价位，相信出品应该会不错，于是点了5个点心，一碟牛河。结果有3样都令人非常失望。第一是小笼包，我并没有蘸醋或任何酱料，就以原味品尝，结果里面的肉是酸的 第二是肠粉，个皮竟然是实的，完全不是预想中的幼滑口感。第三是最贵的牛河，个粉也是死死实实，其中有部分明显见到有几层粉叠在一起，还没有炒散，收到138蚊碟的牛河，不应该会是这样低劣的水准，随便入间路边的updup茶餐厅，相信出品都会比这店好得多，就算没有比他好吃，起码价格也平一半。心想这店都是一次过，没回头，以后也不会再帮衬。于是食完准备嗱嗱声埋单走，埋单前去一趟厕所，结果令我更加呕心。一推门入去已经一股浓郁的臭压尿味扑面而来，行到尿兜位见地下湿湿黄黄的，很明显是尿渍没人清理，这种味道不可能光是一泡尿撒在地上就能做成的，肯定是长期没人清理的后果！整个厕所的环境比公厕还脏得多！很无奈的要忍住呼吸干快完事出来！总之今次的用餐体验，可以说这店绝对是中高档餐厅之极品！希望以后其他茶客不要再中伏
继续阅读
在最近一次的茶楼用餐中，我品尝了这港式茶楼的“芝士鲜虾春卷”。这道小吃的外观吸引，金黄酥脆的春卷皮看起来非常诱人，轻轻咬下去，脆皮的声音让人期待里面的馅料。春卷的馅料由鲜虾和芝士混合而成，虾肉的鲜甜与芝士的浓郁搭配在一起，口感上有些新意。不过，春卷的芝士味道稍微偏淡，没有那种丰富的奶香，反而让人觉得有点遗憾。虾肉的鲜味倒是能够感受到，但整体的味道似乎还是缺少了一些层次感，让人觉得有些平淡。春卷的尺寸适中，适合与朋友分享，但如果你期待一口咬下去就能感受到强烈的味觉冲击，这道小吃可能不会完全满足你。总的来说，“芝士鲜虾春卷”是一道普通的茶楼小吃，虽然不算特别惊艳，但在悠闲的午后，搭配一杯 铁观音或者香片，仍然是个不错的选择。
继续阅读
一年快过又到左蟹季, 超中意食公蟹嘅车车今日就约埋朋友仔一齐拆蟹!!!今次就约左去位于青衣城嘅东海荟 · 拉斐特, 餐厅环境好大, 干净企理, 一行六人拣左一个皇者大闸蟹6位餐, 个个都食到捧住个肚走, 大满足!!!✨️锦绣四品四品包装鸡丝粉皮、手拍青瓜、醉鸡件同叉烧, 四款都系车车好中意嘅前菜嚟, 醉鸡件带淡淡嘅酒香, 手拍青瓜清新爽脆, 叉烧软腍, 鸡丝粉皮混合惹味嘅芝麻酱, 超开胃✨️鲜拆蟹粉小笼包E个小龙包上一次嚟已经觉得好正, 咬落去热辣辣出嚟烟, 成口都系蟹粉, 超鲜味✨️花胶鸡丝羹秋凉天气就最岩饮e d羹, 加一点红醋令鲜味更突出, 暖胃又好味✨️清蒸大闸蟹 套餐包左2皇1后, 公每只约五两, 乸每只约三两, 两款都劲多膏好鲜甜, 肉又多, 沾埋佢地嘅蟹醋更显鲜味✨️头抽煎虎虾一上枱就闻到劲香!!!香到可以食2碗饭, 头抽酱汁劲惹味, 虎虾肉厚爽弹✨️蟹粉蒜茸包蟹粉蒜茸包系另一个食完劲难忘嘅菜式, 热辣辣香脆可口嘅蒜茸包铺满蒜蓉, 再自己系上面淋上金黄鲜味嘅蟹粉, 车车一次过食左4件, 谂起都想再食✨️鲜茄菌皇浸时蔬食左咁多海鲜, 要食番d清菜, 蔬菜色泽翠绿, 上面仲有好多菇菌同车厘茄, 睇起上嚟色彩鲜艳, 好有食欲✨️窝心姜茶汤丸必食嘅姜茶汤丸, 食完蟹当然要食番d姜汤驱寒!佢姜汤系由师父特别烹调, 味道比平时食到嘅唔同, 姜味浓得嚟带点微辣又唔会太甜, 超正!! 为丰富嘅晚餐划上完美句号
继续阅读
入秋时分，一大班人，紧系要去食大闸蟹喇😆人哋已经食咗几个大家族喇，我先食第一餐🦀去咗东海食皇者归来6人餐，包8道菜，又可以捧住个肚走喇🤰🏻重点系今次可以将个嬲字食落肚，食完一定开心返晒🤣🪐 锦绣四品头盘有齐四款唔同口味嘅前菜，醉鸡、叉烧、拍青瓜、鸡丝粉皮😋四款味道都唔同，唔怕食到重复口味👍🏼清新嘅、浓味嘅都有唔同选择，我就比较钟意食醉鸡，特别入味，酒香浓厚🐓§🪐 鲜拆蟹粉小笼包未食就已经望到黄金金嘅蟹粉，要趁热食会系最好🔥 原来蟹粉小笼包系每日手造，两只就要用到一只蟹🦀外皮唔算厚，入面就保留住汤汁，所以食𠮶阵都要小心啲先得呀😆§🪐 花胶鸡丝羹呢个汤羹唔会太重味，仲有好多花胶同鸡丝🫢清清地食完个羹就可以进入大直路，不过小心呀，个羹都会有少少饱肚㗎🤭§🪐 清蒸大闸蟹2皇1后嘅皇者嚟喇🦀有公又有乸，一次过可以满足晒两个愿望😍蟹公约5两重，有啫喱膏又够多膏，食大闸蟹最想嘅都系见到呢个场面🤤至于蟹乸就约3两重，细只啲啲，但系估佢唔到啲膏又多啲啲，仲多过蟹公😆蒸嘅时间啱啱好，又唔会过熟，有少少意犹未尽😋§🪐 头抽煎虎虾食完大闸蟹，紧系唔好俾佢停喇🤭呢一道头抽虎虾都唔野小🦐虾壳脆到可以就咁咬碎，味道浓郁，虾身大只之余肉质仲好结实💪🏼呢道菜式真系好想encore多一次😆§🪐 蟹粉蒜茸包亦都系必食嘅一道菜式🥖烘脆咗嘅面包，布满蒜茸喺面头，就咁食个包都已经好满足，再加上邪恶嘅蟹粉羹汁，双重口味，食多几件都无问题喇😉§🪐 鲜茄菌皇浸时蔬食完咁多重口味嘅嘢，要返返嚟地球清一清先🤣上汤配上菇菌带少少味道出嚟🍄🟫要食返啲青菜平衡返一下先得🥬§🪐 窝心姜茶汤丸食完蟹，饮返啲姜茶都系必须嘅🫚姜够辣，辛口感偏重，不过饮到成个人都暖晒🥰配埋佢嘅芝麻汤丸，呢餐就完满喇😌套餐嚟讲佢都好抵食㗎，去其他嘅分店都可以食到😋今次真系捧住个肚返屋企喇🤭🧸🌞 𝗖.𝗼𝗼𝗸𝗶𝗻𝗴𝗯𝗲𝗮𝗿推介指数 👉🏼👉🏼8️⃣🌟
继续阅读
《东海荟 · 拉斐特 - 青衣》今年蟹季so far已经食左第五转蟹啦🤣过完大闸蟹季真系要停战一排先得🤫琴日又同左一班frd 子入左青衣食大闸蟹宴🦀六个人刚刚好可以叫个皇者大闸蟹六人餐，除左有2皇1后既大闸蟹之外，个套餐仲有不少用蟹粉蟹肉制作既菜式🥴十分丰富😍至于蟹方面，每只公大约都五两，而乸每只约三两，每人三只蟹，六个人就有18只咁多，拎上枱既时候都几壮观架🦀🦀🦀💁🏻♀️锦绣四品前菜四品分别有叉烧、鸡丝粉皮、手拍青瓜🥒同埋醉鸡件，叉烧系半肥瘦的，咬落弹牙有口感，而鸡丝粉皮入面有青瓜丝拌碟，食落爽脆清新又有麻酱既香气，个个都争住食😜手拍青瓜同样系口感爽脆清甜，个醋汁食落微酸几开胃，最后就系个微微酒香既醉鸡啦，喜欢佢既外皮系冰爽入味，鸡肉又可以保持到嫩滑💁🏻♀️鲜拆蟹粉小笼包之后就系必食既蟹粉小笼包，每人一粒唔洗争，记住要衬热食呙，入面既蟹粉同鲜肉融入后十分鲜味，蟹粉味道都算出，不过唔算太爆汁，但整体味道不错的🫶🏻💁🏻♀️清蒸大闸蟹 主角大闸蟹先上左公先，等我地食完晒之后餐厅会安排再上埋只乸，咁就唔怕咁易冻晒啦，五两既公蟹都几大只，呢个时候已经开始多白膏，我两只公啲膏都几饱满的🥰我谂等到十一月啲白膏应该会更正👍🏻乸对比起公就当然细只少少啦，佢啲膏相对较实净，细细只但都几爆膏呀🥴食三只够晒数💁🏻♀️花胶鸡丝羹食完蟹之后当然要清清口腔，食左个花胶鸡丝羹中和一下口腔既蟹味，入面既花胶片几大条，啖啖都足料架，个汤底都唔会太浓味，当汤饮都几饱肚💁🏻♀️头抽煎虎虾呢个虾我觉得都几出色，因为挂住食羹既关系，搞到只虾有少少冻左无咁热辣辣，但都仲系老远都闻到个头抽既香气，虎虾巨大只🦐煎香完之后个头个外皮都脆卜卜好香口，连个壳都脆到可以食埋落肚，十分惹味💁🏻♀️蟹粉蒜茸包估唔到一片少少既蒜蓉包都可以咁邪恶，睇落平平无奇，但落埋个蟹粉酱汁后真系极之吸引呀😍有三大兜蟹粉酱比我地任用，厚搽上面包都用唔晒呀，食落甘香浓郁，配上酥脆既蒜蓉包真系超guilty呀💁🏻♀️鲜茄菌皇浸时蔬去到最尾竟然系食菜？🤔但我地一至都认为个菜其实几好食，因为个汤系十分鲜甜的，小白菜吸晒啲汤汁后有鲜上加鲜既感觉🥬仲渗透出阵阵既菇香添👍🏻清清地但好好食💁🏻♀️窝心姜茶汤丸⋯⋯食左咁多蟹，又点可以唔饮番姜茶呙🤓佢个姜茶微微辛辣，饮完个肚暖笠笠好暖胃，仲有三粒芝麻汤丸喺度添，食完直头饱到上心口呀😮💨
继续阅读