世家朱扒

营业中

休息中

第四次光顧，之前给我的印象已經很普通，但是茶餐廳來說，它是不錯的。同事有禮貌的招呼，環境乾淨，鎮店豬扒冇得輸。不過以我由坐底到去比錢都只係半個鐘，其間叫咗共3次杯熱啡走奶到我食完最後嗰啖先嚟~跟住有3位客入嚟，因為唔想分枱坐，個阿姐就叫佢哋等我坐緊嗰張(大佬，老麥咩?! 我個餐已經乾啃，仲諗住我要高温對埋杯啡？! 唉~)我飲咗1/3杯，個阿姐埋嚟叫我轉枱…我就放棄杯啡，去比$走囉! 可以嘅話，外賣啦，不過我冇乜必要都唔再去Iu~

朋友報料觀塘新開餐廳豬扒好食，即去試！鋪唔難搵，新開仲係新淨乾淨樓面姐姐熱情禮貌上菜速度正常午餐 豬扒飯+豉油汁+野飲（冷熱同價）$58，算幾抵，事關豬扒俾左1.5份真係大大份+厚身！口感唔錯嫩口又香口，豉油汁甜甜地都好夾。係熱辣辣見啱啱煎好出黎，已經夠曬吸引！唯一係個飯差少少，有啲夾生。朋友食豬扒炒公仔麵，麵炒得唔油唔錯！豬扒係另上嘅，$68 都係包野飲（冷熱同價），豬扒更大塊，係兩大塊😂仲做緊新開優惠，會再去🤭

lunch行過見到新開店，就過去幫襯試下，叫左個豬排飯同蒸魚。豬排好好食好大塊，可以encore，但蒸魚就完全唔得，d肉好“鞋”同好散，好似蒸左好耐咁。豬排真係好食，都係叫返豬穩陣d....

依加新開張有優惠哦～早餐減$3蚊；午餐減$5蚊重點‼️‼️‼️凍飲不用加錢冷熱同價，全部選用出前一丁公仔麵（又係不用加錢）👍全部食物都係大大碟架😝環境簡潔座位舒適